16 Shyryvy ahaihuvare, avy peii piñymbytavypi,
Jesús heishu reta: Tivisha rãnga pijavy. Pee pikuãã Tũpa ĩñee maĩrã Tũpa ñymbaikatu.
Jesús heishu reta: Pijavy rãnga, shara pikuãã Tũpa ĩñee hareka ñymbaikatukue.
Tũpa rãnga ha'ẽã manovare ñu Tũpa, hykove'iare ñu Tũpa rãnga hai! Mbyry rãnga pijavy!
Hokava arape Pedro ñymboyrã ijeta 120 jyrojavare paũpe, hãrã hei:
Pikuããra porãmba japo'iare hipityãpokui Tũpa ẽvãpe'õ ryheva? Avy peii piñymbytavy, Tũpa vapy'õpe icheãpokui kyrãrãĩma'iare,
Avy peii piñymbytavy: Mba'ety ñymbyhoryhe verã Tũpa. Opaite ñande ñañotyva, ñandeipo ñamynoojykui.
Hãrã shyryvyre ahaihuva, ãĩme ãĩ penendierã pijapoñoĩ she haiva, ha'eã ãĩme ãĩ penendierãmeĩ, katynga shembape hetave ã'ẽ, kyjevape hareka ryryvape pymba'apohe pynymondojepevare,
Hãrã pee shyryvyre apyryraihuva, hareka shykyrẽy apyryreshava, tãnta katu pẽĩhe Ñandeja, ahaihuvare.
Kova hai pee potãã mbava pynymbytavypy ñee mashyã'ovarã, tẽvã mba'ety vekua.
Pingareko kavi avy piñymbytavykashu kuaretare ñy'ãrãndu mbaimba vekuare, haire ou arykaivare mboiva rupii hareka tẽãre ñymbaikatu'ipe ẽvã ko yvy'ĩãrẽ, hareka ouãã Cristoivi.
yngaipii jyrahashi añeteva. Haire hei ñande jakuerajyape hasamava, hareka kyrãvape a'ãmore jyrojakuepe mykangyshu.
Avy pypoi pijyhaihu shyryvyre.
Shyryvyre ahaihuva, pynymanduahe kova; opaiteva kuimbaire ẽẽñoĩpo hendu verã yngava hapishare, tẽvã ha'ẽã aremba'eite ijeta verã hareka poshy verã.
Shyryvyre pyvy'aĩpo opaĩ marãrãva pyarãã pyhasapeĩrã.
Shyryvyre, pirojava Ñandeja Jesucristo ñymbai katui'ivare, porããpo kuaretare pimbivavy pingarekoherã.
Shyryvyre, mbaivapera haikaviposhu ĩme'ẽ heiva jyrojakaviva tẽvã mbai haikavivaimbatẽ japova? Katura hokava jyrojakue mondojepe?
Pyhendu, shyryvyre ahaihuva: Tũpa rãnga pyhyrõ pavetevare ko yvy'ĩãrẽ, ikokatu verã jyrojakuepy hareka me'ẽhashu verã tenta vasu mbeushuva haihuvare.
Shyryvyre, avy pymbytepe hetaite toĩ pyrỹmboi'iva. Pikuaa kavi rãnga pyrỹmboi'iare mbivacheha pohyitevepokuirã.
Hokava tijuruivi õhẽjy ñee haikaviva hareka jypejuva ryheva. Shyryvyre, kova ha'eã rãngatẽ kyrã verã.
Shyryvyre avy pijeta porãã ijehe. Pyndyryvyhea ĩñeepe ñymbyvaisho'ihea maĩrã mbivache'ia, porãã ijeta hareka mbijiche Moisés mbypara vekua japoa verã. Hãrã rĩpirĩmbijicherã, rĩñyñonoma pirĩmbijiche'ia rãĩmi rijapoĩtẽ verã.
Tẽvã kova ĩãrẽ, shyryvyre avy pymeẽ piniñee vate arare, yvype maĩrã yngava maĩnungare; hãrã “ẽẽ” pererã haimaĩpo; hareka “mba'ety” pererã mba'etymaĩpo, potãã pinimbivachearã.
Shyryvyre, ĩme'ẽ pynymbytepe añeteva ryheva hejarã hareka ĩme'ẽ añetevape verujyvarã,
