Santiago 2:1 - NandevaBiblia

¹ Shyryvyre, pirojava Ñandeja Jesucristo ñymbai katui'ivare, porããpo kuaretare pimbivavy pingarekoherã.

Santiago 2:1 ပူးပေါင်းရင်းမြစ်များ

Mateo 22:16

Fariseore mondo mboireare hareka Herode ẽẽ hãndiare. Heishu reta: Pyrỹmboi'ia, kuaa rãnga añeteva rỹmbeurã, hareka hekope kavi rymboi Tũpa hape. Kuaahaĩjy rymbyvapyã ndijehe, he'iandevarã, hãndi rỹma'ẽãvãĩjyhe marãvara.

Hechos 10:34

Hãrã Pedro õñepyrõ ijetashu reta: Ã'ẽ aikuaa, ãñeteñoĩmba Tũpa pevarã penteva rãĩmi ñanderã,

Hechos 20:21

Judiore hareka haimba Judiovare haishu reta oujy verã Tũpa kyty, hareka jyve jyrojahe verã Ñandeja Jesús.

Hechos 24:24

Mbovy arama hasajyrã hykuaĩ oujy Felix, hyreko Drusila hãndi, haijyve Judiovare, hãrã henõkajy Pablo hẽndushi verã Jesucristore jairojava ryheva.

Hechos 7:2

Esteban hei: Shyryvyre hareka terure, shyrẽndupi: Ñanu Tũpa hĩmbipeva ijeshakambashu arykai ñanderu Abraham Mesopotamiape, ndei oho iko Haranperã,

Romano 1:11

Shara aipota aha apyryresha tykovepy'õre me'ẽ verã mbai katukue Espiritu Santoivi ouva, hareka kyrãrãpo jyrojakue Tũpa pyrekoheva pyrãtave ohokui.

1 Corintios 2:8

Kova mbai huvishare ko yvy'ĩãrẽ'õre mba'ety kuaava, shara kuaa retarã mbysavavambatẽ verã kurusure Ñandeja vate arare'õ hĩmbipekue ija.

Colosenses 1:4

Henduha rãnga Cristo Jesús piroja jyveherã, hareka pyhaihu opaite heko kyambare,

1 Timoteo 1:19

reko katu ndijehe jyrojakue hareka pya kavi. Shara ĩme'ẽ mbijiche ijuhuviva pya kyamba, hãme rãnga javy hai jyrojakuepe.

1 Timoteo 5:21

Airurende Tũpa hỹnonde, Jesucristo hỹnonde hareka Tũpa jokueva pyhỹrõvare hỹnonde, hekope kavi rijapo verã kova mbaire, mbavamba rĩmbijicheva.

Tito 1:1

She Pablo, Tũpa jokueva hareka Jesucristo jy Apostol, shyrẽno Tũpa pyhỹrõvare jyrojahe verã hareka kuaa verãre Tũpa ĩñee añeteva, heshahakava tykove mbijicheava Tũpa pevarã rupii.

Tito 2:13

ñahãrõteri ñaĩvape hĩmbipekue ryheve ou verã ñanu Tũpa ojaimbava hareka Ñanymondojepeva Jesucristo.

Hebreos 1:3

Tũpa hĩmbipekue heshahahe Tay, hai rãnga penteva rãĩmi handi Tũpa, Tay rupii tanta'ẽ opa mbai ĩñee ñymbaikatuva rupii. Opama johe ñandyhevi mbai porãmba jajapo vekuarã, vapy'ẽ Tũpa ñymbaikatuva jakata kyty vate arapy,

Hebreos 12:2

Ñamaĩpo Jesús jykoty, jyrojakue mbijypyva hareka mbyhaikaviteva, hasa'asy kurusure, hareka ñynotimbape mano, shara hai kuaa jyhasa'asy haykue ĩmepore vya ojaimbava hareka vapy Tũpa vapypya jakata kyty.

Santiago 1:16

Shyryvy ahaihuvare, avy peii piñymbytavypi,

Santiago 1:19

Shyryvyre ahaihuva, pynymanduahe kova; opaiteva kuimbaire ẽẽñoĩpo hendu verã yngava hapishare, tẽvã ha'ẽã aremba'eite ijeta verã hareka poshy verã.

Santiago 2:3

Haivi ñymonde kavi'ivaĩ pereshu: “Kope vapy nde haikavive'õpe”, tẽvã pavete'ia pereshu: “Hokapeĩ ñymbou'ẽ nde, maĩrã vapy nde yvype”;

Santiago 2:9

Tẽvã pimbivavy papisharã, mbai porãmba pijapo hareka porãmba ĩmemapyre Moisés mbypara vekua hỹnonde.

Santiago 3:17

Katynga ãrãndu Tũpaivi ouva tynonde heko ky'ãã, heka pyavapyva ryheva, pya kavi hareka ñee hendu. Kyrãĩjy pyrypareko, ĩñee añete, hova mokueã hareka haikaviva japo.

2 Pedro 1:1

She, Simón Pedro Jesucristo jokueva hareka apóstol apyrỹmymarandu, Jesucristo ñanu Tũpa ñanynohẽva porãmbaivi hekokavi rupii, hejape pente jyrojakue mashyãva ore ĩme rekohava rãĩmi.

Judas 1:16

Kova kuaretare opava mbyposhyka hareka ijetareii, koñeĩ haire potavaĩ pota japoashu, myporãjyvyĩ ijeta reta pota maĩnunga me'ẽãshu retarã.

Apocalipsis 14:12

Kope ẽẽ Tũpa ryheva hãrõkavivare, Tũpa heiva natu kaviva hareka opa ara jyrojaheva Jesús.