Romano 4:11 - NandevaBiblia

¹¹ Hãrã Abraham ñonoãhe heshaha verã ñichĩchĩkava sello ñimbivache ryheva Tũpa mbyhekokavimashuva jyrojakue rupii. Kyrãmba Abraham ikoshi jyrojavare tuu, ajemaĩ ñichĩchĩkambatẽãre, hãrã Ñandeja Tũpa reko jyvehe reta heko kyamba rãĩmi jyrojakue rupii.

Romano 4:11 ပူးပေါင်းရင်းမြစ်များ

Mateo 16:16

Simón Pedro heishu: Nde hai Cristo, Tũpa tay hykove'ia.

Mateo 8:11

Hãrã haijy pee, heta'ẽ ou verã kuarasy õhẽãivi, hareka kuarasy icheaivi, hãrã vapypo Abraham, Isaac hareka Jacob, karuvasu hãndi verãre huvisha vasu vate arapy'õ,

Lucas 19:9

Jesús heishu: Ko arape vãhẽ ohojepeva ryheva kova oope, shara ko kuimbai hai jyve Abraham ñymõña hãndia.

Juan 3:33

Tẽvã ĩme'ẽ rojavarã, my'ãñete Tũpa heiva,

Juan 3:36

Hãrã Tyray jyrojaheva ĩmemare tykove opambava; tẽvã Tyray rojambava, hipityãpo hokava tykove, koñeĩpo hipity ñunũpa pohyva Tũpaivi ouva.

Juan 6:35

Jesús heishu reta: She hai pãhã meẽva tykove. Hãma shyrẽndape ouva ñymbahyveamapokui; hareka jyroja shyreheva haiveama ju'uhe verã.

Juan 6:40

Sheru potava rãngajy kova; opaite mãĩ jykotyva Tay, hareka jyrojahea hipity verã tykove opambava; hareka amynguerajyposhukui ara japyape.

Juan 6:47

Ãñete hai pee, jyroja shyreheva ĩmemare tykove opamba verã.

Juan 8:33

Haire hei: Ore rãnga hai Abraham tayre, mapeã mbava ipope yryre. Marã'ĩrãra rere ore irijoraha verã?

Romano 10:11

Shara kuatia Mbyparahava hei: “Opaite jyrojaheva, ñymymarãkããpo”.

Romano 10:4

Shara Moisés mbypara vekua opahea hai Cristo, opaite jyrojaheare mbyhekoa kavi verãre.

Romano 10:6

Tẽvã ñymbyheko kavi ouva jyroja rupii hei: “Avy ere ndypyape, mbara jupipo vate arape?” (hokava hai Cristo pota mbyvejy vate araivirã).

Romano 3:22

Jyrojakue rupii Tũpa mbyheko kavi opaite Jesucristo rojavare, mba'ẽãshu haira Judio maĩrã ha'ẽãra.

Romano 3:26

hãrã ã'ẽ ara ñaĩmevape, heshaka jyve poimbaa heko kaviva, mbyheko kavi opaite Jesús jyrojahea.

Romano 3:30

Koñeĩ penteĩ'ẽ Tũpa, hareka hai Tũpa mbyheko kaviva opaite Jesucristo jyrojaheare, ajemaĩpo haimba Judiovare.

Romano 4:10

Marãra mbyhekoa kavishu? Abraham pire chĩchĩkarãvãĩra maĩrã ndei japorãra'e? Ha'eã ajerai, ndei japokarãvãĩ rãnga mbyhekoha kavi.

Romano 9:30

Mbaivarapo ja'eshu kova? Jyrojakue rupii rãnga Tũpa opa mbyheko kavi haimba Judiovare. Hokava he'ise jyrojakue rupii haimba Judiovare hipityva teko kavikue;

Romano 9:33

Mbe'uhava rãĩmi kuatia Mbyparavape: “Ãñono pente ita Sionpe, ita mbyvapi'ẽ verãre; jyrojaheva ñymymarãkããpo”.

Romano 9:6

Tẽvã ha'ẽã Tũpa ĩñee javyrã, shara opãĩñoã Israel ñymoñashiare hai añeteĩteva Israelita.

2 Corintios 1:22

Hai ñande sella, kuaaha verã hai ña'ãpova ñanderã; Espiritu Santo rupii.

Galatas 3:22

Tẽvã Tũpa ĩñeepe heiva rãĩmi, opaiteva hai mbai porãmba pysyva, pota opaite jyrojahea Jesucristo hipity Tũpa ĩñee meẽ vekuarã.

Galatas 3:29

Hãrã pee hai Cristo ryhevarã, pee hai Abraham tayre, hareka opaite pipitypo Tũpa ĩñee meẽ vekua.

Galatas 3:7

Hãrã pikuaapo ãñeteite Abraham tay reta hai jyrojavare.

Galatas 5:5

Tẽvã ñande, Espiritu rupii, ñahãrõ jyvyĩ he'ia ñandyrehe verã kyambaa Tũpa hỹnonde jairojakue rupii.

Galatas 6:16

Pyreko pya symyĩ hareka jyparekokue opaite ikova ko ñee heiva rãĩmi, opaite tenta Israel hãndi Tũpa ryhevare.

Efesios 1:13

Haire jyve Pee pyhendurã ñee añeteva, Ñee Kavi verupeva ojepeva ryheva, hareka pyrojarã, ñonoã pyndyrehe pynymyha'ãngahapy Espiritu Santo me'ẽã verã.

Efesios 4:30

Avy pymbyvy'ãpi Tũpa Espiritu Santo, shara Espiritu hãĩ jyve ñanymyhã'ãngapya heshakava ñande hai Tũpa ryhevarã, opava retape me'ẽha jahajepe verã.

Filipenses 3:9

Añymypente handi verã, ha'eã ñimbivacheva rupii Moisés mbypara vekua rehe, koñeĩ Cristo jairojaherã, ñimbivacheva hai jyrojakue rupii Tũpaivi ouva.

Hebreos 11:7

Noé, Tũpa mbeumashu jehu verã heshambateri verãrã, hendushu, hareka kyje ryheve japo pente varko marẽyva mondojepe verã ñymoña hãndiare. Noé hipity mbai kavikue Tũpa meẽshuva opaite hendushua retape. Hareka hokava jyrojakue rupii Noé japohe kuareta ko yvy'ĩãrẽ jaheahe verã.

2 Pedro 1:1

She, Simón Pedro Jesucristo jokueva hareka apóstol apyrỹmymarandu, Jesucristo ñanu Tũpa ñanynohẽva porãmbaivi hekokavi rupii, hejape pente jyrojakue mashyãva ore ĩme rekohava rãĩmi.

Apocalipsis 9:4

Hãrã ijetashu reta avy porãmba japohe verãre yvyraroky yvy'ĩãrẽ'õre, yvyra retaimba, koñeĩ kuaretare Tũpa ha'ãnga mba'etyreva syvare.