Romano 9:1 - NandevaBiblia

¹ She Cristo airojaheva, añeteva hai, shapuã. Hareka shypyaivi hai Espiritu Santo pyrỹmboiheva, heishe ko haiva añeteva,

Romano 9:1 ပူးပေါင်းရင်းမြစ်များ

Romano 1:9

Tũpa rãnga, hai shypya ryheve aikohea ambeuva Ñee Kaviva Tayre'õ, hai shyresha shymanduañoĩ pyndyreherã,

Romano 2:15

Kyrã heshaka reta haire ĩmereare pyape, ñee mbyparahava Tũpa ña'ãpova. Haire pyape'õtei my'añeteshu reta, hareka pya mbijetaheape heiposhu reta haikavivara maĩrã porãmbara.

Romano 8:16

Hãrã Espiritu kuaaka ñande ñandypyape ñande haimava Tũpa tayre.

Romano 9:2

avya ãĩte rãnga, hareka shypyape pente hasyva opamba shyheviva.

2 Corintios 1:12

Ore rekoha mbaiva rehera jyrojahapo irijehe, ñanduha yrypyape tykove kyambava hareka pyrỹmbytavyhãã ohohava retaipi, tynondeite hai pynymbyteipi. Aporyã ãrãndu ko yvy'ĩãrẽ'õ, Tũpa pya kavi rupii rãnga hai yrỹmbory kyrã ikoha penendie verã.

2 Corintios 1:23

Shykovere ãñono ko haiva, ãhẽno Tũpa hesha verã, hai opa kuaa shypyape'õ, potãã pohyite aijetaperã, ahããteri Corintope.

2 Corintios 11:10

Hãĩ she ajavymba Cristo ryheva añeteva aikuaa hairã, kyrã aikuaa kavijy mba'ety opaite tentare Acaya tivishakuepy'õ heky shyhevi verã ko ĩme'areva airojakatu shijeheva.

2 Corintios 11:31

Tũpa Ñandeja Jesucristo Tuu, tomomba'ea vasu opa ara, hai kuaa shapuãrã.

2 Corintios 12:19

Heta arape pyndypya pimbijeta aipota aiñymbyhaikavi'ãĩ pynynonde, tẽvã kyrãã. Kyrãtẽ verã, Tũpa hỹnonde ijetaha'ẽ hareka Cristo heepe. Opaite kova mbai ajapova, shyryvyre ahaihuva hai, pumupũã verã.

Galatas 1:20

Añeteva kova ambyparapeva. Tũpa kuaa shapuãrã!

Filipenses 1:8

Tũpa kuaa marãra opaiteva ãñeteĩte apyryraihu shypyaivive jyhaihukuepy Jesucristo meẽsheva.

1 Tesalonicenses 2:5

Pee pikuaa, penteã mbai mypoporãhãrei mbe'uha, hareka pymbytavyhãã pota kyrypoti hekyha'i pyhevirã. Tũpa rãnga opa kuaa hokava.

1 Timoteo 1:5

She rãnga hai nde kova mbai ẽẽ verã jyhaihukue ouva pya kyambaivi, pya kavivaivi, hareka jyrojakue añetevaivi.

1 Timoteo 2:7

Ha'ẽrã rãnga shiñonoha añimiñee'ai verã hareka Apostolrã, hejahashe amboi verã jyrojakue ryheva hareka mbai añeteva ryheva, opaite Judiomba retape. Añetevape hai kova, ha'ẽã shapuva.

1 Timoteo 5:21

Airurende Tũpa hỹnonde, Jesucristo hỹnonde hareka Tũpa jokueva pyhỹrõvare hỹnonde, hekope kavi rijapo verã kova mbaire, mbavamba rĩmbijicheva.