Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Romano 6:14 - NandevaBiblia

14 Kyrãrã mbai porãmbava jepyveamapo pyndyrehe, shara pikoveãma Moisés mbypara vekua heiva ipe. Koñeĩ pimepeĩ Tũpa jyhaihukuepe.

အခန်းကိုကြည့်ပါ။ ကော်ပီ




Romano 6:14
25 ပူးပေါင်းရင်းမြစ်များ  

Hai memby kuimbaipokui, hareka rymbyheepo ko sanjay Jesús, kyrãpo he'iashu shara hai mondojepepo henta ĩrũre mbai porãmbaivi”.


Hãma hokava Ñee ikoshi kuareta, hareka iko'i ñanymbyteipi, tynyhẽ jyhaihukue hareka añeteva. Ore heshaha hĩmbipekue, hãrã hokava hĩmbipeva hai Tyray ña'ãpova, Teru meẽshuva tay penteĩ'ia.


Shara Tũpa meẽ ñee mbyparahava Moisés rupii, tẽvã jyhaihukue hareka mbai añeteva vãhẽ Jesucristo rupii.


Hãme rãnga, Tay pindijora mbai porãmba vekuaivirã, ãñeteĩtepo pindijorahakui.


Kova rãnga iko Tũpa pya kavi rupii. Ha'ẽã haire mbai japo kavirã. Kyrãrã Tũpa pya kavikue haiveãmapo pya kavi.


Hãme rãnga, Tũpa ĩñee meẽva ou jyrojakue rupii, opaite Abraham tayre me'ẽãreiishu verã; ĩñee meeshu opaite ñymoñashiare pevarã, ha'ẽã Moisés mbypara vekuape'õ japo'ia retaĩ, koñeĩ Abraham rãĩmi jyrojava retajy. Hãme rãnga hai opaiteva ñanderu.


Kyrã pente kuimbai ñymbai porãmba rehe ñymano ẽẽ kuareta retare, tẽvã pente kuareta rupii, Jesucristo ẽẽpohe tykove myvãhẽvare Tũpa mbai meẽreiiva hareka mbai kavi me'ẽãreiva ñanymbyheko kaviva.


Adán ñymbai porãmba vekua rupii, Tũpa heimbahe opaiteva ñamano verã, tẽvã Jesucristo heko kavikue rehe, mano ñandyrehe vekua, Tũpa heima ñandyrehe ñandyreko kaviva hareka meẽ ñande tykove opamba.


Hãme rãnga ỹteñomapo pyma'ẽĩhe pijapokashu porãmbava tyrete potava.


Hãmera marããjy? Mbai porãmba vekuaĩrapo jajapojai ñaĩmeveama Moisés mbypara vekuaperã, Tũpa jyhaihukuepe ñaĩmeñaĩrãme? Mba'ety rãnga!


Hãrã shyryvyre, ĩme'ẽ jajapoñoĩ verã, tẽvã ha'ẽã ñandyrete potava rãĩmi.


Shara ñee mbyparahava Espiritu ryheva japokava meẽ tykove Cristo rupii, shyrekyshi ñee mbyparahava mbai porãmba ryheva hareka ñymano.


Ko jyroja ndeiteri ourã, Moisés mbypara vekua ñaniñapiti'i, ñahãrõ kova jyroja, kuaaka peve.


Pee pota pẽĩva Moisés mbypara vekua heiva rãĩmi, pereshe kova: Pyhenduãngamba hoka mbyparava hei vekua?


Hãrã ko Espiritu Santo potava rãĩmi pikorã, pẽĩveama'ipe Moisés mbypara vekua heiva rãĩmi.


Hai ñymeẽ ñandyrehe mbai porãmba vekua ñandijorashi verã hareka opa kavi ñandohe, iko ñandyhevi verã henta'ĩrũre, mbai haikavivaĩ japo'i verã.


Hokava ara hasamarã, kova ñee me'ẽãva ajapo hãndi verã Israelvare, kyrãpokui, hei Teja: Shiñee mbyparahava ãñonopokui ñakapy hareka ambyparapokui pya retape. She ãĩposhukui ñu Tũparã hareka hai retapokui shyrẽta ĩrũre.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ