Romano 16:26 - NandevaBiblia

²⁶ Tẽvã ã'ẽ ñanymbykuaaka hokava japoa verã Tũpa ĩñeẽ mbeu'iare mbyparava rupii. Tũpa opa ara ikova ñono tenta vasure kuaa verã japoa verã roja verãre hareka ñeẽ hendushu verãre Tũpa.

Romano 16:26 ပူးပေါင်းရင်းမြစ်များ

Marcos 16:15

Haivi heishu reta: Pekua oparupi yvy jerekue, hareka pymbeu Ñee kaviva opava retape.

Hechos 10:43

Opaite Tũpa ĩñee mbeu'iare ijetahe Jesús hareka hei reta jyrojaheva hai heepe mbai porãmba japo vekua hejareiiposhi reta.

Hechos 6:7

Tũpa ĩñee mbe'uha jyvyĩ rahaha hareka ñymbyhetave Jerusalenpe Ñandeja Jesús mboireare, hareka heta paire jyrojaheva jyve.

Romano 1:2

Hai ĩñee meẽmaĩmba hokava Ñee Kaviva Tũpa ĩñee mbeu'iare rupii Mbyparahavare kyambavapy.

Romano 1:20

Tũpa opava japovare rupii heshaka katumba heshahaheva, ñymbaikatukue opamba ryheva hareka haiteiva hai Tũpa. Hãme rãnga mba'etyma hei verãre.

Romano 1:5

Jesucristo rupii, Tũpa shiñono Apostolrã hareka kova hai mbai vasu she pevarã, hai heepe ambeu verã opaĩ tenta vasu retaipi roja verãre hareka Tũpa heiva japo verãre.

Romano 15:18

Shara she ha'ẽã mbaimba vekua aijetahepe verã, koñeĩ mbai Cristo japo vekua retaĩ she rupii, Judiombare ñee hendushu verãre ñeepe hareka japova rupii,

Romano 15:4

Shara opaite Mbyparahava hai ñanymboi kavi verã, ñyhãrõkuaa rupii hareka pya kavi meẽ ñandeva Mbyparahava, ĩmejare verã ñahãrõñaĩva.

Romano 3:21

Tẽvã ã'ẽ, arykai ñee me'ẽã vekua rãĩmi ñee mbyparahava japoa verã hareka Tũpa ĩñee mbeu'iare jy'arape, ã'ẽ Tũpa ñanymbyheko kavi tekotẽvemba jajapova ñee mbyparahava japoa verã.

Galatas 3:8

Kuatia mbyparaha vekuapy hei, haimba Judiore mbytepe'ẽpo jyve heko kaviva jyrojakue rupii. Hãma Tũpa, arykai, myvãhẽshu ko Ñee kavi Abrahampe: Opaite tenta vasure nde rupiipo mbai haikaviva hipitykui.

Efesios 1:9

hareka kuaaka ñande mbai Hai potava kuaretare ñomiãreshia Cristo rupii, shara kyrã Hai pota.

Efesios 2:20

Pee rãnga hai oo mupũ'ãhava oo jypy apostol hareka Tũpa ĩñee mbeu'iare ñono vekua, hãrã Jesucristo teiva hai ita oo jypy pyrãtaveva.

Colosenses 1:26

he'iseva, mbai ñemiape'õ heta ara hareka aryka'eitevaĩ Tũpa ñomirea, tẽvã ã'ẽ kuaakashu henta ĩrũ ryheva kyamba.

1 Timoteo 1:17

Hãrã ñamombaivasu hareka ñambitivishañoĩpo Mburuvisha vasu opambava, manombava, katumba heshahava, hareka Tũpa koñeĩ'õ ikova opa ara! Amén.

1 Timoteo 3:16

Mbe'uha kova añeteva heshahaka ñandeva ko tykove mbijicheavaivi Tũpa pevarã, hai pente mbai ojaimbava: Jesucristo ijeshaka kuareta rãĩmi. Espiritu rupii kuaahava. Tũpa jokuevare hesha hareka mbe'uha opaite tenta retaipi. Opaite yvy jerekueipi'õre roja reta hareka hupihajymba vate ara hĩmbipeape.

2 Timoteo 1:10

hareka ã'ẽ ijeshaka Jesucristo Ñanymondojepeva ourã rupii, mby'opa ñymano hareka nohẽ hĩmbipevape tykove opambava Ñee Kavi rupii.

Hebreos 13:8

Jesucristo rãnga hai ka'ãmeva, ã'ẽva hareka opa ara pevarã.

Hebreos 9:14

mbovykuerapore mbaikatukue Cristo huvykue! Hai, Espiritu opamba rupii, ñymeẽ kyamba ryheve Tũpape, johe verã ñandypyape opaite mbai japoarã manõa ryhevaivi, jaijokuekashu verã Tũpa hykove'ia.

1 Juan 5:20

Jaikuaa kavijy Tũpa Tay ouva hareka meẽ ñande mbaikuaa jaikuaa verã Tũpa añeteva hareka ñande ñañymypente hãndi verã Tay Jesucristo. Hoka'ẽ Tũpa añeteva hareka tykove opambava.

Apocalipsis 1:17

Hãrã aheshamarã, a'a yvype ipy hỹnonde manova rãĩmi. Tẽvã hai ipo jakata ñono sheãrẽ, heishe: Avy kyje, she hai õñepyrõhea hareka japyhea.

Apocalipsis 19:10

Haivi ãĩñesu hỹnonde ãmombaishu verã, tẽvã hai heishe: “Avy hoka japo! Emombai Tũpa, shara she ha'ẽĩ jyve hai jokuerea, nde rãĩmiva hareka opaite ñandyryvyre Jesús ĩñee jyrojateriheare”. Shara ñee Jesús pyrỹmboihea hai mykyrẽyva kuaretare mbeu verã ñee iko verã.