Santiago 2:14 - NandevaBiblia

¹⁴ Shyryvyre, mbaivapera haikaviposhu ĩme'ẽ heiva jyrojakaviva tẽvã mbai haikavivaimbatẽ japova? Katura hokava jyrojakue mondojepe?

Santiago 2:14 ပူးပေါင်းရင်းမြစ်များ

Mateo 5:20

She hai pee, pijapo kaviãã fariseore hareka Moisés mbypara vekua pyrỹmboi'ihea hekope kaviva ryhevarã, picheãpokui huvisha vasu vate arapy'õ ẽvãpe.

Lucas 3:11

Hãma Juan heishu reta: Mondeava mõkuerea tymeẽjyveshu pente mba'etyrea; hareka kyrãi tijapo jyve hou verã imẽrea.

Lucas 6:49

Tẽvã hẽndu hareka japombava she haiva ova kuimbai japo vekua hoorã yvy rei'õpe, yvykua joombashua; haivi jitivishama ou yy syryvarã ñunupahe oorã opa mambai.

Hechos 15:9

Tũpa rãnga mbivavyã haire ẽvã hareka ñande, shara opaĩ johejyveshu reta pyare jyrojavehe retarã.

Hechos 8:13

Hãrã Simónteiva rojarã ñymyngarai jyve, hãrã õñepyrõ mi'ĩrũshu Felipe, mbyrymaĩhe mbai heshaha verã hareka mbai kavi heshaha verã hesharã.

Hechos 8:21

Nde mba'ẽã ĩmeryrende kovape, shara ndypya symyĩã Tũpa hỹnonde.

Romano 2:25

Mba'ẽã rãngaposhu mbava pire chĩchĩka'i Moisés mbypara vekua japoãrã, mbijicheĩrã, hãĩny haimbatẽã pire chĩchĩkava.

1 Corintios 15:2

Kova Ñee kaviva rupii pehojepema, tantapẽĩhe ñee ambeupe vekuarã; kyrããrã pyrojareiimbapo.

1 Corintios 16:22

Ĩme'ẽ haihumbava Ñandeja Jesucristorã, toahe Ñandeja ĩñee pohyva! Ñandeja ouserima.

Galatas 5:13

Pee rãnga shyryvyre piñyheno poia pyhevi verã. Avy pipory kova poia pyndyheviape pijapo verã pyndyroo potava, haikavivepo piñymbory jyhaihuperã.

Galatas 5:6

Ñande rãnga ñañymypenteĩ hãndi Cristo, hãrã mba'eã he'ise iripire chĩchĩhãkara maĩrã mba'ety, koñeĩ haikaviveva hai jyrojakue, hareka kova jyrojakue rupii jahaihu jyve ñandapishare.

1 Tesalonicenses 1:3

Yrỹmanduañoĩ pyrehe ñanu Tũpa hareka Ñanderu hỹnonde marãra jyhaihupe pymba'apo hareka marãra pirojaiterã hetavape pymbory, hareka marãra pyharõkuaa Ñandeja Jesucristo.

1 Timoteo 1:5

She rãnga hai nde kova mbai ẽẽ verã jyhaihukue ouva pya kyambaivi, pya kavivaivi, hareka jyrojakue añetevaivi.

1 Timoteo 4:8

Ãñete rãnga ndyrete ñumungueva mbaivape haikaviñoĩ, tẽvã tykove mbijicheava Tũpa pevarã opavaretape haikavi, shara ĩmere ñee me'ẽãva tykove ã'ẽ pevarã hareka tykove ou verãpe.

Tito 1:16

Hei reta kuaava Tũpa, tẽvã japovare rupii jykuahe reta heireii jyrerã; kuaretare heshatããshu reta hareka ñee henduã reta, ẽẽãshu mbai haikaviva japo verãre.

Tito 3:8

Kova rãnga hai ñee añeteva hareka aipota hykuaĩ rerejykui kova mbaire, õñehã japo verãre Tũpare jyrojavare haikaviva. Kova mbaire haikavi hareka opava pevarã poryha verã.

Hebreos 11:17

Abraham jyroja rupii, Tũpa pyahããshurã, meẽ tay Isaac penteĩrea hapya verã. Hai ĩmemare Tũpa ĩñee meẽva.

Hebreos 13:9

Avy pyroja yngai pyrymbo'eaheva hareka kuaahambava. Haikavivepo ñandypyape pũã Tũpa jyhaihukue, hareka avy pyhendu pyrỹmbo'eahea ho'uava ryheva, mbaivapeã haikavishu hokava ñee ho'uava ryheva henduvare.

Santiago 1:16

Shyryvy ahaihuvare, avy peii piñymbytavypi,

Santiago 2:16

haivi penteva pynymbytepe'õ heishu: “Ekuajy pyavapy ryheve, jykasoishi ro'y hareka karu nyvãtapeve”, tẽvã me'ẽãshu ikotẽvevarã, mbaivapera haikavishu hokava?

Santiago 2:18

Katu ĩme'ẽ heiva: “Nde ĩmeryre jyrojakue, tẽvã ajapo she mbai haikaviva”. Shymbyheshaka rirojakue mbaimbaa japova, hãrã she aheshakapo jyve nde jyrojakue ĩme'areva mbaikavi ajapova ryheve.

Santiago 2:26

Shara ñandyrete putũhẽãrã mano, kyrã jyve jyrojakuepe mbaimba japova, manoma.

2 Pedro 1:5

Hãme rãnga pyrẽĩpo pimi'ĩrũhe pirojakuepe tekokavi ryheve, hareka jyve pyndyrekokavi mbai kuaa ryheve,