Romano 6:17 - NandevaBiblia

¹⁷ Tẽvã ã'ẽ ñameẽshu Tũpa ajetekue, ajemaĩ arykai hai pee mbai porãmba jokuerea, ã'ẽ pyndypyaivivema ñee pyhendu pynymbo'eahea ẽvã rãĩmi, pee pymyvãhẽ vekua.

Romano 6:17 ပူးပေါင်းရင်းမြစ်များ

Hechos 11:18

Henduma reta kovarã, opa chĩrĩrĩ hãrã õmombai reta Ñanderu Tũpa hei: Haimba Judiova reta'ẽẽĩmba jyveshu oujy verã Tũpape hejahareishi verãre mbai porãmba japo vekua, hipity verã tykove opambava!

Hechos 28:15

Haivi Jesús jyrojaheare Romape'õre, kuamaimba reta hãrã jyveru ỹrymyvãhẽ reta Foro Apiope hareka “Mbahapy Tabernas” he'iashuapeve, Pablo heshamarã, meẽshu gracia Tũpa hareka kyrẽ'yjy.

Romano 1:5

Jesucristo rupii, Tũpa shiñono Apostolrã hareka kova hai mbai vasu she pevarã, hai heepe ambeu verã opaĩ tenta vasu retaipi roja verãre hareka Tũpa heiva japo verãre.

Romano 1:8

Tynondepo ameẽ Tũpape ajetekue pyndyrehe, Jesucristo rupii, shara oparupi mbe'uha jyrojakue pyrekoheva.

Romano 15:18

Shara she ha'ẽã mbaimba vekua aijetahepe verã, koñeĩ mbai Cristo japo vekua retaĩ she rupii, Judiombare ñee hendushu verãre ñeepe hareka japova rupii,

Romano 16:26

Tẽvã ã'ẽ ñanymbykuaaka hokava japoa verã Tũpa ĩñeẽ mbeu'iare mbyparava rupii. Tũpa opa ara ikova ñono tenta vasure kuaa verã japoa verã roja verãre hareka ñeẽ hendushu verãre Tũpa.

Romano 2:8

Tẽvã pota ha'epaite'iare, poshypepo jahehekui, he'iseva opaite añeteva ñymbyvaisho'iheare, hekopemba'õvaĩ haihuva.

1 Corintios 1:4

Shyrorykue ameẽñoĩ pyndyrehe Tũpape, shara Jesucristo rupii maĩkavi pyndyrehe.

1 Corintios 14:6

Hãrã shyryvyre aha peĩvãperã, aijetape ñee yngaivaperã, mbaivaperapo haikavipekui, Tũpa heshakava rupiiã aijetaperã, maĩrã ãrãndu rupii, maĩrã ñee iko verã Tũpaivi ouvare, maĩrã arakuaa rupii?

2 Corintios 2:14

Tẽvã ãmeẽ shy'ajetekue Tũpape, hai ỹrỹmypyrãta hareka jepyhahe verã porãmba vekuare Cristo rupii, hareka ore rupii oparupi kuaaka hai ĩñee, mbai pishekatuva rãĩmi oparupi vãhẽ.

Efesios 1:16

hãme rãnga opa ara she amyvãhẽ shypya horykue Tũpape pyndyrehe, hãrã airurerã shymanduañoĩ pyndyrehe.

1 Tesalonicenses 3:9

Hãmerã, marãvepo me'ẽhajy yry'ajete Tũpape pyndyrehe hareka heta vy'akue pymeẽ ore vekua hai hỹnonde?

2 Tesalonicenses 1:3

Shyryvyre, opa arañoĩpo ajetekue ñameẽshu Tũpa pyndyrehe, kyrãñoĩpo jaiko, shara pee pirojave pehohe Tũpa, hareka pepenteĩ jyhaihukuepy pijyhahaihuve peho.

2 Timoteo 1:13

Rehoĩpohe kyrã, pyrymbo'eaheva haikavivape, arỹmboiheva rãĩmi, jyrojakuepe hareka jyhaihukuepe ĩmejareva Jesucristo rupii.

Filemon 1:4

Filemón, Tũpape ameẽñoĩshu shy'ajetekue shymanduama ndyree airurema ãĩrã,

Hebreos 11:8

Jyrojakue rupii, Abraham hendu kavi Tũpa hẽnohashurã hãrã õhẽ oho kuaamba ryheve matyra hareka oho yvy me'ẽãshu verã kyty hai ña'ãporã.

Hebreos 5:9

Hãrã ñymbyheko kavimarã opa ara pevarã ikoshi pyrỹmondojepe'ia, opaite ĩñee hendushuare pevarã.

1 Pedro 1:22

Ã'ẽ ñee añeteva pijapomarã pyndykyaveãma, Espiritu rupii pijyhaihumapo, hãrã pijyhaihu opaite pente'ovare rãĩmi. Pypya ryheve pijyhaihu.

1 Pedro 2:9

Tẽvã pee hai Tũpa pyhyrõva, huvisha vasu jypai, tenta vasu kyambaa, kuareta Tũpa ña'ãpova rupii, mbeu verã Tũpa japo vekua, pynyrẽno pyntuivi pẽhẽ verã hareka piche verã sapeva haikavivape.

1 Pedro 3:1

Kyrãmi jyve pee tyrekore, piñyñono pemere ipope ĩme'ẽ pente teme rojambava Tũpa ĩñee, mbaimba heivape, pee pikova rãĩmipo pymbaky jyveshu retakui.

1 Pedro 4:17

Vãhẽma ara pirĩmbivachehava iko verãpe Tũpa ryhevare mbytepe. Hareka õñepyrõ ñandyreherã hareka kyrã ñanymbyhasa'asyrã, marããtepo opakui Tũpa Ĩñee Kavi hendusemba'iare?

2 Juan 1:4

Shymbyvy'aite ahesha ã'ãmo ndyrayre añetevape iko retarã, Teru hei ñandeva rãĩmi jajapo verã.

3 Juan 1:3

shara shymbyvy'aiteva hai ñandyryvyre jyveru mbeushe marãra riko hekopekavi hareka marãra ryvata añetevape.