Romano 2:12 - NandevaBiblia

¹² Opaiteva porãmba japo'iare kuambava Moisés mbypara vekua japoha verã, jyvarehapohekui mbyparahava japoa verãmbape; hãrã opaite mbai porãmba japova Moisés mbypara vekua kuaatẽvã, mbyparahava japoa verãpypo mbivachehaka.

Romano 2:12 ပူးပေါင်းရင်းမြစ်များ

Mateo 11:22

Hãrã hai pee, ñimbivache arape, punũpahã pohyvepokui tenta Tiro, hareka Sidonpe vekuaivi.

Mateo 11:24

Hãrã hai pee, ara ñimbivache vãhẽmarã, pee punũpahã pohyvepokui tenta Sodomape vekuaivi.

Juan 19:11

Jesús heishu: Mbaimbatẽ rijapo shyrehe verãra Tũpa ñonoã nderã; hãme rãnga shiñono vekua ndepope tivishaiteve ĩmere hai ijehe mbai porãmba.

Hechos 2:23

Ko Jesús rãnga Tũpa ñono hashatãmbareare ipope, Tũpa rekova rãĩmi ñakape hareka hai potava rãĩmi iko, tẽvã pee pijuka pymbysavava kurusure kuimbaire ñañarõvare rupii,

Romano 1:32

Ajemaĩ kuamateãre Tũpa heko jyvachekue mbeumateã, opaite kova japo'iare manoñoĩ potarã, ha'ẽã japopeveĩjyrea mbyhaikavi jyvyĩ reta kyrã japo hãndiare.

Romano 4:15

Shara Moisés mbypara vekua veru jahe pyryreheva japomba; tẽvã Moisés mbypara vekua mba'etyrã mba'etymbapo porãmba'õ.

Romano 8:3

Shara Tũpa japo, Moisés mbypara vekua katumba japova, shara kuaretare hete potavape katuã ĩñeerendu, Tũpa mboumba Tay pente tyretepe kuaretare mbai porãmba japo'ia hete rãĩmi, hareka mbai porãmba rehe jukaha verã, kyrã jahehe verã mbai porãmba tyrete potava ryheva.

1 Corintios 9:21

Moisés mbypara vekua mba'etyreare, ãĩme'ãĩ hãndi retarã, haire ikova rãĩmi aiko jyve, ambory verã reta jyve jyrojahe verã Cristo. Kova he'iseã ajapombava Tũpa heiva. Mba'ety, ajapoñoĩ rãnga, shara ajapo Cristo heiva.

Galatas 3:10

Opaite jyrojaheva Moisés mbypara vekuare, jaheapohekui. Shara Tũpa ĩñeepe hei: “Jaheapohe japombava hekope kavi opaite ẽvã Moisés mbypara vekuapy”.

Galatas 3:22

Tẽvã Tũpa ĩñeepe heiva rãĩmi, opaiteva hai mbai porãmba pysyva, pota opaite jyrojahea Jesucristo hipity Tũpa ĩñee meẽ vekuarã.

Santiago 2:10

Shara Moisés mbypara vekua ajemaĩpo pente jajapoã, japytama jajapombava rãĩmi.