Romano 8:10 - NandevaBiblia

¹⁰ Tẽvã Cristo ẽẽ pyndypyaperã, ajemaĩ pyndyrete manotẽvã mbai porãmba vekuare, espiritu iko shara Tũpa ñanymbyheko kavima.

Romano 8:10 ပူးပေါင်းရင်းမြစ်များ

Juan 14:23

Jesús heishu: Shyraihuva japopokui she haiva, hãrã Sheru haihuposhu, Sheru hareka She ouhapo ikoha hãndi.

Juan 15:5

She hai uva jypy, hãrã pee hai hãkare. Hãrã ẽẽ shyreheva hareka she ãiheva rãĩmi, hetapo ia; shara shyrehembape mba'ẽãpo pijapo.

Juan 17:23

She ãĩhe reta, hãrã nde rẽi jyve shyrehe, haire ñymypente kavi verãjyve, kyrãpo kuaretare kuaa nde shymbouva, hareka ryhaihushuare shyraihuva rãĩmi.

Juan 4:14

tẽvã yy ameẽva houva, ju'uhe veamapokui. Shara ko yy she ameẽ verã, yy õhẽ'õ rãĩmipo'ẽkui pyape, meẽshu verã tykove opambava.

Juan 6:54

Hãrã shyroo houva hareka mbusururuva shuruvy, ĩmemare tykove opamba verã; hãrã she amynguerajypokui ara japyape.

Juan 6:56

Shyroo houva, hareka mbusururuva shuruvy ẽẽ shendie, hãrã she ãĩjyve hãndi.

Romano 5:12

Kyrã, pente kuimbai rupii mbai porãmba ichemba yvy'ĩãrẽ, hareka mbai porãmba rehe ou ñymano; hareka opaiteva kuaretare manotẽ verã, shara opaiteva mbai porãmbavẽĩ japo.

Romano 5:21

Shara kyrã mbai porãmbava ouma ñymano ĩãrẽrã, me'ẽãreiiva ouma ĩãrẽ mbai kavi tykove opamba verã Ñandeja Jesucristo rupii.

Romano 8:11

Ãñete iko pyndypyape Espiritu Tũpa ryheva arykai Jesús mynguerajy vekua manovare mbyteivirã, hokava Jesucristo mynguerajy vekua, mynguerajypokui pyndyrete mano verãre, Espiritu Tũpa ryheva iko pyndypyapeva rupii.

1 Corintios 15:45

Kyrã hei kuatia mbyparaha vekua: “Kuimbai tynondeva, Adán, japoha hete hykove ryheve”; hãma Adán mokueheva hai, espiritu meẽva tykove.

2 Corintios 13:5

Pymaĩ kavi pindijehe pikuaa verã pynypyrãtara pẽĩ jyrojakuepe, pypya pimbijeta. Pijykuaarã Jesucristo ẽvã pyndypyape? Ajemapo pyndypya hã'ãha!

2 Corintios 4:11

Ore rãnga ĩmeãteri'irã, opa ara õĩha Jesús rehe manohã verã, kyrã ijyhesha verã jyve Jesús hykove ko yryrete mano verãre.

2 Corintios 5:21

Cristo rãnga japoã hai mbai porãmba, tẽvã ñandyraihuiterã Tũpa rekoshu mbai porãmba japo'ia rãĩmi, hai rupii japity verã Tũpa ñimbivache.

Galatas 2:20

Kurusure Cristo amano hãndi, hãrã ã'ẽ sheĩĩveãma aiko, Cristoima iko'i shypyy. Hãrã ã'ẽ aikova shyretepe, aiko airoja rupii Tũpa tayre, shyraihuva hareka mano shyrehe vekua.

Efesios 3:17

hareka Cristo iko verã pyndypyape jyrojakue rupii, hareka tantagãtu peĩ verã jyhaihupe Tũpare hareka opaite yngavare,

Filipenses 1:23

Mokue maĩnunga shopy; shykyrẽy amano aĩme hãndi verã Cristo, hokava hai haikaviteveva;

Filipenses 3:9

Añymypente handi verã, ha'eã ñimbivacheva rupii Moisés mbypara vekua rehe, koñeĩ Cristo jairojaherã, ñimbivacheva hai jyrojakue rupii Tũpaivi ouva.

Colosenses 1:27

Tũpa potai kuaakashu haimba Judiovare mbai ojaimbava hĩmbipeva tentare pevarã, hokava hai: Cristo ẽvã pynymbytepe, hãrã haiteiva pyharõpẽĩ pyreko verã tykove hĩmbipeva.

1 Tesalonicenses 4:16

Shara hỹnatupo iñyhendu pente ñee, Tũpa jokueva ĩñee hareka ñimimby ipukue, hãrã vate araivi Tũpateivapo vejy. Hãma Cristore jyrojava mano vekuare, hai reta rãnipo kuerajy;

Hebreos 12:23

hareka ñymbatyva Tũpa tay tynondevare mbyparahava vate arape. Tũpa teiva piñymbojahe, opavare mbivacheva, hareka piñymboja jyvehe kuaretare je'espiritu vate arape'õre mbyheko kaviamavare,

Hebreos 9:27

Ñonoãshu penteĩ mano verã kuaretare, hareka haivipo ou ñimbivache verãpe.

Apocalipsis 14:13

Hareka ahendujy pente ñee araivi ouva heisheva: Mbypara: Vy'apo manova koivi kutyve Ñandejare ẽẽva. Ẽẽ, kyrã hei Espiritu, putuumapo opa mbai japovaivi shara japo vekuare ẽẽ hãndi reta.