Romano 5:18 - NandevaBiblia

¹⁸ Adán ñymbai porãmba vekua rupii, Tũpa heimbahe opaiteva ñamano verã, tẽvã Jesucristo heko kavikue rehe, mano ñandyrehe vekua, Tũpa heima ñandyrehe ñandyreko kaviva hareka meẽ ñande tykove opamba.

Romano 5:18 ပူးပေါင်းရင်းမြစ်များ

Juan 1:7

Hãrã hokava ou kuaa kaviveva, mbeushu verã kuaretare kova mbai sapeva ryheva, pota opavare jyrojaherã.

Juan 12:32

Tẽvã shumupu'ãhãjyma yvy'ĩãrẽivirã, opaiteapo arujy shijupekui jyroja shyrehe verã.

Juan 3:26

Haivi haire oho heishu Juan: Pyrỹmboi'ia, kueve yy syryva Jordan hyvache rikori hãndi vekua, hareka rijeta kavirihea, ã'ẽ pyrỹmyngaraima'i jyve hareka opavare ou hai ẽvãpe.

Hechos 13:39

Hãrã Jesús rupii ñymbyheko kaviva opaite jyrojaheare hareka opaite katumba ñymbyheko kavi vekua Moisés jykuatia rupii.

Romano 3:25

Tũpa meẽmba ñanyrẽndakuepe mano verã hareka kyrã mbai porãmbava hejahareishu verãre jyrojaheva huvy rupii hareka kyrã Tũpa heshaka hai hekokaviva, shara hai hãrõkuaa rupii jaheãmbahe aryka'e mbai porãmba japovare,

Romano 4:25

Tũpa meẽmba Jesús mano verã mbai porãmba jajapo vekua rehe, hareka mupũ'ãjy ñanymbyhekokavi verã hai hỹnonde.

Romano 5:12

Kyrã, pente kuimbai rupii mbai porãmba ichemba yvy'ĩãrẽ, hareka mbai porãmba rehe ou ñymano; hareka opaiteva kuaretare manotẽ verã, shara opaiteva mbai porãmbavẽĩ japo.

Romano 5:15

Hãrã mba'ety, ñamyhã'ãngahe verã ñymbai porãmba vekuare hareka Tũpa mbai meẽreii ñande vekuare. Adán ñymbai porãmba vekua rehe, hetamba manova; tẽvã Jesucristo rupii Tũpa meẽreii ñande mbai vasuiteveva hareka mbai kavi hetavare pevarã.

Romano 5:19

Shara kyrã pente kuimbai ĩñee rẽndumbaa rehe hetava he'iahe heko porãmbare, pente kuimbai ĩñee rẽnduva rehe hetava he'iapohe heko kaviva.

Romano 6:14

Kyrãrã mbai porãmbava jepyveamapo pyndyrehe, shara pikoveãma Moisés mbypara vekua heiva ipe. Koñeĩ pimepeĩ Tũpa jyhaihukuepe.

1 Corintios 15:22

Adán rupii opava kuaretare mano, kyrã jyve Cristo rupii opavare kuerajypo.

Hebreos 2:9

Tẽvã jahesha Jesús, kỹỹãmba mimishĩĩha Tũpa jokuerea retaivi, ñonohe hĩmbipekue hareka omomba'eha huvishavasu rãĩmi, shara heta hasa'asy hareka mano. Tũpa pyakavi rupii, heja hasa ñymanoipi opavare haikavishu verã.

2 Pedro 1:1

She, Simón Pedro Jesucristo jokueva hareka apóstol apyrỹmymarandu, Jesucristo ñanu Tũpa ñanynohẽva porãmbaivi hekokavi rupii, hejape pente jyrojakue mashyãva ore ĩme rekohava rãĩmi.

1 Juan 2:20

Tẽvã Cristo Kyambava meẽpe Espiritu, hãme rãnga opaiteva pikuaa añeteva.