Romano 2:17 - NandevaBiblia

¹⁷ Nde rĩmbyheeriva Judio, rirojahe Moisés mbypara vekua hareka nu Tũpa rehe rirojajy ndijehe.

Romano 2:17 ပူးပေါင်းရင်းမြစ်များ

Mateo 3:9

Avy pimoã Abraham ñymoshiaperã mba'ẽã jehupe, she hai pee Tũpa katu japoshi ko ita Abraham ra'yrã.

Lucas 10:28

Haipe Jesús heishu: Hekopekaviny rere. Kyrã japo hareka rikopo, ĩmeporyre tykove opambava.

Juan 5:39

Pee rãnga piñymbo'eka kavihe Tũpa ĩñee kuatiape'õ, shara pimoãtẽ pyheshapy tykove opambavarã, ajemaĩ Ñee mbyparahava ijetatẽ shyreheva,

Juan 5:45

Avy pimõã porãã aijeta pyndyrehekui Sheru hỹnonde. Porãmba ijeta pyndyrehe verã rãnga hai Moisés, pirojapihe vekua.

Juan 7:19

Me'ẽãrape Moisés ñee mbyparahava? Tẽvã mba'ety japova. Mbaiva rehera pota shukapi?

Juan 8:33

Haire hei: Ore rãnga hai Abraham tayre, mapeã mbava ipope yryre. Marã'ĩrãra rere ore irijoraha verã?

Juan 8:41

Tẽvã peru japova rãĩmikati pijapo jyve. Haire heishu Jesús: Ore ha'ẽã ĩmerãẽã tay, penteĩ rãnga'ẽ yreru, hai Tũpa.

Romano 2:23

Rirojahe ĩmeryre Moisés mbypara vekuarã, tẽvã rijapoã, kyrã remomba'ẽãshu Tũpa.

Romano 3:27

Tũpa hỹnonde, mba'etyjare maĩnunga jairoja jai ñandijehe verã, shany Tũpa heima ñande, shara jairojahe Jesucristo, hareka ha'ẽã jajapo Moisés mbypara vekuarã.

Romano 9:32

Marã'ĩrãra hipityã reta? Shara japovare rupii pota hipity reta hareka ha'ẽã haire jyroja retarã. Hãme rãnga vapihe reta “ita pyrỹmbyvapi'õ”.

2 Corintios 11:22

Hai retara hebreo? Ha'ĩ jyve she. Hairetara Israelvare? Ha'ĩ jyve she. Hairetara Abrahamvi ñymoñava? Ha'ĩ jyve she.

Galatas 2:15

Ñande rãnga hai Judiore jaarãvaĩ, ha'eã mbai porãmba japo'ia hareka haimba Judiore rãĩmi.

Efesios 2:11

Hãrã pynymanduahe ĩrũ arajyape teripeĩrã, haimba Judiore pyndyroope, pynyrẽnoha pire chĩchĩambaa mbyheava “pire chĩchĩava” japohava tyretere kuareta ipo rupii.

Apocalipsis 2:9

She aikuaa rijapo vekuare, ryhasa'asyvare hareka ndypavetekuepe, ndy espiritupe rikokatutẽva. Aikuaa marãra ijeta porãã ndyrehe Israelitare hei'i ijehevare tẽvã ha'ẽã, koñei Satanás ñymbatyse'õ retape hai.

Apocalipsis 3:1

Mbypara jyveshu Tũpa jokueva tũpao Sardispe'õ: Kyrã hei 7 Tũpa Espiritu ĩmerea hareka 7 jasytata: She aikuaa rijapo vekua hareka aikuaa jyve rỹmanorã ajemaĩ oparupi nymbe'uha rĩmeĩteririva.

Apocalipsis 3:9

Ryheshamapo ajapohe verã japurei'ia Satanás ñymbatyvape ryhevare. Hei ijehevare Judio, tẽvã añetẽĩte ha'ẽã. Amiñesukapo nynondekui, kuaa verã aryraihuva.