Romano 3:28 - NandevaBiblia

²⁸ Hãme rãnga he'iha Tũpa ñanymbyhekokavi jairojaherã, hareka ha'ẽã Moisés mbypara vekuape'õ jajaporã.

Romano 3:28 ပူးပေါင်းရင်းမြစ်များ

Juan 5:24

Ãñeteĩte hai pee, she haiva henduva hareka jyrojahea shymbou vekua, ĩmemare tykove opambava. Jahehããpohe shara hasama ñymanoivi tykove opamba kyty.

Juan 6:40

Sheru potava rãngajy kova; opaite mãĩ jykotyva Tay, hareka jyrojahea hipity verã tykove opambava; hareka amynguerajyposhukui ara japyape.

Romano 3:26

hãrã ã'ẽ ara ñaĩmevape, heshaka jyve poimbaa heko kaviva, mbyheko kavi opaite Jesús jyrojahea.

Romano 4:5

Tẽvã mba'apombava, Tũpa jyrojaherã mbyhekokaviva mbai porãmbaveĩ japo'ia, ajemaĩ mbai porãmba japo'ia mbaimbatẽã kyrã japoa verã, shara jyrojarã Tũpa mbyhekokavishu.

Romano 5:1

Hãrã Tũpa ñanymbyheko kavima shara jairoja, jareko pya vapy Tũpa handi Ñandeja Jesucristo rupii.

Romano 8:3

Shara Tũpa japo, Moisés mbypara vekua katumba japova, shara kuaretare hete potavape katuã ĩñeerendu, Tũpa mboumba Tay pente tyretepe kuaretare mbai porãmba japo'ia hete rãĩmi, hareka mbai porãmba rehe jukaha verã, kyrã jahehe verã mbai porãmba tyrete potava ryheva.

1 Corintios 6:11

Ĩme'ẽ aryka'e pymbytepe kyrã'i vekuare; tẽvã ã'ẽ pyndykyaveãma Ñandeja Jesús heepe hekokavivamape, hareka Espiritu ñanu Tũpa ryheva rupii.

Galatas 2:16

Jaikuaa kavi rãnga koñeĩ Tũpa mbyhory Jesucristo jyrojaheare, hareka mba'ety ohojepe verã Moisés mbypara vekua japo'irã. Ore rãnga jyrojaha jyvehe Jesucristo, Tũpa mbyhorya verã jyrojahaherã. Shara mbaveãpo Tũpa mbyhory Moisés mbypara vekua japo'irã.

Galatas 3:24

Oupeve Cristo, Moisés mbypara vekua sanjay rãĩmi ñyngareko ñandyrehe, japitypeve tykove haikaviva jairoja rupii.

Galatas 3:8

Kuatia mbyparaha vekuapy hei, haimba Judiore mbytepe'ẽpo jyve heko kaviva jyrojakue rupii. Hãma Tũpa, arykai, myvãhẽshu ko Ñee kavi Abrahampe: Opaite tenta vasure nde rupiipo mbai haikaviva hipitykui.

Efesios 2:9

Ha'eã rãnga penteva mbai japova rupii, hãrã mbaveãpo ha'ei ñymbyvate hei ha'ĩ ohojepeva.

Filipenses 3:9

Añymypente handi verã, ha'eã ñimbivacheva rupii Moisés mbypara vekua rehe, koñeĩ Cristo jairojaherã, ñimbivacheva hai jyrojakue rupii Tũpaivi ouva.

Tito 3:7

Hai, ñanymbyheko kavi verã jyhaihukue tivishava rupii, japity verã tykove opambava ñahãrõva.

Santiago 2:18

Katu ĩme'ẽ heiva: “Nde ĩmeryre jyrojakue, tẽvã ajapo she mbai haikaviva”. Shymbyheshaka rirojakue mbaimbaa japova, hãrã she aheshakapo jyve nde jyrojakue ĩme'areva mbaikavi ajapova ryheve.

Santiago 2:20

Avy mbaimba kuaava rãĩmi'i, rikuããra jyrojakue ohoã hãndi jajapovarã, mbaivapeã haikavirãme?

Santiago 2:24

Pyheshama, kuareta japo vekua rupii he'ia jyvehe heko kaviva; ha'ẽã jyrojakue rupiiñoĩteva.