Romano 3:29 - NandevaBiblia

²⁹ Tũpa ha'ẽã Judio retaĩ ñu Tũpa, opaiteva ñu Tũpa rãnga, ajemaĩpo haimba judiovare.

Romano 3:29 ပူးပေါင်းရင်းမြစ်များ

Mateo 22:32

“She hai Abraham, Isaac hareka Jacob ñu Tũpa”. Hai ha'ẽã manovare ñu Tũpa. Hykoveteri'iare ñu Tũpa rãnga hai.

Mateo 28:19

Pekua opaite tentaipi pijaposhi reta shimimbo'ẽrã, pymyngaraishu reta Tuu, Tay hareka Espiritu Santo heepe.

Hechos 10:34

Hãrã Pedro õñepyrõ ijetashu reta: Ã'ẽ aikuaa, ãñeteñoĩmba Tũpa pevarã penteva rãĩmi ñanderã,

Hechos 22:21

Tẽvã Ñandeja heishe: “Ekua, shara arỹmondopo mbyry haimba Judiore ẽvãpe”.

Hechos 26:17

Arỹmondo jepeva nyrẽta ĩrũ retaivi hareka haimba Judio retaivi, hãrã ã'ẽ ãrỹmondopo hokava retape,

Hechos 9:15

Tẽvã Ñandeja hei: Ekua, shara apyhỹrõma hokava kuimbai ijeta shyrehe verã opaite yngava tenta retaipi'õ, huvisha vasure hareka jyve israelitare.

Romano 1:16

Ãnotiã ãmbeu ko Ñee kaviva, shara hai Tũpa ñymbaikatukue mondojepeva opaite jyrojaheare, Judio reta rãni hareka jyve haimba Judiovare.

Romano 10:12

Shara jyvavyã Judiore hareka Griegore; shara penteĩ'ẽ Teja, hareka ha'ĩjy opavare Ija hareka hetavee hai meẽshu hai hẽnova retape.

Romano 15:16

shara shypyhyrõ amba'aposhu verã Cristo Jesús hareka haimba Judiore amboryshu verã. Ĩme'are ajapo verã paire rãĩmi, ambeu verã Tũpa Ĩñee Kavi hareka arahape pee haimba Judiovare Tũpape me'ẽãva haikaviva, Espiritu Santo rupii mbijicheava.

Galatas 3:14

Hokava jehu, mbaikavi Tũpa ĩñee meẽshuva Abraham hipity verã reta jyve haimba Judiovare, Jesucristo rupii. Kyrã jairoja rupii opaiteva me'ẽã ñande verã Espiritu Tũpa hei vekua meẽ verã.

Efesios 3:6

Hãrã kuaahamba vekua hai kova: Jesucristo Ñee Kaviva rupii haimba Judiore myvahe verã jyve pyrỹmondojepeva, hareka ĩñee meẽva tenta Israelva retape, hareka pente tentaĩ iko hãndi verã Israel.

Colosenses 3:11

Hãrã mba'etyma jyvavyhe verã ndera hai Greciape'õ maĩrã Judiora, ndera ndipire chĩchĩhã maĩrã chĩchĩhããra, ndera mbyryivireiva, maĩrã mba'ẽãra rikuaa, haira nde jokueharea maĩrã ha'ẽãra. Haikaviveva rãnga hai Cristo opa mba'epe hareka jyvache opavape'ẽ.