Romano 6:4 - NandevaBiblia

⁴ Shara ñañymyngarairã ñaniñotyha Cristo hãndi, hareka ñamano jakuerajy hãndi verã, jaikoma verã tykove py'ahuvape, kyrã Cristo kuerajya rãĩmi Tũpa Teru ñymbaikatu hĩmbipevapy.

Romano 6:4 ပူးပေါင်းရင်းမြစ်များ

Juan 11:40

Jesús heishu: Ambe'ũarandeje, ryrojarã ryhesha verã Tũpa ñymbaikatukue?

Juan 2:11

Kova heshaha verã Jesús japova Caná yvy Galileape hai tynondeite japova. Kyrã heshaka ñymbaikatukue hãrã mboireare jyrojahe.

Hechos 2:24

tẽvã Tũpa mynguerajy manovare mbyteivi, nohẽjyshu ñymanoivi, hãrã ñymano mba'etyre pyrãtãkue jepyhe verã.

Hechos 2:32

Tũpateiva rãnga mynguerajy Jesús, hãrã ore pytaha hokava heshahava mbe'ua verã.

Romano 6:19

Aijeta kuaretare ijetava rãĩmi, shara pee kuaretare pevarã javaipe pikuaa verã. Kyrã, aryka'e pymeẽva rãĩmi pyndyrete mbai kya vekuape hareka teko kavimbape pijapo verã porãmbava, ã'ẽ pymeẽ pyndyrete pokueha verã tykove kavivape hareka kyamba.

Romano 6:3

Pikuããra ñande ñaĩmyngaraiva Cristo Jesús heepe, ñañymyngaraiva hai ñymanope?

Romano 6:8

Hareka ñamano Cristo hãndirã, jaroja jaikojy hãndi verã.

Romano 6:9

Jaikuaa kavi Jesucristo kuerajymarã manovare mbyteivi manoveãmapo. Shara ñymano jepyveãmahe.

Romano 7:6

Tẽvã ã'ẽ manoma mbyparava japoa verã ñymbai katukue'ipe ñandyreva, mbaiveama ñandocha jaijokueka verã Tũpape, tykove py'ahuvape Espiritu Santo ñymbaikatupy, haiveama arykaiva Moisés mbypara vekua tuja vekuapy.

Romano 8:11

Ãñete iko pyndypyape Espiritu Tũpa ryheva arykai Jesús mynguerajy vekua manovare mbyteivirã, hokava Jesucristo mynguerajy vekua, mynguerajypokui pyndyrete mano verãre, Espiritu Tũpa ryheva iko pyndypyapeva rupii.

1 Corintios 6:14

Tũpa mynguerajya Ñandeja Jesucristo, ñande ñanymynguerajypokui hai ñymbaikatukuepy.

2 Corintios 13:4

Ãñete rãnga hai mbysavavaha kurusure kangyva rãĩmi, tẽvã hai iko Tũpa ñymbaikatukuepy. Ore yrykangyhãĩ jyve handi, tẽvã ñymypenteãherã ĩmeãpo'i Tũpa ñymbaikatukue rupii, haikavipe verã.

2 Corintios 5:17

Hãrã ĩme'ẽ Cristo ñymypente hãndivarã, haimapo pente japoha py'ahuva. Opa mbai tuja vekua opama hasa, hãrã opa mbaima py'ahujy.

Efesios 4:17

Kova she haipeva, hareka airurepeva Ñandeja heepe: Pikovẽãma verã Tũpa kuambavare rãĩmi, mbaimba vekuareĩ pya mbijeta'ivare,

Efesios 5:8

Pee rãnga pikopi pyntuape arykai, tẽvã ã'ẽ pikoma Ñandeja jysapekape; hĩmbipevapepo piko, tyrayre hendyape'ia rãĩmipo piko.

Colosenses 3:10

Piko tykove py'ahuvape, ñymbypy'ahu ohova ovave verã Tũpa hai pindijapo vekua hareka pikuaa kavive pyrahashu.

Colosenses 4:1

Pee ĩmepyreva pijokuepyrevare, pijapohe reta hekope kavi'õ hareka pyreko kavishu reta. Pymanduapo jyvehe ĩmepyreva jyve Pyndeja vate arapy'õ.

1 Pedro 3:21

Hareka hokava yy heshaka ã'ẽ japoryva ñaĩmyngarai verã, hai rupii Tũpa ñanymondojepe. Ñymyngarai ha'ẽã mbai kya opama ñandyreteivi hekyva, he'iseĩ mbaikuaakue kyamba Tũpa hỹnonde. Jesucristo kuerajy rupii veru ñande pyrỹmondojepeva;

1 Juan 2:6

Heiva Tũpareĩ'ẽvã, ikopo jyve Jesucristo iko vekua rãĩmi.