Santiago 1:1 - NandevaBiblia

¹ She Santiago Tũpa hareka Ñandeja Jesucristo jokuereva, amarãndu 12 Israel ñymoñashiare opa mamaipi ohova yvy jerekue.

Santiago 1:1 ပူးပေါင်းရင်းမြစ်များ

Mateo 10:3

Felipe, Bartolome, Tomas, Mateo kyrypoti mbatyse'iare Roma pevarã, Jacobo Alfeo tay; hareka Tadeo;

Mateo 13:55

Kova rãnga hai yvyrare mba'apo'ia tay, hareka ishy hai Maria. Tyvyre Jakobo, José, Simón hareka Judas,

Mateo 19:28

Jesús heishu reta: Ãñete hai pee, vãhẽma ara opa mbypy'ahuajy verã, hareka kuareta Tay, vapypo vapyhapya hĩmbipevape. Hãrã mĩ'ĩrũ vekua vapyĩpo jyvepy 12 ẽvãpe, mbaikavikue japo verã 12 ñymoñare Israelva retape.

Marcos 3:18

Andres, Felipe, Bartolome, Mateo, Tomas, hareka Jacobo Alfeo tay, Tadeo, Simón Canaanva,

Lucas 22:30

pykaru verã hareka pimbyu verã jyve shymesape avapyape. Haivi pyvapypo mburuvisha vasu vapypyape, pimbivachekashu verã 12 kavi'õ tenta Israelvare.

Lucas 6:15

Mateo, Tomas, Jacobo Alfeo tay, Simón mbyheeava “Zelote”.

Juan 12:26

Hãrã ĩme'ẽ pota japosheva haivarã, tou shaykue. Mãĩpi she ãĩvãpe, haipepo ĩme'ẽjyvekui japosheva aipotava, hareka Sheru õmombaivasuposhukui.

Juan 7:35

Hãma Judiore pyrãndu jyre ijupe: Matyrapo ohojy ko kuimbai, katumba ñavãĩshu verãpe? Ohorapo Judiore opa ñymõmohẽva hendaipi, mboishu verã griego reta?

Hechos 1:13

Vãhẽ jyraha Jerusalenperã jupi reta oo vate'õpe, iko jyreape, Pedro, Juan, Santiago, Andres, Felipe, Tomas, Bartolome, Mateo, Santiago Alfeo tay, Simón Selote hareka Judas Santiago tay.

Hechos 12:17

Tẽvã Pedro ipopei myha'ãnga heishu reta jasaka verãre, haivi mbeushu reta marãra Ñandeja nohẽjy mbyperesoavaivi, hãrã heishu reta: Pikuaaka jyveshu Jacobo hareka opaite ñandyryvy ñandyryhevare. Hãrã õhẽ hareka oho ynga tentaipi.

Hechos 15:13

Opama chirĩrĩ retarã, Jacobo hei jyveshu reta: Shyryvyre shyrẽndupi:

Hechos 15:21

Shara opaite tenta retaipi rãnga, mbijetañõĩmba aryka'e Moisés mbypara vekua, sabadope Judiore ñymbatyseape.

Hechos 15:23

Hãrã mbyrahaka reta ko kuatiape heiva: Ore Apostol, kuakuavare tũpao ñãkarã'õre hareka jyve opaite kope tũpaope'õre, pynymarãnduha opaite yryryvyre, haimba Judiovare, pee tenta mbyryva pikova Antioquia, Siria hareka Ciliciape.

Hechos 2:5

Imemba'ẽ ikova Jerusalenpe Israelvare jyrojahea Ñandeja Tũpare, opaite tenta vasure.

Hechos 21:18

Parejyrã, Pablo oho jyve orẽndie Jacobo ohoa pohyashurã. Vahẽãmarã, opa ou jyve haipe tũpaope miñaka'õre.

Hechos 23:26

She Claudio Lisias, arỹmymarãndu huvisha vasu hekokaviva Felix Romape'õ.

Hechos 26:7

Opaite 12 tribu Israelpe'õre hãrõ reta hesha verã hokava ñee mẽ'ẽava ryheva, hãme rãnga õmombai vasushu reta Tũpa ara hareka pynturã. Mburuvisha vasu Agripa, Judiore porã hei shyrehe reta.

Hechos 8:1

Saulo ẽẽ jyve pente ñeepe Esteban jukaha verã. Hokava arape heta tũpao õñepyrõ mymorãhãã Jerusalenpe. Opaite, ñymomohẽ tenta Judeapi hareka Samaria, koñeĩ Apostolre ha'ẽã hai.

Romano 1:1

She Pablo, Cristo Jesús jokueva hẽnohava apostol, pyhỹrõhava mbeu verã Ñee Kaviva Tũpa ryheva,

Galatas 1:19

tẽvã aheshaã ĩrũ apostolre, koñeĩ ahesha Santiago Ñandeja Jesucristo tyvy.

Galatas 2:12

Tynondeite rãnga karu'i hãndi Judiombavare, vãhẽ ohopeve Jacobo mondovare. Haipe õñepyro syryshi retarã, karuveã hãndi, shara kyje Judio retaivi.

Galatas 2:9

Santiago, Pedro hareka Juan, kuaahava huvisha pyrãntavare tũpaope mbai vasuvevare, kuaa mondo reta Tũpa meẽsheva ajapo verã hareka heshaka reta ñi'ĩrũ oreva, meẽ ore ipo she hareka Bernabé, hãrã pente ñeepe iñyñonoha ohoa verã Judiombavare'õpe hareka haire Judiore'õpe.

Filipenses 1:1

Pablo hareka Timoteo Jesucristo jokuevare, opaiteva Cristo Jesús ryhevare kyambava Filipope'õre, Tũpa hoope miñaka'õre hareka tũpaope mba'apova.

2 Timoteo 4:21

Eñehãã katu eikui ndei vãhẽ ara ro'yrã. Nymymarãndu reta Eubulo, Pudente, Lino, Claudia hareka opaite Cristo jyrojaheare.

Tito 1:1

She Pablo, Tũpa jokueva hareka Jesucristo jy Apostol, shyrẽno Tũpa pyhỹrõvare jyrojahe verã hareka kuaa verãre Tũpa ĩñee añeteva, heshahakava tykove mbijicheava Tũpa pevarã rupii.

1 Pedro 1:1

She Pedro, Jesucristo jy'apostol, amarãndu opaite pyhyrõãvare opa momohẽã vekuare, Ponto, Galacia, Capadocia, Asia hareka Bitiniaipi.

2 Pedro 1:1

She, Simón Pedro Jesucristo jokueva hareka apóstol apyrỹmymarandu, Jesucristo ñanu Tũpa ñanynohẽva porãmbaivi hekokavi rupii, hejape pente jyrojakue mashyãva ore ĩme rekohava rãĩmi.

Judas 1:1

Judas, Jesucristo jokuerea Santiago tyvy, ambyparashu opaite Tũpa Teru haihuvare hareka hẽnova, Jesucristo ñyngareko jyvehe reta.

Apocalipsis 7:4

Hãrã ahendu opama myhã'anga vekuare: 144.000 mil opaite Israel ñymoñashiare.