Romano 16:18 - NandevaBiblia

¹⁸ shara jyrojãhe Ñandeja Jesucristo, koñeĩ ha'eire hete potavape ijokueka'iare hareka ñee mbevepeĩ hareka añeteva nungape mbytavyshu pya poshymbape.

Romano 16:18 ပူးပေါင်းရင်းမြစ်များ

Mateo 24:11

Hetapo'ẽ Tũpa ĩñee mbeu'iare japuva, hareka hetavapepo mbytavy.

Mateo 24:24

Shara hetapo Cristo rãĩmi ñymyhã'ãnga ouva, hareka Tũpa ĩñee mbeu'ia japuva. Hetapo mbaikavi heshahava japokui, mbytavy verã Tũpare jyroja retaivive, katurã.

Mateo 6:24

Mbavẽãpo ijokuekashu mõkue ija pyrokue'ia. Mỹmorããpo penteva, tẽvã ĩrũpo haihuve; maĩrã japoveposhu penteva heishuva, tẽvã ĩrũpo mymorãã. Hãrã katuããpo Tũpa jairojatẽheva, jahaihujy kyrypoti.

Mateo 7:15

Pingareko pindijeheshi Tũpa ĩñee mbeu rã'ãnga'iare. Avisha rãĩmi jyverupe peĩvape, tẽvã pyape avaravasu ñarõ vekua rãĩmi.

Juan 12:26

Hãrã ĩme'ẽ pota japosheva haivarã, tou shaykue. Mãĩpi she ãĩvãpe, haipepo ĩme'ẽjyvekui japosheva aipotava, hareka Sheru õmombaivasuposhukui.

Romano 14:18

Kyrã japova Cristo pevarã hai, pya ohohe Tũpa hareka kuaretare mymorãshu.

Romano 16:19

Oparupi mbe'uha piniñeẽ rẽndurã, hokava shymbyvy'a. Aipota pyny'arãndu haikaviva pijapo verã, hareka pikuaãpopi porãmba pevarã,

2 Corintios 11:3

Tẽvã akyje Eva ikoheva rãĩmi iko pyndyrehe verã, ãña mbytavyva rãĩmi, kyrãpo jyve pynymbytavyharã hareka syrypo pypyaivi jyhaihukue kyamba Cristo rehe piñanduva.

2 Corintios 2:17

Ore ikohãã okoraha'i ĩãrẽ Tũpa ĩñee, yngavare japosea rãĩmi. Kyrãtẽ verã, añetevaĩ mbe'uha Tũpa jokuereare rãĩmi, hareka Tũpa hỹnonde ijetahahe Cristo.

2 Corintios 4:2

shara opa mbijicheha ñemiãpẽ'õre hareka pyrỹmymarãkava, ikohã pyrỹmbytavyhavape, hareka Tũpa ĩñee opavãã mbihi'aha. Kyrãtẽ verã añetevaĩ mbe'uha, kyrãrã kuaa mondo verãre ore haiva añeteva Tũpa hỹnonde.

Galatas 1:10

Kyrã hairã: Ahekara kuaretare jururesheva maĩrã Tũpaivira? Ahekara aĩkavi hãndi verã kuaretare? Hãma potaĩ ãĩkavi hãndi kuareta retarã haiveãmaposhekui Jesucristo jokueva.

Filipenses 2:21

shara opaiteva yngavare heka haire pevarãĩ haikavishuva, ha'ẽã Jesucristo ryheva.

Filipenses 3:19

Hokavare japyapepo jyvareahe retakui. Ñu tũpa ha'ĩĩ potaveshi reta, hareka japuhe reta notitẽ verãre. Yvy'ĩãrẽ õvaĩ pya mbijetahe reta.

Colosenses 2:4

Kova hai pee potãã mbava pynymbytavypy ñee mashyã'ovarã, tẽvã mba'ety vekua.

Colosenses 3:24

Pikuaama rãnga hekovia Tũpa meẽpope, hokava hai maĩnunga haikaviva meẽshu verã hai ryhevare. Pikuaapo pee pymba'apova Cristo pevarã, hai ãñeteĩte teja.

2 Tesalonicenses 2:10

hareka heta porãmba vekua rupiipo pyrỹmbytavy jaheahe verãpe shara ñateỹ myvãhẽ reta jyhaihu añeteva hareka kyrã ohojepe verãre.

1 Timoteo 6:5

hareka ñyrãrõ opambava, katuã pya mbijeta kavi hareka kuãã mbai añeteva, haire moã tykove mbijicheava Tũpa pevarãpe heta kyrypoti mbatyrã.

Santiago 1:1

She Santiago Tũpa hareka Ñandeja Jesucristo jokuereva, amarãndu 12 Israel ñymoñashiare opa mamaipi ohova yvy jerekue.

2 Pedro 2:3

Kyrypoti potakueivipo, haire pynymbytavy pyta verãre opaite pyndykyrypoti ryheve. Arykaivãimba ñonoha haire jahehahe verãre, hãrã hokavaivi ohojepeãposhi reta.

Judas 1:1

Judas, Jesucristo jokuerea Santiago tyvy, ambyparashu opaite Tũpa Teru haihuvare hareka hẽnova, Jesucristo ñyngareko jyvehe reta.

Judas 1:12

Kova hai ñanymymarãva karuvasu pijapova piroja handivare, ñymbyu hareka karu reta mbaimba kuaaseva. Ha'eire ñyngareko ijehe. Ova ãvãpyntu jy'yymbava, yvytu kokoty rahava; ova yvyra jy'arapemba'iava, hapo ryheve nohẽãrã opa jipi.

Judas 1:16

Kova kuaretare opava mbyposhyka hareka ijetareii, koñeĩ haire potavaĩ pota japoashu, myporãjyvyĩ ijeta reta pota maĩnunga me'ẽãshu retarã.

Apocalipsis 1:1

Kova hai Tũpa heshaka vekua Jesucristo rupii, mbykuaaka verã opaite jokueva retape; kova mbai areã iko verã. Jesucristo Tũpa jokuevape mboushu mbyheshaka verã jokueava Juan,