Romano 8:1 - NandevaBiblia

¹ Hãrã, mba'etyma ñunupa opaite Cristo Jesús ñymypente hãndiare, opaite ikomba hete potavape, koñeĩ iko Espiritu potavape.

Romano 8:1 ပူးပေါင်းရင်းမြစ်များ

Juan 14:20

Hoka arape pikuaapokui Sheru hãndi pentevãĩ orevarã, hareka pikova shypyape hareka she aikova pyndypyape.

Juan 15:4

Pẽĩkatu shyrehe, hãrã she'ãĩpo jyve pyndyrehe. Shara uva hãkãkuereii katuãpo ia jypyre ẽ'ẽãrã; kyrã jyvepe peĩã shyreherã katuãpo mbai pijapo.

Juan 5:24

Ãñeteĩte hai pee, she haiva henduva hareka jyrojahea shymbou vekua, ĩmemare tykove opambava. Jahehããpohe shara hasama ñymanoivi tykove opamba kyty.

Romano 16:3

Pymarãndushu Priscila hareka Aquilape, shymbory'iare Jesucristope amba'aporã.

Romano 16:7

Pymarãndu Andrónico hareka Junías, sherẽntarãre hareka shi'ĩrũ shymbyperesoa hãndi vekua, hai reta haihuhava Apostolre hareka haire tynondeve jyroja shyhevi Cristore.

Romano 5:1

Hãrã Tũpa ñanymbyheko kavima shara jairoja, jareko pya vapy Tũpa handi Ñandeja Jesucristo rupii.

Romano 5:16

Mbai porãmba Adán japo vekua katuã ñambivajehe Tũpa meẽreivare. Penteva mbai porãmba japova rehe ou ñunupa pyryrahava jaheapyryrehevape. Mbai porãmba hetava japova rehe ou Tũpa meẽreiiva pyrỹmbyheko kavi verã.

Romano 7:17

Kyrãrã sheveama ajapo, mbai porãmba vekua shypyape'õ rãnga.

Romano 7:20

Hãrã porãmbava potamba ajapovaĩ ajaporã, sheveama ajapo, mbai porãmba shypyape'õ rãnga.

Romano 8:11

Ãñete iko pyndypyape Espiritu Tũpa ryheva arykai Jesús mynguerajy vekua manovare mbyteivirã, hokava Jesucristo mynguerajy vekua, mynguerajypokui pyndyrete mano verãre, Espiritu Tũpa ryheva iko pyndypyapeva rupii.

Romano 8:14

Opaite ikova Espiritu Tũpa ryheva potava rãĩmirã, hai hokava Tũpa tayre.

Romano 8:2

Shara ñee mbyparahava Espiritu ryheva japokava meẽ tykove Cristo rupii, shyrekyshi ñee mbyparahava mbai porãmba ryheva hareka ñymano.

Romano 8:34

Mbarapo katu jahehe reta? Cristo rãnga hai mano vekua, ĩãrẽve hai kuerajy manovare mbyteivi, hai ĩme'ẽ Tũpa jakata kyty, hareka hai jurure'ẽ ñandyrehe.

Romano 8:39

vate arape'õvãĩmba, yvykuape'õvã, mba'ety Tũpa japo vekua ñanymbysyryshi verã Tũpa jyhaihukue, hai heshaka ñande Cristo Jesús Ñandeja rupii.

Romano 8:4

Hokava japoha hekopekavi iko ñandyrehe verã ñee mbyparahava, shara ñande jaikoveama ñandyrete porãmba potava rãĩmi, koñeĩ jaiko Espiritu potava rãĩmi.

Romano 8:9

Tẽvã pee pikoveama pyndyrete potavape, koñeĩ Espiritu potavaima, ĩmepyre Espiritu Tũpa ryhevarã, tẽvã ĩme'ẽ mba'etyreva Espiritu Cristo ryhevarã, ha'eã hai ña'ãpova.

1 Corintios 1:30

Tũpa rãnga pynymypente hãndi Cristo Jesús, hãrã hai rupii heta mbai pikuaa, ñimbivache, ñandyrykove ky'ã, hareka mbyhepya ñandyrehe ñanynohẽajy verã.

1 Corintios 15:22

Adán rupii opava kuaretare mano, kyrã jyve Cristo rupii opavare kuerajypo.

2 Corintios 12:2

Aikuaa rãnga pente kuimbai Jesucristo ohoheva, japoma 14 ãño raharã vekua ara vate'õ mbahapyheape. Aikuãã hetepera maĩrã espiritupera; hokava Tũpa kuaa.

2 Corintios 5:17

Hãrã ĩme'ẽ Cristo ñymypente hãndivarã, haimapo pente japoha py'ahuva. Opa mbai tuja vekua opama hasa, hãrã opa mbaima py'ahujy.

Galatas 3:13

Jesucristo rãnga ñanynohẽma Moisés mbypara vekua jyjaheivi, hãrã jaheatẽ ñandyrehe verã vekua oa ĩãrẽ, shara Tũpa ĩñeepe hei: “Jaheamahe yvyrare ñonoãva”.

Galatas 3:26

shara pirojaivivehe Jesucristo, iko pyndyhevi Tũpa tay.

Galatas 3:28

Mba'etyma Judiovara maĩrã Greciavara, jokuehareara maĩrã ha'eãra jokueharea, kuimbaira maĩrã tauperã. Pirojama Jesucristorerã, opava pee pentevaĩma.

Galatas 5:16

Hãme rãnga hai pee: Piko Espiritu Santo potava rãĩmi, hareka avy pijapo pyndyroo potava.

Galatas 5:25

Ã'ẽ jaiko Espiritu rupiirã, javatapo jyve Espiritu rupii.

Efesios 1:1

She hai Pablo, Jesucristo apostol Tũpa potava rupii, amarãndu opaite heko kyamba hareka hekope kavi Cristo jyrojahea Éfesope'õre.

Filipenses 3:9

Añymypente handi verã, ha'eã ñimbivacheva rupii Moisés mbypara vekua rehe, koñeĩ Cristo jairojaherã, ñimbivacheva hai jyrojakue rupii Tũpaivi ouva.