Romano 8:2 - NandevaBiblia

² Shara ñee mbyparahava Espiritu ryheva japokava meẽ tykove Cristo rupii, shyrekyshi ñee mbyparahava mbai porãmba ryheva hareka ñymano.

Romano 8:2 ပူးပေါင်းရင်းမြစ်များ

Juan 4:10

Haipe Jesús heishu: Rikuaa Tũpa meẽvarã, hareka mbavara jurure'i nde yy, nde riruretẽshu verã hareka hai meẽtẽ nde verã yy meẽva tykove.

Juan 4:14

tẽvã yy ameẽva houva, ju'uhe veamapokui. Shara ko yy she ameẽ verã, yy õhẽ'õ rãĩmipo'ẽkui pyape, meẽshu verã tykove opambava.

Juan 6:63

Espiritu rãnga hai meẽva tykove; tyro'o mba'ẽã hai. She aijetahepeva hai añeteva Espiritu ryheva meẽva tykove.

Juan 8:32

Pikuapokui añeteĩteva. Hãrã añeteĩteva opapo pindijorashi mbai pyndyrekova ipope.

Juan 8:36

Hãme rãnga, Tay pindijora mbai porãmba vekuaivirã, ãñeteĩtepo pindijorahakui.

Romano 16:3

Pymarãndushu Priscila hareka Aquilape, shymbory'iare Jesucristope amba'aporã.

Romano 3:27

Tũpa hỹnonde, mba'etyjare maĩnunga jairoja jai ñandijehe verã, shany Tũpa heima ñande, shara jairojahe Jesucristo, hareka ha'ẽã jajapo Moisés mbypara vekuarã.

Romano 5:21

Shara kyrã mbai porãmbava ouma ñymano ĩãrẽrã, me'ẽãreiiva ouma ĩãrẽ mbai kavi tykove opamba verã Ñandeja Jesucristo rupii.

Romano 6:14

Kyrãrã mbai porãmbava jepyveamapo pyndyrehe, shara pikoveãma Moisés mbypara vekua heiva ipe. Koñeĩ pimepeĩ Tũpa jyhaihukuepe.

Romano 6:18

Pijyhekymashi mbai porãmba vekuarã, peĩma pokueharei verã tykove hekope kavi'õ ryhevape.

Romano 6:22

Hãma ã'ẽ pymbysyryamashiva mbai porãmba vekua, japoama pyndyhevi Tũpa jokuereva. Kova rãnga mbijehu pee pevarã tykove kyamba, hareka koñemahea pyvaĩposhu tykove opambava.

Romano 7:21

Hãrã kyrã ahesha kova ñee mbyparahava, potamatẽ ajapo mbai haikavivarã, mbai porãmba vekuaĩ ahesha shypyape.

Romano 7:23

Tẽvã shypyape ãñandu pente mbai shijokova shypya ambijeta kavi verã: Hokava hai ñee mbyparahava mbai porãmba ryheva, shypyape ẽvã hareka shymbyperesotei'i.

Romano 7:4

Kyrãĩ jyvepe shyryvyre, Cristo ñymano rupii pẽĩveamahe Moisés mbypara vekua, ã'ẽ pẽĩma Cristo hãndi, hokava hai Tũpa mupuãjy vekua manovare mbyteivi. Kyrãpo heta mbaikavi jajapo Tũpa pevarã.

Romano 8:1

Hãrã, mba'etyma ñunupa opaite Cristo Jesús ñymypente hãndiare, opaite ikomba hete potavape, koñeĩ iko Espiritu potavape.

1 Corintios 15:45

Kyrã hei kuatia mbyparaha vekua: “Kuimbai tynondeva, Adán, japoha hete hykove ryheve”; hãma Adán mokueheva hai, espiritu meẽva tykove.

2 Corintios 3:17

Shara Ñandeja hai Espiritu; hãma Ñandeja jy Espiritu ẽvãpe, mba'ety pyrypysy'õ.

2 Corintios 3:6

Hai rãnga meẽ ore ko ñee me'ẽã py'ahuva ijokuehakashu verã. Ha'ẽã kuatiare mbyparahava, Espiritu ryheva rãnga; shara kuatiare mbyparahava puruka, tẽvã Espiritu ryheva, meẽ tykove.

Galatas 2:19

Moisés mbypara vekua pevarã rãnga she amanoma, tẽvã Tũpa pevarã ãĩmeĩ ai.

Galatas 5:1

Ãñete rãnga Jesucristo poiika ñandyhevi jokueareire vekuaivi! Hãme rãnga piñymypyrãta mahẽ hykuaĩ ikojy pyhevikui jokueareirea Moisés mbypara vekuapy.

Galatas 6:2

Piñymbory katu pyraha verã mbai pohypeva, kyrã opapo pijapo peho ñee mbyparahava Cristo ryheva.

Santiago 1:25

Tẽvã maĩkaviheva Moisés mbypara vekua hekope kavi'õ, Tũpa ĩñee hai hekope kaviva hareka ñandorava, syryãshirã, ha'ẽã henduĩñoĩteva hareka sareheva, koñeĩ japo, vy'apo opa mba'e japova rehe.

Apocalipsis 11:11

Hãrã mbahapy ara hareka ara mbyteheaipi Tũpa mbouva espiritu tykove meeva opa ichepy reta, hareka pũã ñymboy reta, opaite heshava myngyjerai reta.

Apocalipsis 22:1

Haivi Tũpa jokueva shymbyheshakajy yy syryrã meẽva tykove. Hoka yy syryva õhẽ Tũpa vapypya õĩvi hareka Avisha Ray, vidrio sãkapya rãĩmi;