11 Mba'ety kuaava, mba'ety hekava Tũpa.
Ĩme'ẽ henduva Mburuvisha vasurã vate araivi ouva ryheva kuãã mbaivara he'ise, ova timity oa vekua pehupi; haivi ou Aña, hekyshi timity pyape õre.
Ajemaĩ hei ijehe reta ĩñarãnduva, tẽvã ou mbai'ãĩteve kuaajy reta,
Mba'eveãma Tũpa pota kuashi retarã, Tũpa ma'ẽĩhe japo reta mbai porãmba pya mbijetahea japokashua.
Kyrãã rãngapo! Shara Mbyparahavape hei: “Añete mba'ety heko kaviva.
Opaiteva hai heja reta, pepenteĩ ikoshi kuareta mba'erãmbava”.
Hãma hete potavaĩ japo'ia, iko ñymbyvaishohe Tũpa; shara japoã Tũpa ryheva ñee mbyparahava, ajemaĩ potatẽã ẽãshu japo verã.
Ore mba'eã kuaaha jyve arykai, ñee henduhãã, kuahãã ikohavaipi, mbai porãmbape yrokueha'i hareka mbai potakuepe. Ikoha'i porãmbavape hareka ijeshatambavape, yryreshatãã reta hareka oreĩ opa jyhaihuhaveã.
Jaikuaa kavijy Tũpa Tay ouva hareka meẽ ñande mbaikuaa jaikuaa verã Tũpa añeteva hareka ñande ñañymypente hãndi verã Tay Jesucristo. Hoka'ẽ Tũpa añeteva hareka tykove opambava.
