Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Romano 5:2 - NandevaBiblia

2 Hai jairojaherã, ã'ẽ katuma jaiko Tũpa jyhaihupy, tanta ñaĩhe hareka vy'ape ñahãrõkuaa ñaĩmeñaĩ verã jyve Tũpa hĩmbipekuepy.

အခန်းကိုကြည့်ပါ။ ကော်ပီ




Romano 5:2
43 ပူးပေါင်းရင်းမြစ်များ  

Pyrokue'ia heishu: “Haikavite, nde hai jokuehareirea heko kaviva hareka jyrojahaheva; shara rĩngareko kavihe mĩshĩ ameẽndeva hãrã hetavepo ameẽjynde, iche vya shendie”.


Haipe Jesús hykuãĩ heijyshu reta: Añetevape haijype: She hai õche avishare iche'õĩpi.


She hai õche; she rupii icheva, ohojepepo; iche hareka õhepo koraivi avishare rãĩmi, hareka vãhẽñoĩposhu hou verã.


Jesús heishu: She hai tape, añeteva hareka tykove. She rupii katupo vãhẽha Sheru ẽvãpe.


Ãñeteĩte hai pee, she haiva henduva hareka jyrojahea shymbou vekua, ĩmemare tykove opambava. Jahehããpohe shara hasama ñymanoivi tykove opamba kyty.


Vãhẽ reta Antioquiaperã mbatyshu tũpaope'õ reta hãrã mbeushu reta opa mbai Ñanderu Tũpa japo vekua haire ipo rupii hareka marãra mbory iche verã ynga tenta haimba Judiore retaipi haire jyroja verã jyve.


Haikavi, opa jasyjaha reta shara jyrojãã reta, hareka nde tanta rẽĩ jyrojakuepe. Hãrã avypo riroja ndijehekui; koñeĩ jyrykyje.


Vy'ape pyhãrõ pẽĩ, pyhasa kuaapo jyhasa'asy, avy pynykangy pimbo'e.


Hãma nde yngava jokue'õ rỹmaĩrihea, mbavara nde kyrãri verã? Jokue'õ rãngapo kuaa mba'apokavira jokuerea. Hai pyrãtapo'ẽ shara Teja mypyrãta ñonoshu.


Tũpa hai, meẽva jyroja, vy'akue pynytynyhẽpo hareka pya vapype pirojahe verã, Espiritu Santo ñymbai katukue rupii pynytynyhẽ ryheve pynypyrãta verã.


Tũpa meẽposhukui tykove opambava, opaite haikavivaĩ japo'iare, haikavivaĩ Tũpaivi hekavare, mandu'akavihea hareka pente tykove katumba mambaihava.


Shara opaiteva mbai porãmbava japo, hãme rãnga katuã japity Tũpa hĩmbipekue,


Hareka hokava ñyhãrõkuaa ñanymbytavyãpo, shara Tũpa jyhaihukue mynyhẽ ñandypya Espiritu Santo rupii me'ẽha ñandeva.


Hãrã, mba'etyma ñunupa opaite Cristo Jesús ñymypente hãndiare, opaite ikomba hete potavape, koñeĩ iko Espiritu potavape.


Kova ñyharõva rupii ñanymondoajepe. Tẽvã ñahãrõñaĩva heshahava, ha'ẽã hai ñyhãrõva; shara mbavara hãrõ'ẽ ĩmemareva?


Ã'ẽ shyryvyre, aipota apyrỹmymandu'aka Ñee kaviva ambeupe vekua, hai pymyvãhẽ vekua hareka tãntapeĩheva.


Hãrã opaite ñandeva, ñandyrova jasoireva mba'etyma ñandyreheva, ñamaĩhe sypevape rãĩmi Ñandeja hĩmbipekue, Cristo ñandy'ovave oho'i, shara ĩmejare hĩmbipekue. Hokava rãnga hai Ñandeja je Espiritu japova.


Shara jyhasa'asyre sapy'aiteĩ hai hareka areã opa hasa. Tẽvã hai rupii, Tũpa meẽ ñande tykove hĩmbipeva opamba ryheva, hareka hetaiteveva.


Hãrã Cristo rupii opavare ã'ẽ Judio hareka haimbavare, katuma ñavãhẽ Tuu ẽvãpe pente Espiritu rupii.


Ñameẽshu ñandyvya Cristo, shara jairojaherã, jareko pyrãtãkue jahahe verã Tũpa jakyjembape.


Hãma, piñymonde kavipy opaite ñyrãrõpe mondeava Tũpa meẽpeva, pijepyhe verã hareka vãhẽma pee ara mbai porãmba Ãña ñonopeva, haivi opama pyhasa mbai porãmbavarã, pee pypyrããtapo pẽĩ.


Hãrã Ñandeja Jesucristo hareka Tũpa pya kavi rupii hai ñandyraihu hareka meẽ ñande pyavapy japymbaa hareka ñyhãrõkavi,


Tẽvã Cristo, Tũpa tayrã, jyrojañoĩhe Tũpa hoo, ñande hai hokava, ñaĩñymypyrãta ñaĩherã hareka vy'akuepe japity verã ñahãrõva Cristore ẽvã.


Tũpa japuã hairã, mokue mbai katumbaa ỹngaijyva, heiva meẽ verã hareka hai ĩñee meẽva. Hokava tivisha ñanymykyrẽỹ, shara jaipota Tũpa ñyngareko ñandyrehe, hãrã jaroja hai heishu vekua meẽñoĩ ñande verã.


Cristo manojyve mbai porãmba jajapova rehe. Hai mbai porãmba japombatẽva, ñañarõva rehe hasa'asy, pyndyraha verã Tũpa ẽvãpe. Hai mano hetepe hareka kuerajy Espiritu rupii.


Tũpa hĩmbipekue opa mykõĩ, hareka sapekue maĩnypi pente ita mashyã verava, ita jaspe rãĩmi, vidrio sãkapya rãĩmi.


Hareka tenta vasu ikoteveãhe kuarasy hareka jasy mykoĩ'ĩãrẽ verã, shara Tũpa hĩmbipekue sape'ẽhe hareka Avisha Ray hai ñymbai sapeka.


Ahendu vapyhasepyaivi õhẽ pente hỹnatu heiva: “Kope ĩme'ẽ Tũpa ñytavernáculo kuaretare mbytepe ẽva. Ikopo hãndi reta, hai retapo henta'ĩrũre hareka Tũpateipo ẽẽ hãndi retakui Ñu Tũparã.


Opa õhẽkaviva ñyrãrõivi ambyvapypokui shyvapyka mburuvisha vasu vapypya, she avapysepyape, she ãhẽkaviva rãĩmi ñyrãrõivi hareka avapyĩma hãndi Sheru vapyseape.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ