Romano 8:17 - NandevaBiblia

¹⁷ Hareka ñande hai tay retarã, ha'eĩ jyve ñande tay tynondevare; Tũpa tay tynondevare, hareka tynondeiteva Cristo hãndi, añeteĩte jahasa'asy Cristo handirã ñanymbyveteapo jyve handikui.

Romano 8:17 ပူးပေါင်းရင်းမြစ်များ

Mateo 16:24

Haivi Jesús heishu mboireare: Ĩme'ẽ pota shimi'ĩrũvarã tiñymbysare ijuhuvi, tuhupi jukurusu kupere, hãrã tou shimi'ĩrũ.

Mateo 25:21

Pyrokue'ia heishu: “Haikavite, nde hai jokuehareirea heko kaviva hareka jyrojahaheva; shara rĩngareko kavihe mĩshĩ ameẽndeva hãrã hetavepo ameẽjynde, iche vya shendie”.

Lucas 12:32

Avy pykyje, mbovyĩ pĩmbayyva, heshara Peru pota meẽpe hai ẽẽvape'õ ryheva.

Lucas 24:26

Katuãra Cristo hasa'asyrãni mbai hasyva iche verã hĩmbipeape Tuu ẽvãpe?

Juan 17:24

Sheru, nde rỹmeẽshevare, aipota haire ẽẽ jyve she ãĩ verãpe, hesha verãre hĩmbipeva rymeẽsheva; shara nde'iaveteri ko yvy ẽrãvãĩ nde shyraihu.

Hechos 14:22

Kovare ẽvãpe mykyrẽy jyshu Jesús mboireare, ñimiñẽ'ẽrã heishu reta tantai ẽẽ vẽrãre jyrojakuepe heivape shara jaiche verã Tũpa ẽvãpe heta rãnipo jahasa asy.

Hechos 20:32

Ã'ẽ shyryvyre, airureshu Tũpa jyhaihupe ñyngareko pyndyrehe verã hareka ñee haikavivapy ñyngarekopyndyrehe verã. Hai ĩmereva mbaikatu hareka meẽpe verã pyrãtakue hareka heta mbai haikaviva mbeuva rãĩmi hai ña'ãpova retape meẽ verã.

Hechos 26:18

hesapea verã hareka ynteñoma vata verãre pyntuaipi, koñeĩ hendyvape, hareka ikoveama verãre Satanas ipope, koñeĩ iko verãre Tũpa ipope, hipity verãre hejareiishi verã mbai porãmba vekua hareka kyrã Tũpa ñonoshu verãre henta'ĩrũrã kyamba.

Romano 5:17

Kyrã pente kuimbai ñymbai porãmba rehe ñymano ẽẽ kuareta retare, tẽvã pente kuareta rupii, Jesucristo ẽẽpohe tykove myvãhẽvare Tũpa mbai meẽreiiva hareka mbai kavi me'ẽãreiva ñanymbyheko kaviva.

Romano 8:3

Shara Tũpa japo, Moisés mbypara vekua katumba japova, shara kuaretare hete potavape katuã ĩñeerendu, Tũpa mboumba Tay pente tyretepe kuaretare mbai porãmba japo'ia hete rãĩmi, hareka mbai porãmba rehe jukaha verã, kyrã jahehe verã mbai porãmba tyrete potava ryheva.

1 Corintios 2:9

Tẽvã heiva rãĩmi Kuatia mbyparahavape: Tũpa myhẽvãshu opaite haihuvare pevarã, maĩnunga mbavamba heshava, henduva, hareka mbavamba pya mbijetaheva.

2 Corintios 1:5

Heta jahasa'asyva rãĩmi Cristo jahaihurã, heta jyve vy'a japityva Cristo rupii.

2 Corintios 1:7

Ore tãnta jyrojaha pyndyrehe, shara kuaaha marãra ĩrĩmi'ĩrũ ore hasaha'asyvape, kyrãpo ĩrĩmi'ĩrũ jyve yryvy'akuepe.

Galatas 3:29

Hãrã pee hai Cristo ryhevarã, pee hai Abraham tayre, hareka opaite pipitypo Tũpa ĩñee meẽ vekua.

Galatas 4:7

Kyrã jyve pee, haimape Tũpa tayre haiveamape jokuearea. Tũpa tayperã, Tũpa meẽpope opa mbai ĩñee meẽ vekua tay retape.

Efesios 3:6

Hãrã kuaahamba vekua hai kova: Jesucristo Ñee Kaviva rupii haimba Judiore myvahe verã jyve pyrỹmondojepeva, hareka ĩñee meẽva tenta Israelva retape, hareka pente tentaĩ iko hãndi verã Israel.

Filipenses 1:29

Pee rãnga me'ẽhape Cristo pirojapeveĩmbahe verã, pyhasa'asy verã rãnga jyve hai rehe.

Filipenses 3:10

Shykyrẽy aikuaveshuvape, hareka mbaikatu puãjyva ryheva, aĩ verã jyve hai jyhasa'asykuere, hareka amano verã hai mano vekua rãĩmi.

Colosenses 1:24

Ã'ẽ avya'aĩ ahasa'asy pyndyreherã, shara kyrãrã opa añono araha shyretere Cristo jyhasa'asykue, haiva tũpao.

Tito 3:7

Hai, ñanymbyheko kavi verã jyhaihukue tivishava rupii, japity verã tykove opambava ñahãrõva.

Hebreos 1:14

Shara Tũpa jokuevare hai espiriture mba'apova Tũpa pevarã, jokueshu mbory verãre opaite ñymondojepe hipityva retape.

Hebreos 1:2

Tẽvã ã'ẽ ko ara opaserima'iape ijeta'ẽjy ñande Tay rupii, hai rupii rãnga japo opa mbai ẽvãre hareka opa ñono ipope.

Hebreos 6:17

Hãrã Tũpa potañoĩ my'añete heshaka verã opaiteva hipity verã kova ĩñee meẽ vekua, yngavamba hekyjy verãpe.

Santiago 2:5

Pyhendu, shyryvyre ahaihuva: Tũpa rãnga pyhyrõ pavetevare ko yvy'ĩãrẽ, ikokatu verã jyrojakuepy hareka me'ẽhashu verã tenta vasu mbeushuva haihuvare.

1 Pedro 1:4

Pipity verã maĩnunga Tũpa ĩmereva vate arapy, ñymbaimba verã, kyambava maĩrã jipimbava.

1 Pedro 4:13

Kyrãte verã, pyvy'ãĩ Cristo hasa'asyva rãĩmi pyhasarã, pynytynyhẽ verã jyve vya hai ijeshakama opa hĩmbipekue ryheverã.

Apocalipsis 21:7

Opaite poporãmba vekuaivi õhẽkaviva opa mbaipo me'ẽãshukui, hãrã sheepo haikui Ñu Tũpa, hareka haipo shyray.

Apocalipsis 3:21

Opa õhẽkaviva ñyrãrõivi ambyvapypokui shyvapyka mburuvisha vasu vapypya, she avapysepyape, she ãhẽkaviva rãĩmi ñyrãrõivi hareka avapyĩma hãndi Sheru vapyseape.