Romano 2:16 - NandevaBiblia

¹⁶ Opaitepo ikokui kova vãhẽma ara Tũpa mbivacheka verã Cristo Jesús rupii opaite kuaretare ñomire vekuarã, kova Ñee Kaviva ambeuva heiva rãĩmi.

Romano 2:16 ပူးပေါင်းရင်းမြစ်များ

Mateo 16:27

Shara kuareta Tay, oujypokui Tuu hĩmbipekue ryheve hareka jokuevare hãndi. Haipe Tũpa meẽposhu pepenteĩ japo vekuare jurureva rãĩmi.

Lucas 8:17

Kyrã jyve mba'ety mbai javai õ heshamba verã, mba'ety mbai ñemiape õ kuaamba verã, hareka õhẽmba verã kõĩvape.

Juan 12:48

Hãrã ĩme'ẽ shiñee mbijicheva hareka japombavarã, ĩmemare jahehe verã. Ñee she hai vekuapo jahehekui ara japyape vãhẽmarã.

Hechos 10:42

hareka hei ñande opa rupi ñambeu verã Tũpa ĩñee, hareka ñambeu verã Tũpa hesha verã mbai kavi hareka mbai porãmbava kuaretare japova, hykoveteri'iare hareka manovare.

Hechos 17:31

Tũpa ñono pente ara mbivacheka verã hekope kavi yvy jerekuepy'õ, pente kuimbai rupii hai pyhỹrõ vekua, hareka heshaka hai pyhỹrõva mbivacheka verã mũpuãjy manovare mbyteivi.

Romano 16:25

Japyraheshu Ñandeja, hareka katu mypyrãtava shi Ñee Kavi hareka Jesucristo mbe'uhava kuaahambava heshahakava rãĩmi arykai ñomihareva,

Romano 2:5

Tẽvã ndypya tantaivi rĩmbeujyvyãhe porãmba vekuarã, rỹmbatypo ryraha ñunupa ndeii pevarã ara poshy pevarã, Tũpa heshakapokui ñimbivache hekope kaviva.

Romano 3:6

Kyrãã rãngapo! Tũpa hekope kavimba'iarã, marãrapo mbivacheka kuaretare?

1 Corintios 15:1

Ã'ẽ shyryvyre, aipota apyrỹmymandu'aka Ñee kaviva ambeupe vekua, hai pymyvãhẽ vekua hareka tãntapeĩheva.

1 Corintios 4:5

Hãrã avy pymaĩhe papisha Ñandeja ndeiteri oujyrã. Hai oujymarã haipo opa pyrỹmbykuaaka ñemiãpe'õre hareka mbaivara ñandypya ñambijeta jaihe. Hãma Tũpa meẽposhu pepenteĩ, japova hepykue.

2 Corintios 5:10

Shara opaitevapo ñaĩ Cristo hỹnonde, ñanimbivache verã, pepenteĩpo me'ẽãshukui hepykue ikoteri ko heteperã japo vekua, jaishu haikaviva maĩrã porãmbava.

Galatas 1:11

Aipota pikuaa shyryvyre: Ko Ñee kavi ambeupeva, ha'ẽã kuimbai japova.

1 Timoteo 1:11

Pyrỹmboiva rãĩmi Ñee kavi mbaikatuva Tũpa ña'ãpova, me'ẽhããshe vekua ambeu verã.

2 Timoteo 2:8

Nymanduahe Jesucristo, manovare paũvi puãjy vekua hareka David ñymoña hãndi vekua, kyrã rãnga hei ñee kavi ambeu aiva,

2 Timoteo 4:1

She aheja nde Tũpa hareka Cristo Jesús hỹnonde, oujy verã mburuvisha vasu rãĩmi jahehe verã hykoveteri'iare hareka manoma vekuare,

2 Timoteo 4:8

Ã'ẽ shy'ãrõma'ẽ korona ñee ahenduiterã meẽshe verã hokava arape Ñandeja, Huvisha heko kaviva. Hareka ha'eã sheĩĩ meẽshe verã, opaite jyhaihu ryheve oujy verãpe hãrõ'õ reta jyve.

Hebreos 9:27

Ñonoãshu penteĩ mano verã kuaretare, hareka haivipo ou ñimbivache verãpe.

1 Pedro 4:5

Tẽvã haire ñymbeupo Tũpape, ñymyhẽvã'õ mbivache verã ĩmeĩteri'iare hareka mano vekua retape.

2 Pedro 2:9

Ñandeja rãnga katu hejareishu ĩñee japoshuare pya hã'ãhã'ẽrã hareka natu heko porãmbare jyvareahe verãre pirĩmbivachehava arape.