Romano 8:13 - NandevaBiblia

¹³ Shara piko pijapo pyndyrete potavarã, pymanopokui; tẽvã Espiritu rupii pijuka pyndyrete potavarã, pipitypo tykove.

Romano 8:13 ပူးပေါင်းရင်းမြစ်များ

Romano 6:21

Mbaivara pimbijehupy hokava? Ã'ẽ hokava maĩnungare pynoti, shara kova maĩnungare pyryraha ñymanope.

Romano 6:23

Mbai porãmba hepykue rãnga hai ñymano, tẽvã Tũpa meẽva hai tykove opambava, Cristo Jesús Ñandeja ñañymypente hãndiape.

Romano 7:5

Shara jaikoteri jajapo porãmba ñandyrete potavarã, ñee mbyparahava mbysareko mbai potakue, hokava mbyheta maĩnunga porãmba japokava ñymano.

Romano 8:12

Hãrã shyryvyre, ĩme'ẽ jajapoñoĩ verã, tẽvã ha'ẽã ñandyrete potava rãĩmi.

1 Corintios 9:27

Kyrãte verã, amungungue shyrete hareka amiñerã japoshe verã, mahẽ yngava retape añimiñee aishuape, shimbijicheajykui.

Galatas 5:24

Tẽvã Cristo ryhevare, rahama reta kurusure heko porãmba vekua pyape'õ, hoo potava hareka mbai potakue ryheve.

Galatas 6:8

Kuaretare hykovepe ñotyva hetepe potava, mbai porãmba vekuaivi mynoõpo ñymano. Tẽvã ñoty Espiritu Santo potavarã, Espiritu Santoivipo mynoõ tykove opamba.

Efesios 4:22

Hãrã, pijyheja pyndyreko arykaiva ryhevaivi, hareka ỹnteño piko arykaiva rãĩmi. Kyrã pikopirã rãnga opa piñymbai, pyma'ẽĩhe mbai porãmba pynymbytavy'irã.

Efesios 4:30

Avy pymbyvy'ãpi Tũpa Espiritu Santo, shara Espiritu hãĩ jyve ñanymyhã'ãngapya heshakava ñande hai Tũpa ryhevarã, opava retape me'ẽha jahajepe verã.

Efesios 5:18

Avy piñymyngaupi vinopy, hokava rãnga pyrỹmbai, pynytynyhẽ jyve Espiritu Santo.

Tito 2:12

Ñanymboihe jaheja verã mbai porãmba hareka mbai potakue ko yvy'ĩãrẽ'õ, jaiko arãndupe, heko kavipe hareka tykove mbijicheava Tũpa pevarãpe,

1 Pedro 1:22

Ã'ẽ ñee añeteva pijapomarã pyndykyaveãma, Espiritu rupii pijyhaihumapo, hãrã pijyhaihu opaite pente'ovare rãĩmi. Pypya ryheve pijyhaihu.

1 Pedro 2:11

Shyryvyre airure pee, kuaahambava hareka oho'iva rãĩmi, pijyjokoshi pyndyroo potava, pykove ñyrãrõ hãndiva.