Romano 9:4 - NandevaBiblia

⁴ Hai reta rãnga Israelita, Tũpa pyhỹrõshu reta ta'yrã, Tũpa ẽẽmba hãndi reta heko hĩmbipe vekua ryheve, hareka japo ñee me'ẽãva, meẽshu reta Moisés mbypara vekua, haikavi õmombaivasu verãre hareka ĩñee meẽ.

Romano 9:4 ပူးပေါင်းရင်းမြစ်များ

Mateo 21:33

Pyhendu jyve ko ñee ñymyhã'ãnga: Pente kuimbai ñotyka uva jy'yvype; opama mangorarã, japokajyshu uva ñamĩã verãpe. Mupũãjy pente oo vate'õ, haipe ẽẽ verã mãĩ'õ hareka ñyngarekohe verã jy'yvy. Haivi porykashu ju'uva rẽnda hepyre ñimĩty'ia retaperã, mbyry oho.

Juan 1:17

Shara Tũpa meẽ ñee mbyparahava Moisés rupii, tẽvã jyhaihukue hareka mbai añeteva vãhẽ Jesucristo rupii.

Juan 1:47

Jesús hesha Natanael vãhẽ ourã hei: Kõõ ou pente Judio añeteĩteva, japumbava.

Hechos 2:39

Ko ñee me'ẽãva rãnga, pee hareka pyndyrayre pevarã, jaishu opaite Teja ñanu Tũpa hee hẽno'iare pevarã jyve.

Romano 3:2

Ãñete haikavi rãnga! Tynonde, Tũpa ĩñee Judiore me'ẽãshu.

Romano 8:15

Shara me'ẽhãpe espiritu pikojy verã jokuehareirea rãĩmi, pykyjeĩpijy verã. Kyrãtẽ verã, Espiritu japo pyndyhevi Tũpa tayre rãĩmi, hai rupii katu ja'eshu Tũpa: “Abba Teru!”

Romano 9:6

Tẽvã ha'ẽã Tũpa ĩñee javyrã, shara opãĩñoã Israel ñymoñashiare hai añeteĩteva Israelita.

2 Corintios 11:22

Hai retara hebreo? Ha'ĩ jyve she. Hairetara Israelvare? Ha'ĩ jyve she. Hairetara Abrahamvi ñymoñava? Ha'ĩ jyve she.

Galatas 3:16

Kyrã Tũpa ĩñee meẽshu Abraham hareka ñymoña hãndia. Tũpa ĩñee he'ĩã “Rĩmoña ndyheviare”, shara pentevareĩ ijeta, hãme rãnga hei “Ñymoña ndyhevia”, hokava hai Cristo.

Efesios 2:12

Hoka arape pee pime arykai Cristombape hareka ha'eãvaĩjype Israelita ryhevare, Tũpa ĩñee meẽ vekua pindipityãpe hareka hai hei vekua meẽ verã. Piko mbaimba pyhãrõva hareka Tũpambape yvy'ĩãrẽ.

Hebreos 9:1

Ñee me'ẽãva tynonde ẽvãpe ĩmembare jyve ñee ñonoãva marãrapo õmomba'eashu Tũpa, tẽvã pente ñymombai oo yvy'ĩãre'õpe.

Hebreos 9:10

Opaite me'ẽãva hareka mymba jukahava koñeĩ ijetahe ho'uavare, mbusururuava hareka hete joheva pevarãĩ ñonoha Tũpa yngava ñonoãjyrã.

Hebreos 9:3

Hãrã tarapo jochahapya mokuehea kupepemba'ẽ ñyvyĩ mokuehea mbyheeava Tyrẽnda Kyamba'eiteveva.

Hebreos 9:5

Hãrã maĩnunga hyru orova ĩãrẽ'ẽ Tũpa jokueva hĩmbipevare kerubin he'iashuare pyrymbyheshaka verã Tũpa haipe'ẽvã, haire hypepo retape opa jocha maĩnunga hyru orova jasoja; tẽvã opaite kova mbai rehe ã'ẽ katuã pepenteĩ ijetahe.

Hebreos 9:6

Kyrã, opama ñonoa kavirã, paire icheñoĩ tynonde'õ tabernáculo hapype ñyvyĩpy japo verã mbaire õmombaishu verã Tũpa.