Romano 7:7 - NandevaBiblia

⁷ Hãmera jaipo Moisés mbypara vekua haiva mbai porãmbava? Mba'ety! Tẽvã mba'ety mbyparahava japoa verãrã, aikuããmbapo mbaivara mbai porãmba. Aikuããmbapo yngavare ña'ãpova jaipotava ryheva, Moisés mbypara vekua he'ĩãrã: “Avy pota yngavare ña'ãpova”.

Romano 7:7 ပူးပေါင်းရင်းမြစ်များ

Mateo 5:28

Tẽvã she hai pee: “Ĩme'ẽ kuimbai ynga taupe pota ryheve maĩ'iherã, ikoma'i hãndi pyapeĩ”.

Lucas 12:15

Heijyshu reta: Pymãĩ hareka pirykyje, avy piko mbai pipotareivape! Shara tykove õĩãhe maĩnunga hetava kuaretare imerea.

Lucas 20:16

Ohorapo opa jujuka mba'apo'õva retape, hareka meẽraposhu ju'uva rẽnda yngavape. Haire henduma kovarã hei jyre: Avy kyrããva tiko!

Hechos 20:33

Mapeã aipota pyhevi pymeẽshe verã ita vera tĩĩva, ita vera ijuva hareka mondeava.

Romano 13:9

Shara ñee mbyparahavape hei: “Avy jyrekomatẽã ynga typokojyhe, avy puruka, avy manarõ, avy potarai ndapisha ña'ãpova”; tẽvã kovare hareka opaite ñeẽ japoa verãivi penteapeĩ ñonoha: “Haihu ndapisha nde rijyhaihuva rãĩmi”.

Romano 3:20

Shara ñee mbyparahava japoa verã rupii mba'ety ñymbyheko kavi verã Tũpa hỹnonde, shara ñee mbyparahava japoa verã rupii ñanymbykuahaka mbai porãmbape ñaĩme ñaĩrã.

Romano 3:5

Tẽvã katuãpo jai Tũpa hekope kavimba'ia poshyrã hareka ñanunuparã. Mbaivarapo jai? Tũpa hekope kaviãra'i ñanunupa'i verã? (Kuaretare ijetava rãĩmi aijeta).

Romano 4:1

Akuarã, mbaivarapo jaihe Abraham hasa vekua, ñanytynondeva?

Romano 4:15

Shara Moisés mbypara vekua veru jahe pyryreheva japomba; tẽvã Moisés mbypara vekua mba'etyrã mba'etymbapo porãmba'õ.

Romano 5:20

Moisés mbypara vekua japoa verã me'ẽãmba opaiteva kuaretare kuaa mondo'ijehe verãre mbai porãmba ĩmereare, tẽvã kuaretare japoiteve raha porãmbarã, haipe Tũpa jyhaihukue ñymbyhetavee.

Romano 6:15

Hãmera marããjy? Mbai porãmba vekuaĩrapo jajapojai ñaĩmeveama Moisés mbypara vekuaperã, Tũpa jyhaihukuepe ñaĩmeñaĩrãme? Mba'ety rãnga!

Romano 7:11

Shara mbai porãmbava Moisés mbypara vekua ñeẽ japoa verã poryrã shymbytavy, hareka ñeẽ japoa verã ha'imba meẽjy she ñymano.

Romano 7:13

Hãrã kova mbai haikavivara shyraha ñymano kyty? Mba'ety! Mbai porãmba vekua rãnga, heshaha verã haiva mbai porãmbava; mbai haikaviva rupii hai shuka. Kyrã ñeẽ japoha verã rupii mbai porãmba ijeshaka marãra porã'ãĩte.

Romano 7:5

Shara jaikoteri jajapo porãmba ñandyrete potavarã, ñee mbyparahava mbysareko mbai potakue, hokava mbyheta maĩnunga porãmba japokava ñymano.

Romano 7:8

Tẽvã mbai porãmbava pory, hãrã Moisés ñeẽ mbyparava japoa verã rupii japoshyre opa mbai aipota verã, shara Moisés mbypara vekuambape mbai porãmba vekua manova rãĩmi.

1 Corintios 15:56

Ñymano pu'ũchakue rãnga hai mbai porãmba vekua, hareka mbai porãmba pyrãtakue hai, ñee mbyparahava.

Efesios 5:3

Pee rãnga hai tenta kyamba Tũpa ryheva, hãme rãnga avypo pijetahe kyrãrãĩ'ia ryheva, mbai kyavaremba, maĩrã maĩnungare heta ĩmepyre verã, shara kova ha'ẽã hai Tũpa ryheva kyambarepeva.

Colosenses 3:5

Hãrã pijuka pyndypyape'ẽvã porãmba vekuare, jaishu kyrãrãĩ'ia ryheva, mbai pyrỹmyngyava, mbai potaiiva ryheva, hareka kate'ỹkue, hokava ha'ẽĩjy ñamombaiva Tũpa rã'anga.

1 Tesalonicenses 4:5

Avy piko pyndavasapi hareka porãmba pipota pijapo, kuareta Tũpa kuaambare rãĩmi.

Hebreos 7:19

Shara Moisés mbypara vekua mba'ẽã mbyhaikavi, tẽva ã'ẽ jairojamahe ñyhãrõ kavipe, hokava heja ñande ñaimbojahe verã Tũpa.