Romano 8:26 - NandevaBiblia

²⁶ Kyrã Espiritu ñanymbory ñanykangyñaĩrã. Shara jaikatuã ñaĩmboi, ñaĩmboi verã rãĩmi, tẽvã Espiritu teiva Tũpape jurure ñandyrehe, katumba ĩñee rupii kuaahava.

Romano 8:26 ပူးပေါင်းရင်းမြစ်များ

Mateo 10:20

Shara peeãpo pijeta, Tũpa Espiritu Santo rupiipo pijeta.

Mateo 20:22

Tẽvã Jesús heishu reta: Pee pikuãã pirureva. Pẽĩra pyhasa'asy verã, she ahasa'asy verã rãĩmi? Haire hei: Õĩha rãnga hasaha verã.

Lucas 22:44

Hãrã Jesús vyamba japyraha'õpe, ñymyrõĩteve jurure; haivi tykyshi pirie yvype turuvy tivisha rãĩmi.

Juan 14:16

Hãrã airureposhukui Sheru mboupe verã, pente pynymbory verã hokava hai Espiritu Santo opa ara pinimi'ĩrũ verã.

Romano 15:1

Ñande jairojakuepe ñanypyrãtava, ñamborypohe pyrãtambare rahareva, ñande ñandypya ohohevaĩ jajapotẽ verã hendakuepe.

Romano 7:24

Shymbypavete'i! Mbarapo hekyshyhevi kova ñymanokue ẽvã shyretepe?

Romano 8:15

Shara me'ẽhãpe espiritu pikojy verã jokuehareirea rãĩmi, pykyjeĩpijy verã. Kyrãtẽ verã, Espiritu japo pyndyhevi Tũpa tayre rãĩmi, hai rupii katu ja'eshu Tũpa: “Abba Teru!”

2 Corintios 5:2

Hãme rãnga ñanutũhẽ ñamondojai jaikoterijai ko oo ã'ẽvãperã, shara ñanykyrẽỹma jaha jaiko ñandero ara vate'õpe;

2 Corintios 5:4

Jaikoterijai ko oo yvy'ĩãrẽ'õperã, haiva ñandyrete, javy'ãã hareka jaiko'asy, shara potãã ñanymynaniha, koñeĩ py'ahuva pota ñamondejyrã, kyrã ñymano hekoviajypy verã tykove.

Galatas 4:6

Hãrã haima ñande tayrã, Tũpa ñonomba Tay jy Espiritu ñandypyape, hoka Espiritu sapukerã hei: “Abba” he'iseva “Sheru!”

Efesios 2:18

Hãrã Cristo rupii opavare ã'ẽ Judio hareka haimbavare, katuma ñavãhẽ Tuu ẽvãpe pente Espiritu rupii.

Efesios 6:18

Pimboi jyvyĩ Tũpape pirure Espiritupy pymaĩ kavi pyndykovere hareka avy pypoi pimbo'ehe opaite heko kyambare.

Hebreos 4:15

Ñandy pai ruvishavasu katupo ñandyparekorã ñanymborykui ñanykangyñaĩrã, shara ñande rãĩmimba heta pyahã'ãha jyve; koñeĩ mbai porãmba japoã hai rãmeĩmba.

Hebreos 5:2

Pa'irã'õ katu hãrõkuaashu pirĩmbijiche'iare hareka mbai porãmba japo'iare, shara hete kangy jyve yngavare rãĩmi,

Santiago 4:3

Hãrã pirurerã me'ẽhãpe, shara hekopẽã pirure, vyareiivape pipory verãĩ pipota.