Romano 15:6 - NandevaBiblia

⁶ opaiteva, pente ñeepeĩ pemombai verã Tũpa hareka Ñandeja Jesucristo Tuu.

Romano 15:6 ပူးပေါင်းရင်းမြစ်များ

Juan 20:17

Jesús heishu: Avy poko shyrehe, shara nde'iave ajupijy Sheru ẽvãpe. Tẽvã ekua mbeushu shyryvyre, ajupijy verã Sheru ẽvãpe, hai jyve Peru. Hokava hai shu Tũpa hareka jyve punu Tũpa.

Hechos 4:24

Haire opama hendurã opaĩ hỹnatu jurure reta Tũpape hãrã hei reta: Sheja, nde rijapo vekua yvy hareka ara vate'õ, yy vasu hareka opa mbai ẽẽpyare,

Hechos 4:32

Opaite jyrojavare pente pyapeĩjyre hareka pente ñeepeĩ ñynoĩ; hareka mba'ety heiva ha'ei ña'ãpova mbai ĩmereva, opava ña'ãpovare haire ña'ãpova jyve.

2 Corintios 1:3

Tomomba'ea vasu Tũpa, Ñandeja Jesucristo Tuu, meẽva jyparekokue hareka ñanymbyvyava.

2 Corintios 11:31

Tũpa Ñandeja Jesucristo Tuu, tomomba'ea vasu opa ara, hai kuaa shapuãrã.

Efesios 1:17

Airureshu Tũpa Ñandeja Jesucristo, jaishu Tũpa hĩmbipeva, tymeẽpe mbai pikuaa verã Espiritupy hareka pikuaa kavi verã, heshakape verã hai ñymbai kuaakuepy.

Efesios 1:3

Toñemombai vasu Tũpa, Ñandeja Jesucristo Tuu, shara hai ñono ñandypyape mbai haikaviva vate araivi ouva Cristo rupii.

Colosenses 1:3

Jururehañoĩ'i pyndyrehe Tũpape, me'ẽhã yry'ajetekue Ñandeja Jesucristo Tuupe.

1 Pedro 1:3

Japyraheshu Tũpa Ñandeja Jesucristo Tuu, ñyhãrõ mishĩmbava rupii ñanymby'oa py'ahujy pente ñyhãro opamba verãpe Jesucristo kuerajyva rupii.

Apocalipsis 1:6

hai japo ñandyhevi mburuvisha vasu hareka paire, ñamba'apo verã Tũpa pevarã, haiva Jesucristo Tuu. Hĩmbipekue hareka mbaikatu ña'ãporãpo opa ara!