Santiago 1:26 - NandevaBiblia

²⁶ Ĩme'ẽ heiva opa kavi japova Tũpa ĩñee, tẽvã juru jokoãrã, ha'i ñymbytavy'i hareka heireii opakavi japova Tũpa ĩñee.

Santiago 1:26 ပူးပေါင်းရင်းမြစ်များ

Mateo 15:9

Hãrã reii shemombai rã'ãnga reta, shara haire kuimbaire hei vekuaĩ pyrỹmboi jyrehe.

Marcos 7:7

Shemombai rã'ãngai jyre, shara kuaretare hei vekuaĩ pyrỹmboi jyrehe”.

Lucas 8:18

Hãrã pyhendu kavipo kova: Ko imẽrea mẽ'ẽhave poshu hetavere verã, tẽvã mba'ety reva mishi imẽte rea mikue opapo hekyajy shi.

1 Corintios 15:15

Kyrãrã ore yrapureiimbapo he'iha Tũpa mynguerajyva Cristo; ãñete kyrããmbapo jehu manovare kuerajyvyarã.

1 Corintios 15:2

Kova Ñee kaviva rupii pehojepema, tantapẽĩhe ñee ambeupe vekuarã; kyrããrã pyrojareiimbapo.

1 Corintios 3:18

Avy mbava ijupei tiñymbytavy. Ĩme'ẽ pynymbytepe hei ijeheva heta ko yvy'ĩãrẽ'õ kuaavarã, tiko mbaimba kuaava rãĩmi, hãmepo ãñeteĩte mbai kuaakui.

Galatas 2:6

Tẽvã tũpao miñaka'iare vateve'õ, he'iãshe reta yngava añono verã apyrỹmboiheva. Haijyvepe she pevarã jyvavyã haikavira maĩrã mba'ety, shara Tũpa hỹnonde opaite kuimbaire jyvache.

Galatas 2:9

Santiago, Pedro hareka Juan, kuaahava huvisha pyrãntavare tũpaope mbai vasuvevare, kuaa mondo reta Tũpa meẽsheva ajapo verã hareka heshaka reta ñi'ĩrũ oreva, meẽ ore ipo she hareka Bernabé, hãrã pente ñeepe iñyñonoha ohoa verã Judiombavare'õpe hareka haire Judiore'õpe.

Galatas 3:4

Hetara pyhasa'asy, mbaimbaa verã? Katuã rãnga mbaimbape opa!

Galatas 6:3

Ĩme'ẽ pynymbytepe moã hai mbai vasuvarã, tẽvã mba'erã'irã, ijupi ñymbytavy.

Efesios 4:29

Avy tõhẽ ñee kyava pindijuruivi, pere jyve ñee haikaviva henduvare mykỹrẽ'ỹ hareka mbypya kavi verã.

Efesios 5:4

Avy pere mbai pyrỹmymarãva, mbai porãmbava, ñee porãmbava, jyrojavare ha'ẽã kyrã ijeta verã; hokava hendape pymeẽ pyndyvya Tũpape opa mbai meẽpevare.

Colosenses 4:6

Pijeta kaviñoĩpo hareka pyrymbyhorypo, pikuaa kavi verã marãrapo pymbyhovaishu reta.

Santiago 1:19

Shyryvyre ahaihuva, pynymanduahe kova; opaiteva kuimbaire ẽẽñoĩpo hendu verã yngava hapishare, tẽvã ha'ẽã aremba'eite ijeta verã hareka poshy verã.

Santiago 1:22

Tẽvã pijapo ñee heiva rãĩmi, avypo pyhendupeverei, mahẽ piñymbytavykui.

Santiago 2:20

Avy mbaimba kuaava rãĩmi'i, rikuããra jyrojakue ohoã hãndi jajapovarã, mbaivapeã haikavirãme?

1 Pedro 3:10

shara: “Hykove pota haihuva hareka ara kavi pota heshava, avy tijeta porããhe yngava hareka avy añetembava tymbeu,