Romano 2:4 - NandevaBiblia

⁴ Rĩmbijiche, opambava Tũpa ñymbai kavi, pyakavikue, hareka ñyhãrõkuaa, rikuamba rỹmondova hokava ñymbai kavikue katu ndyverujyva Tũpa kyty.

Romano 2:4 ပူးပေါင်းရင်းမြစ်များ

Romano 10:12

Shara jyvavyã Judiore hareka Griegore; shara penteĩ'ẽ Teja, hareka ha'ĩjy opavare Ija hareka hetavee hai meẽshu hai hẽnova retape.

Romano 11:22

Maĩhe, Tũpa pyakavi tẽvã katu poshy jyve. Pya poshy hãndi opaite oa vekuare hareka pyakavi nendie. Tẽvã rikoã hai potava rãĩmirã, nde ndijasyjahapo jyve.

Romano 11:33

Tũpa iko katukue ojaiã, ãrãndukue hareka mbaikuaakue Tũpaivi ouva. Mba'ety katu mbeu kavi verã hai potava hareka kuaa verã hai japova.

Romano 3:25

Tũpa meẽmba ñanyrẽndakuepe mano verã hareka kyrã mbai porãmbava hejahareishu verãre jyrojaheva huvy rupii hareka kyrã Tũpa heshaka hai hekokaviva, shara hai hãrõkuaa rupii jaheãmbahe aryka'e mbai porãmba japovare,

Romano 6:1

Mbaivara jaipojy? Mbai porãmba vekuaĩrapo jajapojai Tũpa hejavereii ñandyhevi verã?

Romano 6:15

Hãmera marããjy? Mbai porãmba vekuaĩrapo jajapojai ñaĩmeveama Moisés mbypara vekuaperã, Tũpa jyhaihukuepe ñaĩmeñaĩrãme? Mba'ety rãnga!

2 Corintios 8:2

Hasa'asytẽvare, vya reta; pavetetẽvare, haihumba ryheve meẽ reta kyrypoti, hetareva rãĩmi.

Efesios 1:18

Airurejy Tũpape pyndypyape sape verã, pikuaa kavi verã mbaivara ñyhãrõ kavi pynyrẽnohavape, haikavi hĩmbipeva hareka mbai hepyva pyrỹmondo jepeva Tũpa meẽshuva heko kyambare,

Efesios 1:7

Hai mbyhepy ñandyrehe ñanynohẽajy verã hareka hajareii ñandyhevi porãmba jajapo vekua, Tay huvy ĩñohẽva rupii, kyrã hai japo shara pyryraihukue opããshi hai.

Efesios 2:4

Tẽvã Tũpa pyryparekova hareka ñandyraihuva ryhevarã,

Efesios 2:7

Kova japo heshaka verã ara ou verãpe marãra hai ñandyraihu hareka ñandypareko Jesucristo rupii.

Efesios 3:16

airure Sherupe, tymeẽpe ña'ãpova mashyãva, tymeẽpe mbaikatu hareka pyndypyape pyrãtakue jy Espiritu rupii,

Efesios 3:8

She, shimishĩveva opaite heko kyamba retaivi, tẽvã Hai meẽshe, jyhaihukue rupii, ambeu verã Ñee kaviva haimbaa Judio retape hareka jahe mbai haikaviva Cristo ryheva,

Filipenses 4:19

Tũpa meẽpojype opava maĩnunga pee pikotẽveva, shara heta mbai ĩmere vate arape Cristo Jesús rupii.

Colosenses 1:27

Tũpa potai kuaakashu haimba Judiovare mbai ojaimbava hĩmbipeva tentare pevarã, hokava hai: Cristo ẽvã pynymbytepe, hãrã haiteiva pyharõpẽĩ pyreko verã tykove hĩmbipeva.

Colosenses 2:2

Hãrã aipota haire pyape ñymykyrẽy, penteapeĩ tõĩ reta jyhaihupe, heta hipity verã opaite mbai kavivare ouva mbaikuaakue rupii, kuaa verãre Tũpa ñemĩãpereva haire kuaambava, haiva Cristoteiva;

1 Timoteo 1:16

Tẽvã Tũpa shypareko, Jesucristo heshaka shyrehe verã tynonde ñyharõkuaa hareka shypory verã ma'ẽãhe verã rãĩmi opaite jyrojahe verãre pevarã, hipity verã jyve tykove opambava.

1 Timoteo 6:17

Ikokatuvare ko yvy'ĩãrẽ, ereshu reta avy tiroja'ijehe maĩrã jyrojahe mbai hetareare, shara haire opa verã ryheva. Tirojavehe Tũpa hykovevare, hai heta meẽ ñande maĩnungakuere javya verã.

1 Pedro 3:20

Haire ñee henduã reta aryka'e, Noé ikoteri'irã, Tũpa ñyhãrõkuaa ryhevepe hãrõtẽva, japohateri'ẽ varko vasurã. Koñeĩ 8 kuareta ohojepe yy rupii.

2 Pedro 1:11

Hãrã pe'ahapopekui õche vate arape'õ opambava Ñandeja ryheva hareka Jesucristo Ñanymondojepeva.

2 Pedro 3:15

Pynymanduahe, ñyhãrõkuaa Ñandeja ryheva ñandyraha ñymondojepeva kyty, jahaihuva ñandyryvy Pablo mbypara vekua rãĩmi, ãrãndu Tũpa meẽshuva rupii.

2 Pedro 3:3

Opava kovare ĩãrẽ pikuaa kavipo: Ara koñymaheape, jyverupo kuareta Tũpa ñymbyhory'iheare pota ikova rãĩmi ikova. Haire ñymbyhorypo pyndyrehekui.

2 Pedro 3:9

Ha'ẽã rãnga Ñandeja potai kỹỹ'ẽva japo verã hai hei vekua, ã'ãmore pya mbijetahea rãĩmi, koñeĩ pyny'ãrõpeveĩ'ẽ, shara hai potãã mbava manoshi, koñeĩ pota opaiteva oujy Tũpa kyty.

Apocalipsis 2:21

She ahãrõĩtẽshi oujy verã Tũpa kyty, tẽvã ñateỹ heja heko porãmba vekua.

Apocalipsis 3:20

She ãĩme nyrõchepe, hareka ãhẽno; shiñee rỹhendurã, rypeashe nyrõcherã aichepo nderope hareka rykarupo shendiekui.