Romano 16:2 - NandevaBiblia

² Airurepe Ñandeja heepe pymyvãhẽ kavishu verã, tyryvy heko kyambare jajapose hãndia rãĩmi jyrojakuepe; hareka pymboryhe maĩnunga mba'etyreva ikotẽvehea, shara hai hetavape mbory hareka she shymbory jyve.

Romano 16:2 ပူးပေါင်းရင်းမြစ်များ

Mateo 25:40

Hãma mburuvishavasu heiposhu reta: “Añetevape haipee, hokava pijapo vekua pente kova shyryvyre mishiveva rehe, Shyrehe opa pijapo jyve”.

Hechos 9:13

Hãrã Ananías hei: Karai, heta mbai ahenduhe kova kuimbai, hareka heta mbai porãmbava japo'iheva heko kyamba Jerusalenpe.

Hechos 9:15

Tẽvã Ñandeja hei: Ekua, shara apyhỹrõma hokava kuimbai ijeta shyrehe verã opaite yngava tenta retaipi'õ, huvisha vasure hareka jyve israelitare.

Hechos 9:36

Hãrã ĩmemba'ẽ Jopepe pente mbo'eharea Tabita he'iashua, he'iseva griego ĩñeepe Dorcas. Kova taupe hykovepe heta mbai haikaviva japo hareka mbaimba ĩmereva mboryva.

Hechos 9:39

Hãma Pedro pũãrã, oho hãndi reta. Haipe vãhẽmarã, raha reta Tabita hetekue ẽvãpe hareka opaite ĩme manoshiare haipe ẽẽjyve, jaheo ñynoĩ hareka mbyheshaka mondeava hareka jaso'iavare Dorcas imeteri'irã japo vekua.

Hechos 9:41

Pedro mbyhasashu ipo mũpũã verã, haivi hẽno heko kyambare hareka ĩme manoshiare, hãrã heshaka Tabita kuerajymava.

Romano 15:7

Hãrã, pepenteĩ piñymyvãhẽ kavi, Cristo ñanymyvãhẽva rãĩmi, Tũpa hĩmbipeva pevarã.

Romano 16:15

Pymarãndu jyve Filólogo hareka Julia, Nereo hareka hiindy, Olimpas hareka tyryvy heko kyambare õĩ hãndiare.

Romano 16:23

Pynymarãndu Gayo, shymyhendava hareka opaite tũpaore. Erasto mymarãndu, hokava tentape kyrypoti ñyngareko'ihea hareka ñadyryvy Cuarto.

Romano 16:6

Pymarãndushu María, heta mba'apova jyve pynymbytepe.

Romano 16:9

Pymarãndushu Urbano, ĩrĩ'ĩrũ Cristo ryheva hareka ahaihuva Estaquis.

Efesios 5:3

Pee rãnga hai tenta kyamba Tũpa ryheva, hãme rãnga avypo pijetahe kyrãrãĩ'ia ryheva, mbai kyavaremba, maĩrã maĩnungare heta ĩmepyre verã, shara kova ha'ẽã hai Tũpa ryheva kyambarepeva.

Filipenses 1:27

Koñeĩ airurepe pikokavi verã Ñee kavi Cristo ryheva pyrỹmboiva rãĩmi. Shara aha apyryresharã maĩrã ãĩmbate haipeva, koñeĩ tahendu pyndyhevi piko kavi ijupiiva hareka piñyhãã pente pyapeĩ Ñee kaviva pirojaheva rupii.

Filipenses 2:29

Pymyvãhẽshu Ñandeja heepe vy'akue ryheve, hareka hai rãĩmiva pyndyroryñoĩpo hãndi.

Colosenses 4:10

Aristarco, shymbyperesoa hãndiva, pynymymarãndu; Marcos hai Bernabé tyvy. Ãmbeumape marãrapopyre Marcos, hãme rãnga oho pẽĩvaperã pymyvãhẽ kavishukui.

1 Timoteo 2:10

Tijeva jyve mbai kavi japovapy, hãrõashiva rãĩmi kuei taupere Tũpa jokuerevare.

2 Timoteo 1:18

Ñandeja jyparekokue tõĩ hãndikui hokava arape. Nde rikuakavi marãra heta ñanymbory Éfesope.

Tito 2:3

Kyrãmi jyve taupe kuakuavare, ikopo jyve kuareta Tũpa haihuvare rãĩmi, avypo ñee ryheva reta, avy tyka'u, haikavivaĩpo pyrỹmboihe.

Filemon 1:12

Hãme rãnga ã'ẽ hykuaĩ amondojy nde, hareka airure nde rỹmyvãhe kavishu verã she shymyvãhẽva rãĩmi.

Filemon 1:17

Ãñeteĩte rĩmoña hãndia rãĩmi shyre rirojakueperã, airure nde rỹmyvãhẽ verã shymyvãhẽva rãĩmi.

2 Juan 1:10

Ĩme'ẽ oho pohypeva kyrãva pyrỹmboimbahearã, avy pymyvãhẽ pynyrẽntape hareka avypo pymarãndushu.