Santiago 1:22 - NandevaBiblia

²² Tẽvã pijapo ñee heiva rãĩmi, avypo pyhendupeverei, mahẽ piñymbytavykui.

Santiago 1:22 ပူးပေါင်းရင်းမြစ်များ

Mateo 12:50

Ĩme'ẽ japova Sheru vate'õ arapy potava, hokava hai shyryvy, shiindy hareka shesy.

Mateo 28:20

Hãrã pymboishu opaite tijapo reta she hai pee vekua. Pikuaapo she ãĩmẽpo penendie opa arape ko yvy opapeve. Amén.

Lucas 11:28

Jesús heishu: Vy'apo jyve Tũpa ĩñee hendu hareka japova!

Juan 13:17

Pikuaa kavi kovarã, hareka pijaporã pyvy'apokui.

Romano 2:13

Shara Tũpa mbyheko kaviã Moisés mbypara vekua hẽndupeveĩ'ia, koñeĩ hendurã japovaĩ.

1 Corintios 15:33

Avy piñymbytavyka: “Ñañimi'ĩrũheare heko porãmbare, opa myporãã ñandyhevi mbai haikaviva jajypykuava rãĩmi”.

1 Corintios 3:18

Avy mbava ijupei tiñymbytavy. Ĩme'ẽ pynymbytepe hei ijeheva heta ko yvy'ĩãrẽ'õ kuaavarã, tiko mbaimba kuaava rãĩmi, hãmepo ãñeteĩte mbai kuaakui.

1 Corintios 6:9

Pikuããra porãmba japo'iare hipityãpokui Tũpa ẽvãpe'õ ryheva? Avy peii piñymbytavy, Tũpa vapy'õpe icheãpokui kyrãrãĩma'iare,

Galatas 6:3

Ĩme'ẽ pynymbytepe moã hai mbai vasuvarã, tẽvã mba'erã'irã, ijupi ñymbytavy.

Galatas 6:7

Avy peii piñymbytavy: Mba'ety ñymbyhoryhe verã Tũpa. Opaite ñande ñañotyva, ñandeipo ñamynoojykui.

Filipenses 4:8

Koñemahea shyryvyre, pypya pimbijeta katuhe opava oumbava japuivi, heko kaviva, pyrỹmbyhoryva hareka hyrãkua kavivare. Opaite ĩmereva mbai haikaviva hareka katu pyraheva, kova pypya pimbijetahe.

Colosenses 3:17

Hãma opa mba'e pijapova hareka pereva, pijapo Ñandeja Jesucristo heepe hareka pymeẽ ajetekue Tũpape, Cristo rupii.

2 Timoteo 3:13

Tẽvã kuaretare heko poshyva hareka pyrymbytavy'iare porã'ãĩtevepo jyraha reta, pyrỹmbytavy hareka yngavare mbytavyñoĩshu.

Tito 3:3

Ore mba'eã kuaaha jyve arykai, ñee henduhãã, kuahãã ikohavaipi, mbai porãmbape yrokueha'i hareka mbai potakuepe. Ikoha'i porãmbavape hareka ijeshatambavape, yryreshatãã reta hareka oreĩ opa jyhaihuhaveã.

Santiago 1:26

Ĩme'ẽ heiva opa kavi japova Tũpa ĩñee, tẽvã juru jokoãrã, ha'i ñymbytavy'i hareka heireii opakavi japova Tũpa ĩñee.

Santiago 4:11

Shyryvyre avy pijeta porãã ijehe. Pyndyryvyhea ĩñeepe ñymbyvaisho'ihea maĩrã mbivache'ia, porãã ijeta hareka mbijiche Moisés mbypara vekua japoa verã. Hãrã rĩpirĩmbijicherã, rĩñyñonoma pirĩmbijiche'ia rãĩmi rijapoĩtẽ verã.

Santiago 4:17

Ĩme'ẽ mbai haikaviva katutẽ japova, japoarã, mbai porãmbama japo'ẽ.

2 Pedro 2:13

Hãrã haire hasa'asypo hetavape mbyhasa'asyva rãĩmi. Mbyvyava rãĩmi tykove ijokombavape jyrerã arakuepe japojyrerã. Hokavare hai tykove kyava hareka myngyava, pynymbytavy hareka puka pyndyreheva karuteri penendierã.

1 Juan 1:8

“Mbai porãmba mba'ety areshe” ja'erã, ñandei ñañymbytavy hareka ñambe'uã añeteva.

1 Juan 2:3

Haereka ñande jajapo Tũpa potavarã, katuma opa jajapo, shara jaikuaa kavi jaikuama jareshua.

1 Juan 3:7

Shyrayre, avy mbava pynymbytavy, opaite mbai hekope kavi japo'ia heko jyvachema, Jesucristo rãĩmi.

3 Juan 1:11

Shyryvy ahaihuva, avy ñymboihe porãmba japo'iare ikova rãĩmi, haikavivaĩpo. Mbai haikaviva japo'ia rãnga hai Tũpa ryheva, tẽvã mbai porãmba japo'ia, kuãã hai Tũpa.

Apocalipsis 12:9

Haivi mboi vasu momboha yvykyty, mboi aryka'eiteva, Ãña hareka Satanás he'iashuva, opa kuaretare mbytavyva, hai jokuevare hãndi momboha yvy'ĩãrẽ.

Apocalipsis 22:7

Pyhendu! “Aijyserima! Vy'apo henduva hareka japova ñee iko verã mbyparahava ko kuatiape”.