Romano 16:21 - NandevaBiblia

²¹ Pymyvãhẽ jyve Timoteo ñymarãndu, shymba'apo ĩrũ hareka jyve Lucio, Jasón hareka Sosípatro, shyrẽtarãre.

Romano 16:21 ပူးပေါင်းရင်းမြစ်များ

Hechos 13:1

Tũpao Antioquiape'õ ĩme'ẽ Tũpa ĩñee mbeu'ia hareka pyrỹmboi'iare. Haire hai Bernabé, Simón, mbyheeava jyve “Hũva” Lucio Sireneva, Manaen mburuvisha Herodes mbykuakuaheva hareka Saulo,

Hechos 17:14

Hãrã Jesús jyrojaheare ỹrẽ'ãĩte mondo reta Pablo yyvasu hymbey kyty, tẽvã Silas hareka Timoteo pyta reta Bereape.

Hechos 17:5

Tẽvã kova Judiore jyrojambavare heshatãã reta, hãrã õñepyrõ mbaty reta kuimbaire haipi pehupi ikoreii'iare, opa momõhe verã hoka tentape'ẽvã. Hãrã vãhẽ jyraha Jason hentape heka jyre Pablo hareka Silas, nohẽrã meẽshu verã kuaretare.

Hechos 18:5

Silas hareka Timoteo vãhẽ jyveru Macedoniaivirã, Pablo ñimiñeeretei'i hareka heishu Judiore Jesús haiva Mesia.

Hechos 19:22

Hãrã mondo mokue mborysereare Macedoniape, Timoteo hareka Erasto, hai pytave teri ẽẽ Asiaperã.

Hechos 20:4

Mi'ĩrũshu reta Sopater, Pirro tay Bereape'õ, Aristarco hareka Segundo hai Tesalonicavare, Gayo Derbespe'õ, Timoteo, Tikico hareka Trofimo, hairetamba tenta Asiape'õvare.

Romano 16:11

Pymarãndushu sherẽntarã Herodión hareka opaite Narciso ñymoña hãndiare Ñandejare jyrojavare.

Romano 16:7

Pymarãndu Andrónico hareka Junías, sherẽntarãre hareka shi'ĩrũ shymbyperesoa hãndi vekua, hai reta haihuhava Apostolre hareka haire tynondeve jyroja shyhevi Cristore.

Romano 9:3

Shara shetei aipota jahea shyrehe, Cristo asyryshiape, shyryvyre ahaihurã hareka sheii shyrẽnta ĩrũre.

2 Corintios 1:1

She, Pablo Jesucristo jy apostol, Tũpa kyrã potarã, hareka ñandyryvy Timoteo hãndi marãnduha, tũpao ẽvã tenta Corintope hareka opaite jyrojavare ẽvã Acayape.

2 Corintios 1:19

Shara Jesucristo Tũpa Tay, hai Silvano, Timoteo hareka she, ñimiñe'ẽha pymbyteipi, ha'ẽã rãngakueipi “ẽẽ” hareka “mba'ety”, koñeĩ, Cristo rãnga hai “ẽẽ” Tũpaivi.

Filipenses 1:1

Pablo hareka Timoteo Jesucristo jokuevare, opaiteva Cristo Jesús ryhevare kyambava Filipope'õre, Tũpa hoope miñaka'õre hareka tũpaope mba'apova.

Colosenses 1:1

She Pablo, Jesucristo Apostol, Tũpa potava rupii ñandyryvy Timoteo hãndi,

1 Tesalonicenses 1:1

Ore, Pablo, Silvano hareka Timoteo, mbyparaha ko kuatia ñandyryvyre tũpao tenta Tesalonicape'õre penteapeĩ ñynoĩheva Tũpa Teru hareka Ñandeja Jesucristo. Tũpa tymeẽpe pyavapy hareka mbai kavikue.

1 Tesalonicenses 3:2

hãrã mondoha pẽĩvape ñandyryvy Timoteo, hai rãnga jyve Tũpa jokueva hareka ỹrymbory'ia Ñee kaviva Cristo ryheva mbe'ua verã. Mondohape pynymykyrẽỹ verã hareka pynymbory verã tãntapeĩ verã jyrojakuepe,

1 Tesalonicenses 3:6

Hãma ã'ẽ Timoteo oujyma Tesalonicaivi hareka mbeu'ore pee pijaihurã hareka poiã pirojarã. Hãma heijy ore jyhaihukue ryheve pynymandua yryreheva hareka pipota yryreshava, ore pota pyndyreshahava rãĩmi.

2 Tesalonicenses 1:1

Ore Pablo, Silvano hareka Timoteo mondohakape marãndu tũpao Tesalonicape'õre, ñymypenteheva Tũpa hareka Ñandeja Jesucristo.

1 Timoteo 1:2

ambypara ko kuatia Timoteope, ãñeteĩte shyra'yrã 'area jyrojakuepe. Airureshu Tũpa hareka Ñandeja Jesucristo tiñono ndyrehe mbai kavikue, jyparekokue, hareka pya vapy.

1 Timoteo 6:11

Tẽvã nde, Timoteo kuimbai Tũpa ryheva, syryshinde opaite kova mbaire. Tykove haikavivape iko, tykove mbijicheava Tũpa pevarã, jyrojakuepe, jyhaihupe, ñyhãrõkuaa hareka jyrojamba ijehevape.

1 Timoteo 6:20

Hãrã nde Timoteo, ñyngareko kavihe mbai hejahandeva. Avy hendu ñe'ẽkuereii haimba Tũpaivi ouva hareka mbaikuaakue añeteva rãĩmitẽ vekua, ijeta porãmbahea ñanymbo'eahevare hareka heivare ĩmereva añeteva,

2 Timoteo 1:2

Marãndushu Timoteo shyray ahaihuva. Tũpa hareka Ñandeja Jesucristo tiñohẽ ndyrehe ñymbai kavikue, jyparekokue hareka tymeẽ nde pyavapy.

Hebreos 13:23

Aipota pikuaa ñandyryvy Timoteo poihamashiva. Narẽãmi vãhẽ ourã, ahapo hãndikui apyryresha verã.