Romano 3:27 - NandevaBiblia

²⁷ Tũpa hỹnonde, mba'etyjare maĩnunga jairoja jai ñandijehe verã, shany Tũpa heima ñande, shara jairojahe Jesucristo, hareka ha'ẽã jajapo Moisés mbypara vekuarã.

Romano 3:27 ပူးပေါင်းရင်းမြစ်များ

Marcos 16:16

Ĩme'ẽ rojavarã hareka ñymyngarairã ohojepepo, tẽvã rojambava jaheapohe.

Juan 3:36

Hãrã Tyray jyrojaheva ĩmemare tykove opambava; tẽvã Tyray rojambava, hipityãpo hokava tykove, koñeĩpo hipity ñunũpa pohyva Tũpaivi ouva.

Romano 10:5

Ñymbyheko kaviva ryheva Moisés mbypara vekua, kyrãmba mbypara: “Opaite kuareta japova kova Japoa verã, hai rupiipo iko”.

Romano 11:6

Kova rãnga iko Tũpa pya kavi rupii. Ha'ẽã haire mbai japo kavirã. Kyrãrã Tũpa pya kavikue haiveãmapo pya kavi.

Romano 2:17

Nde rĩmbyheeriva Judio, rirojahe Moisés mbypara vekua hareka nu Tũpa rehe rirojajy ndijehe.

Romano 2:23

Rirojahe ĩmeryre Moisés mbypara vekuarã, tẽvã rijapoã, kyrã remomba'ẽãshu Tũpa.

Romano 3:19

Jaikua rãnga ñee mbyparahava japoa verã haiva Judiore pevarã, shara haire ĩmere ñee mbyparahava japo verã, mbavamba heijy verã “ha'eã she mbai porãmba japo'ia”, opapaveĩ ñymbeu verãre mbai porãmba japovare Tũpa hỹnonde.

Romano 3:26

hãrã ã'ẽ ara ñaĩmevape, heshaka jyve poimbaa heko kaviva, mbyheko kavi opaite Jesús jyrojahea.

Romano 4:2

Shara Abraham mbyhekoakavi hai japo vekuarerã, ĩmeñoĩmbapore ojejapohe verã. Tẽvã ha'ẽã Tũpa hỹnonde.

Romano 7:21

Hãrã kyrã ahesha kova ñee mbyparahava, potamatẽ ajapo mbai haikavivarã, mbai porãmba vekuaĩ ahesha shypyape.

Romano 7:23

Tẽvã shypyape ãñandu pente mbai shijokova shypya ambijeta kavi verã: Hokava hai ñee mbyparahava mbai porãmba ryheva, shypyape ẽvã hareka shymbyperesotei'i.

Romano 7:25

Ameẽshu shy'ajetekue Tũpa, Ñandeja Jesucristo rupii. Koñemahea: Aikuaa ajapoñoĩ verã ñee mbyparahava Tũpa pota japoashuva, tẽvã shyrete ikangyrã, ãĩmeĩ'ãĩ ñee mbyparahava mbai porãmba japoa verãpe.

Romano 8:2

Shara ñee mbyparahava Espiritu ryheva japokava meẽ tykove Cristo rupii, shyrekyshi ñee mbyparahava mbai porãmba ryheva hareka ñymano.

Romano 9:11

Hareka ndei oa retarã, nde'iave japo reta mbai haikaviva maĩrã porãmbavarã, hareka Tũpa potava ẽẽ verã hai pyhỹrõva rãĩmi hareka ẽãhe kuareta japova, koñeĩ hẽnoãva rupii.

Romano 9:31

tẽvã Israelvare oho reta Moisés mbypara vekua haykue mbyheko kavishu verãre, tẽvã hipityã reta.

Romano 9:32

Marã'ĩrãra hipityã reta? Shara japovare rupii pota hipity reta hareka ha'ẽã haire jyroja retarã. Hãme rãnga vapihe reta “ita pyrỹmbyvapi'õ”.

1 Corintios 4:7

Mbavara niñono yngavare ĩãrẽ? Mbaivara Tũpa me'ẽãteri nde? Hai meẽ nderãra, marã'ĩrãra rirojarihe ndeii opa ripityva rãĩmi?

Galatas 2:16

Jaikuaa kavi rãnga koñeĩ Tũpa mbyhory Jesucristo jyrojaheare, hareka mba'ety ohojepe verã Moisés mbypara vekua japo'irã. Ore rãnga jyrojaha jyvehe Jesucristo, Tũpa mbyhorya verã jyrojahaherã. Shara mbaveãpo Tũpa mbyhory Moisés mbypara vekua japo'irã.

Galatas 3:22

Tẽvã Tũpa ĩñeepe heiva rãĩmi, opaiteva hai mbai porãmba pysyva, pota opaite jyrojahea Jesucristo hipity Tũpa ĩñee meẽ vekuarã.