Santiago 1:17 - NandevaBiblia

¹⁷ opa mbai me'ẽãreiiva hareka mbai jaikatukue hekope kavi'õ rãnga ou vate araivi Tũpaivi, japo vekua arare'õre hareka Hai ñymy'yngaiã.

Santiago 1:17 ပူးပေါင်းရင်းမြစ်များ

Mateo 7:11

Pee piniñarõva, mbai haikavivaĩ pymeẽshu pyndyrayre, ñopyĩara hai Peru vate arapy'õ, mbai haikavivapo meẽshu jurureshuare.

Lucas 11:13

Pee piniñarõva pikatu mbai haikavivãĩ pymeẽshua pyndyrayre, ñopyĩãra hai Peru vate arapy'õ meẽñoĩposhu Espiritu Santo jurureshua.

Juan 1:9

Hãrã ko sapeva añeteĩteva, oumba ko yvy'ĩãrẽ sapehe verã kuaretare.

Juan 3:27

Juan heishu reta: Mba'ety maĩnunga ĩmere verã Tũpa mẽ'ẽãshurã.

Juan 3:3

Hãma Jesús heishu: Añeteĩteva hai nde, oa py'ahujymba, katuãpo hesha Tũpa ẽvãpe.

Juan 8:12

Jesús ijetajyshu kuareta retarã hei: She hai sapeva ko yvy'ĩãrẽ, ĩme'ẽ shimi'ĩrũvarã rekopo sapeva meẽvã tykove, hãrã ikoveamapo pyntuape.

Hechos 11:18

Henduma reta kovarã, opa chĩrĩrĩ hãrã õmombai reta Ñanderu Tũpa hei: Haimba Judiova reta'ẽẽĩmba jyveshu oujy verã Tũpape hejahareishi verãre mbai porãmba japo vekua, hipity verã tykove opambava!

Hechos 5:31

Hokava rehe Tũpa ñonoshu vate jakata kyty, mburuvisha vasu rãĩmi hareka pyrỹmondo jepe verã opaite Israelvare hipity verã hejaha reiva mbai porãmba vekua.

Romano 6:23

Mbai porãmba hepykue rãnga hai ñymano, tẽvã Tũpa meẽva hai tykove opambava, Cristo Jesús Ñandeja ñañymypente hãndiape.

1 Corintios 4:7

Mbavara niñono yngavare ĩãrẽ? Mbaivara Tũpa me'ẽãteri nde? Hai meẽ nderãra, marã'ĩrãra rirojarihe ndeii opa ripityva rãĩmi?

2 Corintios 4:6

Shara Tũpa teimba, hei timimbivape sape verã hendyva, hai sapeka ñandypyape, sape verã hareka kuaaha verã Tũpa hĩmbipekue, hĩmbipeva Jesucristo hovare.

Efesios 1:18

Airurejy Tũpape pyndypyape sape verã, pikuaa kavi verã mbaivara ñyhãrõ kavi pynyrẽnohavape, haikavi hĩmbipeva hareka mbai hepyva pyrỹmondo jepeva Tũpa meẽshuva heko kyambare,

Efesios 2:8

Pee rãnga pehojepe Tũpa jyhaihu rupii, shara pirojaherã. Kova mbai ha'eã peii pijapo vekua rupii, Tũpa me'ẽĩpeva rãnga.

Filipenses 1:29

Pee rãnga me'ẽhape Cristo pirojapeveĩmbahe verã, pyhasa'asy verã rãnga jyve hai rehe.

1 Timoteo 6:16

Hã'ẽĩ'ẽ manombava, ikova hĩmbipeape katumba mbava ñymbojahea. Mba'ety kuareta heshava, hãma hesha'ãĩteipo. Hai opa ara pevarã heko kavikue hareka ñymbaikatu. Amén.

Hebreos 13:8

Jesucristo rãnga hai ka'ãmeva, ã'ẽva hareka opa ara pevarã.

Santiago 1:5

Ĩme'ẽ pynymbytepe mbai kuambavarã, tirureshu Tũpa, haipo meẽshu ãrãndu mba'etyrea, shara Tũpa hetakavi meẽshu mbavapemba rỹrõva.

Santiago 3:15

Kyrãva mbaikuaa ouã Tũpaivi hokava yvy'ĩãrẽ'õvaĩ, kuaretaivi ouva hareka ãñaivi.

Santiago 3:17

Katynga ãrãndu Tũpaivi ouva tynonde heko ky'ãã, heka pyavapyva ryheva, pya kavi hareka ñee hendu. Kyrãĩjy pyrypareko, ĩñee añete, hova mokueã hareka haikaviva japo.

1 Juan 1:5

Kova hai ñee henduashi vekua hareka mbe'uhape: Tũpa hai mbaihendyva hareka mba'etyhe pyntukue.

1 Juan 4:10

Jyhaihukue añeteva rãnga hai kova: Ha'ẽã ñande jahaihuva Tũpa, hai rãnga tynonde ñandyraihu hareka mbou arykai Tay yvy'ĩãrẽ jukaharã rupii hejahareii ñandyhevi verã mbai porãmba jajapo vekua.

Apocalipsis 21:23

Hareka tenta vasu ikoteveãhe kuarasy hareka jasy mykoĩ'ĩãrẽ verã, shara Tũpa hĩmbipekue sape'ẽhe hareka Avisha Ray hai ñymbai sapeka.

Apocalipsis 22:5

Haipe mba'etypo pỹntu, mba'etypojy ikotẽvẽhea sapeapya myhendy verã hareka kuarasy, shara Tũpa Teja haipokui jysapekare, hareka hairetapo huvisha vasurã'ẽkui opa ara pevarã.