Romano 15:7 - NandevaBiblia

⁷ Hãrã, pepenteĩ piñymyvãhẽ kavi, Cristo ñanymyvãhẽva rãĩmi, Tũpa hĩmbipeva pevarã.

Romano 15:7 ပူးပေါင်းရင်းမြစ်များ

Mateo 10:40

Ĩme'ẽ pynymyvãhẽva, she shymyvãhẽ jyve; hãrã shymyvãhẽva, myvãhẽ jyveshu shymbouva.

Marcos 9:37

Ĩme'ẽ myvãhẽva shyreepe kova sanjay rãĩmivarã, she shymyvãhẽ. Shymyvãhẽva ha'ẽã shẽĩ shymyvãhẽva, shymbouvape rãnga myvãhẽ jyve.

Lucas 15:2

Hãrã fariseo hareka Moisés mbypara vekua pyrỹmboi'iheare õñepyrõ ijeta porãã jyrehe hãrã hei reta: Ko kuimbai myvãhẽ heko porãmba'iare hareka karu hãndi.

Lucas 9:48

Jesús heishu reta: “Shyreepe myvãhẽva ko sanjaymi, she shymyvãhẽ. Hãrã she shymyvãhẽva, myvãhẽ jyve Sheru shymbou vekua. Hãma kuareta sanjaymi rãĩmi'ia pynymbytepe, hokava hai mbai vasuveva”.

Juan 13:34

Ahejape kova ñeẽ japoha verã py'ahuva: Pijyhaihupo. She apyryhaihuva rãĩmi, hãrã kyrãmipo pyhaihu jyve pepenteĩ yngavare.

Juan 6:37

Opaite Sheru pyhỹrõ vekuare, oupokui she ãĩvape; hãrã ãĩvape ouva, ãmohẽãposhu reta.

Romano 15:9

Hareka haimbava Judiore jypareko rupii pyraheshu verã Tũpa, kuatia heiva rãĩmi: “Hãme rãnga ãrẽmombaipo tentare mbyteipi hareka apyrahepokui mbyrahere ndyreepe”.

Romano 5:2

Hai jairojaherã, ã'ẽ katuma jaiko Tũpa jyhaihupy, tanta ñaĩhe hareka vy'ape ñahãrõkuaa ñaĩmeñaĩ verã jyve Tũpa hĩmbipekuepy.

Efesios 1:12

Kyrã japo shara pota ñande Judiore tynonde jairojahe Cristo, jaiko ñamombai vasu verã ñymbaikatukue.

Efesios 1:18

Airurejy Tũpape pyndypyape sape verã, pikuaa kavi verã mbaivara ñyhãrõ kavi pynyrẽnohavape, haikavi hĩmbipeva hareka mbai hepyva pyrỹmondo jepeva Tũpa meẽshuva heko kyambare,

Colosenses 3:13

Pyma'ẽĩ pijehe, pyhejareii ijuhuvi ĩme'ẽ yngava hapishare poshyshuarã. Kyrã Tũpa hejareii pyheviva rãĩmi pyhejareii ijuhuvi.