Romano 3:31 - NandevaBiblia

³¹ Tẽvã Jesús jarojarã, hokava he'iseã ñee mbyparahava ikoveãmava, añete hai jairojaherã ñamypyrãtavema ñee mbyparahava.

Romano 3:31 ပူးပေါင်းရင်းမြစ်များ

Mateo 15:6

Ĩme'ẽ kyrãĩ heivarã, katuveama mbory tuu hareka ishy. Kyrã pimbijiche Tũpa heiva pijapo verã pipykuava rãĩmi.

Mateo 3:15

Jesús heishu: Ã'ẽãra kyrãĩpo ryheja, haikavive rãnga jajapo hekope kavi Tũpa potava. Hãrã Juan japo Jesús heishuva rãĩmi.

Mateo 5:17

Avy pimoã ai ambai verã Moisés mbypara vekua hareka Tũpa ĩñee mbeu'iare pyrỹmboihe vekua; she aiã ambai verã, koñeĩ hekope kavi ajapo verãi rãnga.

Mateo 5:20

She hai pee, pijapo kaviãã fariseore hareka Moisés mbypara vekua pyrỹmboi'ihea hekope kaviva ryhevarã, picheãpokui huvisha vasu vate arapy'õ ẽvãpe.

Lucas 20:16

Ohorapo opa jujuka mba'apo'õva retape, hareka meẽraposhu ju'uva rẽnda yngavape. Haire henduma kovarã hei jyre: Avy kyrããva tiko!

Romano 10:4

Shara Moisés mbypara vekua opahea hai Cristo, opaite jyrojaheare mbyhekoa kavi verãre.

Romano 2:20

Shara ĩmeryre ndepope Moisés mbypara vekua japoha verã, rerema ndijehe nde haiva ñymboimbare mboirea hareka ãrandu ija hareka añeteva.

Romano 3:4

Kyrãã rãngapo! Ajemaĩpo kuaretare japu, Tũpa añetevañoĩ hei. Shara Mbyparahavape hei: “Opaitevapo kuaa añetevañoĩ rereva. Hãrã rẽhe kavipo nimbivachehaka'ẽrã”.

Romano 3:6

Kyrãã rãngapo! Tũpa hekope kavimba'iarã, marãrapo mbivacheka kuaretare?

Romano 4:14

Añete Tũpa ĩñee meẽ vekua ñee mbyparahava japoa verã japovare pevarãĩrã, jyrojakue mba'ẽãmbapo, hareka ñee me'ẽã vekua ikoãpo.

Romano 7:22

Shara shypyape mbyhory ñee mbyparahava japoha verã Tũpa ryheva.

Romano 7:25

Ameẽshu shy'ajetekue Tũpa, Ñandeja Jesucristo rupii. Koñemahea: Aikuaa ajapoñoĩ verã ñee mbyparahava Tũpa pota japoashuva, tẽvã shyrete ikangyrã, ãĩmeĩ'ãĩ ñee mbyparahava mbai porãmba japoa verãpe.

Romano 8:4

Hokava japoha hekopekavi iko ñandyrehe verã ñee mbyparahava, shara ñande jaikoveama ñandyrete porãmba potava rãĩmi, koñeĩ jaiko Espiritu potava rãĩmi.

1 Corintios 9:21

Moisés mbypara vekua mba'etyreare, ãĩme'ãĩ hãndi retarã, haire ikova rãĩmi aiko jyve, ambory verã reta jyve jyrojahe verã Cristo. Kova he'iseã ajapombava Tũpa heiva. Mba'ety, ajapoñoĩ rãnga, shara ajapo Cristo heiva.

Galatas 2:19

Moisés mbypara vekua pevarã rãnga she amanoma, tẽvã Tũpa pevarã ãĩmeĩ ai.

Galatas 2:21

She katuã ambijiche Tũpa jyhaihukue, añete ñandyreko ky'ãã Tũpa hỹnonderã hareka Moisés mbypara vekua rupiirã, Cristo mano reitẽ verãmba.