Romano 5:1 - NandevaBiblia

¹ Hãrã Tũpa ñanymbyheko kavima shara jairoja, jareko pya vapy Tũpa handi Ñandeja Jesucristo rupii.

Romano 5:1 ပူးပေါင်းရင်းမြစ်များ

Lucas 19:38

hei reta: Tyma'ẽãkavihe Mburuvisha vasu Ñandeja heepe ouva! Pyavapy tõĩ vate arapy hareka tõmomba'eha vatevevape!

Lucas 19:42

hei: “Aipotanytẽ ã'ẽ rikuaa, mbaivara verunde pyavapy! Tẽvã ã'ẽ ndyresare katuã ryhesha.

Lucas 2:14

Toñemombai vasu Tũpa, vatevevape, hareka yvy'ĩãrẽ kuaretare tiko kavi ijupive Tũpa haihuvare.

Juan 14:27

Ahejape pyavapy. Ameẽ pee shypyavapykue, ãmẽ'ẽãpe kuaretare meẽva rãĩmi. Avy pejepy'apy hareka avy pykyje.

Juan 16:33

Opaite kova mbai ambeupe pyndypya vapy verã piroja shyreherã. Hetapo pyhasa'asy ko yvy'ĩãrẽ, tẽvã avy pykyje, shepopema rãnga'ẽ ko yvy.

Juan 20:31

Tẽvã kovare ñonoha pyroja verã Jesús haiva Cristo, Tũpa tay, pirojaherã ĩmepyre verã tykove opambava hai heepe.

Juan 5:24

Ãñeteĩte hai pee, she haiva henduva hareka jyrojahea shymbou vekua, ĩmemare tykove opambava. Jahehããpohe shara hasama ñymanoivi tykove opamba kyty.

Hechos 10:36

Tũpa mondokashu ĩñee Israelvare ñymoña hãndiare, mbeu verã Ñee kaviva pyrymbypya kaviva Jesucristo rupii, hai opavare Ija.

Romano 1:17

Ñee kaviva rãnga ñanymboihe Tũpa mbyheko kaviva Jesús jyrojahea. Mbyparahava heiva rãĩmi: “Heko kaviva Tũpa jyrojaherã rupiipo iko”.

Romano 1:7

Opaite Romape peĩva Tũpa haihuvare hareka hẽnohava iko pyndyhevi henta ĩrũre pyhyrõãva: Ñanderu Tũpa hareka Ñandeja Jesucristo tymaĩ kavi hareka tyheshaka pyavapy.

Romano 10:10

Shara typyaivi rojaha hipitya verã tykove hekope kavi'õ ryheva, hareka tijuruipi he'iha Jesucristo jarojava jahajepe verã.

Romano 10:15

Marãirapo oho mbeu reta, mondohambare? Kuatia Mbyparahava rãnga hei: “Haikavi jahesha vãhẽ ou, ñee kavi veruvarã”.

Romano 14:17

Shara Tũpa vapy'õpe ryheva ha'ẽã karu maĩra ñymbyuva, koñeĩ hekope kavi, pya vapy hareka vy'a Espiritu Santope.

Romano 15:13

Tũpa hai, meẽva jyroja, vy'akue pynytynyhẽpo hareka pya vapype pirojahe verã, Espiritu Santo ñymbai katukue rupii pynytynyhẽ ryheve pynypyrãta verã.

Romano 15:33

Tũpa pya kavikue tõĩ penendie opaiteva. Amén.

Romano 3:22

Jyrojakue rupii Tũpa mbyheko kavi opaite Jesucristo rojavare, mba'ẽãshu haira Judio maĩrã ha'ẽãra.

Romano 3:30

Koñeĩ penteĩ'ẽ Tũpa, hareka hai Tũpa mbyheko kaviva opaite Jesucristo jyrojaheare, ajemaĩpo haimba Judiovare.

Romano 4:5

Tẽvã mba'apombava, Tũpa jyrojaherã mbyhekokaviva mbai porãmbaveĩ japo'ia, ajemaĩ mbai porãmba japo'ia mbaimbatẽã kyrã japoa verã, shara jyrojarã Tũpa mbyhekokavishu.

Romano 5:11

Hãrã Tũpa ñanymbyvy'ama jyve, katy ã'ẽ me'ẽã ñande ñaĩkavijy hãndiva Ñandeja Jesucristo rupii.

Romano 5:18

Adán ñymbai porãmba vekua rupii, Tũpa heimbahe opaiteva ñamano verã, tẽvã Jesucristo heko kavikue rehe, mano ñandyrehe vekua, Tũpa heima ñandyrehe ñandyreko kaviva hareka meẽ ñande tykove opamba.

Romano 6:23

Mbai porãmba hepykue rãnga hai ñymano, tẽvã Tũpa meẽva hai tykove opambava, Cristo Jesús Ñandeja ñañymypente hãndiape.

Romano 9:30

Mbaivarapo ja'eshu kova? Jyrojakue rupii rãnga Tũpa opa mbyheko kavi haimba Judiovare. Hokava he'ise jyrojakue rupii haimba Judiovare hipityva teko kavikue;

Galatas 2:16

Jaikuaa kavi rãnga koñeĩ Tũpa mbyhory Jesucristo jyrojaheare, hareka mba'ety ohojepe verã Moisés mbypara vekua japo'irã. Ore rãnga jyrojaha jyvehe Jesucristo, Tũpa mbyhorya verã jyrojahaherã. Shara mbaveãpo Tũpa mbyhory Moisés mbypara vekua japo'irã.

Galatas 3:25

Tẽvã ã'ẽ vãhẽma ko jyrojakuerã, ñande õĩveãma Moisés mbypara vekua ñyngareko'i ñandyrehe verã,

Galatas 5:22

Espiritu Santoivi rãnga ou jyhaihu, vy'a, pyasymyĩ, ñyhãrõkua, pyakavi, mbaikavi, tãnta jyroja,

Efesios 2:7

Kova japo heshaka verã ara ou verãpe marãra hai ñandyraihu hareka ñandypareko Jesucristo rupii.

Filipenses 3:9

Añymypente handi verã, ha'eã ñimbivacheva rupii Moisés mbypara vekua rehe, koñeĩ Cristo jairojaherã, ñimbivacheva hai jyrojakue rupii Tũpaivi ouva.

Colosenses 1:20

Hãma Cristo rupii Tũpa mbi'iko kavijy hãndi reta opaite ẽvã yvy'ĩãrẽ hareka vate arapy'õre, hãrã ñono kavijy hãndi Cristo huvy rupii ñohẽ vekua kurusure.

Colosenses 3:15

Hãrã Cristo pya symyĩkue tymytynyhe pyndypya, ha'ẽrã rãnga pynyrẽno aryka'e Tũpa, piko verã penteva rãĩmi hãma pymeẽshu pyndy'ajetekue.

1 Tesalonicenses 5:23

Tũpateiva, pyavapy Tũpa ña'ãpova, pynymbyheko kavi hareka tiñono kavi pyndyrykove, espiritu, pyndykove hareka pyndyrete, kyambape'ẽ verã, Teja Jesucristo oujyrã verã.

2 Tesalonicenses 3:16

Hareka Teja pyavapyva ryheva, tymeẽpe pyavapy opa hendaipi hareka opa ara. Ñandeja tõĩ penendie opa ara.

Hebreos 13:20

Tũpa pyakaviva, ñymanoivi puãjy vekua Ñandeja Jesús, avisha ñyngareko'ihea ojaimbava, ñee me'ẽãva opa ara pevarã huvy rupii.