Romano 8:29 - NandevaBiblia

²⁹ Shara opaite Tũpa kuaamavare, õñepyrõãivive pyhỹrõ ova verãre Tay hã'anga, tyvyre hetava mbytepe ikoshi verã tynondeva.

Romano 8:29 ပူးပေါင်းရင်းမြစ်များ

Mateo 12:50

Ĩme'ẽ japova Sheru vate'õ arapy potava, hokava hai shyryvy, shiindy hareka shesy.

Mateo 25:40

Hãma mburuvishavasu heiposhu reta: “Añetevape haipee, hokava pijapo vekua pente kova shyryvyre mishiveva rehe, Shyrehe opa pijapo jyve”.

Mateo 28:10

hãrã Jesús heishu reta: Avy pykyje. Pekua pymbeushu shyryvyre toho Galileape, haipepo shyresha retakui.

Mateo 7:23

Tẽvã she haiposhu reta: “Mapeã rãnga apyrykuaa. Pysyry shyhevi, pee mbai porãmba japo'iare!”

Juan 17:16

She ha'ẽã ko yvy'ĩãrẽ'õ, hãrã haire ha'e ãĩ jyve yvy'ĩãrẽ'õ.

Juan 17:19

Hai reta reheĩ rãnga añymyngy'ã, haire kyamba verã jyve añeteva rupii.

Juan 17:26

She aikuaakashu reta mbavara nde, hareka aikuaakave teriposhu reta, jyhaihu ĩmeryre shyreva ẽhe verãre, hareka she hai retare ãĩjyve.

Juan 20:17

Jesús heishu: Avy poko shyrehe, shara nde'iave ajupijy Sheru ẽvãpe. Tẽvã ekua mbeushu shyryvyre, ajupijy verã Sheru ẽvãpe, hai jyve Peru. Hokava hai shu Tũpa hareka jyve punu Tũpa.

Romano 11:2

Tũpa hejareiã henta ĩrũ Israel hai arykaivaĩ pyhỹrõ vekua. Pikuããra jyve kuatia mbyparahavape heiva rãĩmi Elías rehe? Marãramba hei arykai pya jyrova Tũpa hỹnonderã Israelva retare? Tũpape ñymboirã? Heirã vekua:

Romano 13:14

Haikavive, pimimondepy Ñandeja Jesucristo hareka avy pijapo kyavare pyndyretere potava.

Romano 9:23

Kovape, hai heshaka ñande jyhaihukue hareka ñymbaikatu ñanymondojepe verã. Hareka heshaka verã hai hĩmbipe ikokatukuere ñande haiva timbiporyre arykaima japova haikavivare pevarã, heshakashu hĩmbipeva.

1 Corintios 15:49

Kyrã ñande ñandy'ova kuimbai yvyivi japoha vekua, kyrãpo ñandy'ova jyvekui hokava kuimbai vate arape'õ.

1 Corintios 2:7

Ore mbe'uha Tũpa ñymbai kuaakue ñemiãpe'õ, pente ãrãndu mbamba kuaava, Tũpa myhẽvã vekua aryka'e ndeiteri ko yvy japorã, opa ara pevarã javya verã hĩmbipekuepy.

1 Corintios 8:3

Tẽvã ĩme'ẽ Tũpa haihuvarã, hokava Tũpa kuaamashu.

2 Corintios 3:18

Hãrã opaite ñandeva, ñandyrova jasoireva mba'etyma ñandyreheva, ñamaĩhe sypevape rãĩmi Ñandeja hĩmbipekue, Cristo ñandy'ovave oho'i, shara ĩmejare hĩmbipekue. Hokava rãnga hai Ñandeja je Espiritu japova.

Efesios 1:11

Tũpa, Cristo rupii, arykaivaĩ hai heimba ñanynohẽ verã mbai porãmba vekuaivi ta'yrã, hokava rãnga Hai pota japova, hareka Hai potava japoñoĩ.

Efesios 4:24

hãrã pymondepo tykove py'ahu, Tũpa japo vekua hekope kavi. Hokava heshahapo pyndyrehe, pyndyreko katu kaviape hareka kyambape, hãndi añetevape pikorã.

Filipenses 3:21

Hai ñono kavipojy ñandyretepy hai hete hĩmbipekue rãĩmi ñymbaikatu rupii, opa ipope'ẽ opa mbaire.

Colosenses 3:10

Piko tykove py'ahuvape, ñymbypy'ahu ohova ovave verã Tũpa hai pindijapo vekua hareka pikuaa kavive pyrahashu.

2 Timoteo 1:9

Tũpa rãnga ñanymondojepe hareka ñanyrẽno tykove kyambavape, ha'eã ñande jajapova rupii, shara hokava hai potava hareka jyhaihu meẽ ñande ndeiteri ara oñepyrõrãvãĩ Cristo Jesús rupii,

2 Timoteo 2:19

Tẽvã Tũpa ñono pente jypyrã tantava, ĩmere pente ñee pyrãtava heiva: “Ñandeja opa kuaa hai ña'ãpova”; hareka “Opaite Ñandeja hee hẽno'iare, opa tijyheja tykove jyvachembavaivi”.

1 Pedro 1:2

Opaiteva Tũpa Teru potava rãĩmi pyhyrõãvare Tũpa ñymbaikuaakue rupii. Espiritu Santo rupii pinimbijicheha Tũpa pevarã, ñee pyhendu hareka pijyjoheka verã Jesucristo huvype. Tyvãhepe heta jyhaihukue hareka pyavapy.

1 Pedro 1:20

Cristo rãnga Tũpa rupii pyhỹrõha ndei yvy japoharã vekua, pyndyraihu rupii ijeshakape.

1 Juan 3:2

Ahaihuvare, Tũpa tayretama rãnga ñande, ajemaĩ ijeshakããteri marãvãrapo ñandekui, jaikuaa Jesucristo ijeshakamarã Hai rãĩmindapo ñande, shara haiteivapo jaheshakui marãvara Hai.

Apocalipsis 13:8

Hareka omombaishu reta kova mymba opaite Avisha Ray jykuatia tykove ryhevape hee ñonoambava, jukaha vekua. Kova kuatia ẽẽmba arykai Tũpa yvy ndeiteri japorã, haipe opa ĩme'ẽ kuaretare hee tykove ĩmemareare.