Romano 6:11 - NandevaBiblia

¹¹ Kyrãipo jyvepe pikopo pymanomava rãĩmi mbai porãmba pevarã, tẽvã pimeĩpirã hai Tũpa pevarã Cristo Jesús piñymypente hãndiva rupii.

Romano 6:11 ပူးပေါင်းရင်းမြစ်များ

Juan 20:31

Tẽvã kovare ñonoha pyroja verã Jesús haiva Cristo, Tũpa tay, pirojaherã ĩmepyre verã tykove opambava hai heepe.

Romano 16:27

Tũpa penteĩ'õ, koñeĩ iñarãnduva, hĩmbipe opa arape Jesucristo rupii! Amén.

Romano 5:1

Hãrã Tũpa ñanymbyheko kavima shara jairoja, jareko pya vapy Tũpa handi Ñandeja Jesucristo rupii.

Romano 6:10

Shara Jesucristo mano, mbai porãmba vekuarerã, penteĩ mano hareka opa ara pevarãma; tẽvã ĩmeĩteri'irã, Tũpa pevarã iko.

Romano 6:13

Avypo pyporyka pyndyrete ryhevare mbai hekopemba'õ pevarã, kyrãte verã, piñiñono Tũpa ipope, ĩmeĩteri'ia rãĩmi manovare mbytepe, hareka pyrete ryhevare pymeẽ mbai mbi'ipuhavare mbaikaviva rãĩmi Tũpa pevarã.

Romano 6:2

Mba'ety, kyrãã rãnga! Ñande rãnga ñamanoma mbai porãmba pevarã, marãĩrapo hykuaĩ jajapojy mbai porãmba vekua?

Romano 6:23

Mbai porãmba hepykue rãnga hai ñymano, tẽvã Tũpa meẽva hai tykove opambava, Cristo Jesús Ñandeja ñañymypente hãndiape.

Romano 7:4

Kyrãĩ jyvepe shyryvyre, Cristo ñymano rupii pẽĩveamahe Moisés mbypara vekua, ã'ẽ pẽĩma Cristo hãndi, hokava hai Tũpa mupuãjy vekua manovare mbyteivi. Kyrãpo heta mbaikavi jajapo Tũpa pevarã.

Romano 7:6

Tẽvã ã'ẽ manoma mbyparava japoa verã ñymbai katukue'ipe ñandyreva, mbaiveama ñandocha jaijokueka verã Tũpape, tykove py'ahuvape Espiritu Santo ñymbaikatupy, haiveama arykaiva Moisés mbypara vekua tuja vekuapy.

Romano 8:18

Kyrã, jyhasa'asy ã'ẽ jahasava mba'ẽã, ñambivachehe hĩmbipeva Tũpa heshaka ñande verãrã.

1 Corintios 6:20

Shara Tũpa hepyre pyndy'ova; hãme rãnga pemombaiposhu Tũpa pyndyretepe hareka pyndyrykovepe, hokava reta hai Tũpa ryheva.

Efesios 2:7

Kova japo heshaka verã ara ou verãpe marãra hai ñandyraihu hareka ñandypareko Jesucristo rupii.

Filipenses 1:11

Pee rãnga pepo tynyhẽpo pyraha teko jyvache i'akue mbaikavi pijapova Jesucristo rupii, kuaretare pyrahe hareka õmombai vasushu verã Tũpa.

Filipenses 4:7

Hareka Tũpa pyavapy, hai ojaimbava kuaretare pya mbijetahevaivi, ñyngarekopohe pyndypya hareka pyndypya pimbijetavare, Cristo Jesús rehe.

Colosenses 2:20

Pee rãnga pymano Cristo hãndi, hãrã peĩveãma tẽãre ñymbaikatu'ipe ẽvã ko yvy'ĩãrẽ. Marã'ĩrãra akuarã, pikoteri kova tẽãre ñymbaikatu'ipe hareka piñyñonopi haire ĩñee potava rãĩmi?

Colosenses 3:17

Hãma opa mba'e pijapova hareka pereva, pijapo Ñandeja Jesucristo heepe hareka pymeẽ ajetekue Tũpape, Cristo rupii.

1 Pedro 2:24

Haiteiva opa raha hetere mbai porãmba kurusure, ñamanoma verã mbai porãmbape hareka haikavivape jaikojy verã. Hai mbyperehavapy pykuerajy.

1 Pedro 2:5

Pee jyve, ita hykovevare rãĩmi Tũpa mupuãheva oo Espiritu ryheva hareka pee hai paire kyambaa hokava tũpaope, mymba jukahava espiritu ryheva meẽ verã Tũpa myvãhẽva Jesucristo rupii.

1 Pedro 4:11

Ĩme'ẽ ñimiñee'iarã tijeta Tũpa ijeta'õva rãĩmi. Ĩme'ẽ pyrỹmboryvarã tijapo pyrãtakue Tũpa meẽshuvapy. Opa pijapova, pijapo Tũpa õñemombaishu verã Jesucristo rupii, hai ña'ãpova rãnga ñemombaivasu hareka mbaikatu opa ara pevarã. Amén.