Romano 15:18 - NandevaBiblia

¹⁸ Shara she ha'ẽã mbaimba vekua aijetahepe verã, koñeĩ mbai Cristo japo vekua retaĩ she rupii, Judiombare ñee hendushu verãre ñeepe hareka japova rupii,

Romano 15:18 ပူးပေါင်းရင်းမြစ်များ

Mateo 25:16

Ko jokueharea 5 mil nikere ĩmere vekua, mymba'apoka hareka 50 mil kyrypoti hipityjyshu.

Marcos 16:20

Hãrã haire oho mbeu Ñee kaviva oparupi, Ñandeja Jesús mboryshu reta, hareka my'ãñete ĩñee mbaikavi heshaha verã mĩ'ĩrũvare rupii. Amén.

Hechos 14:27

Vãhẽ reta Antioquiaperã mbatyshu tũpaope'õ reta hãrã mbeushu reta opa mbai Ñanderu Tũpa japo vekua haire ipo rupii hareka marãra mbory iche verã ynga tenta haimba Judiore retaipi haire jyroja verã jyve.

Hechos 15:12

Hãrã opaite ñymbaty õre opa chirĩrĩ reta, jasakahe reta Bernabé hareka Pablo ĩñee, mbeu ñynõĩshu mbaikavi hesha verã Ñanderu Tũpa japo vekua hai reta rupii haimba Judiovare mbyteipi.

Hechos 15:4

Vãhẽmã jyraha Jerusalenperã, Apostolre hãrã kuakuava tũpaope'õre hareka Tũpa hope ñymboivare myvãhẽ kavi reta. Haipe Pablo hareka Bernabé mbeu kavishu reta opaite Tũpa japova haire rupii.

Hechos 21:19

Pablo marãndushu reta, haivi pepenteĩ mbeushu hai rupii Tũpa japova haimba Judiovare mbytepe.

Hechos 26:20

Hãme rãnga ambeu ko ñee tynonde Damascope'iare, haivi Jerusalenpe'iare hareka opaitea Judeaipi. Ambeu jyve haimba Judiova retape oujy verã Tũpa jykoty hareka haire japo vekua rupii tyheshaka mbai porãmba hejamava.

Romano 1:5

Jesucristo rupii, Tũpa shiñono Apostolrã hareka kova hai mbai vasu she pevarã, hai heepe ambeu verã opaĩ tenta vasu retaipi roja verãre hareka Tũpa heiva japo verãre.

Romano 16:26

Tẽvã ã'ẽ ñanymbykuaaka hokava japoa verã Tũpa ĩñeẽ mbeu'iare mbyparava rupii. Tũpa opa ara ikova ñono tenta vasure kuaa verã japoa verã roja verãre hareka ñeẽ hendushu verãre Tũpa.

Romano 6:17

Tẽvã ã'ẽ ñameẽshu Tũpa ajetekue, ajemaĩ arykai hai pee mbai porãmba jokuerea, ã'ẽ pyndypyaivivema ñee pyhendu pynymbo'eahea ẽvã rãĩmi, pee pymyvãhẽ vekua.

2 Corintios 11:31

Tũpa Ñandeja Jesucristo Tuu, tomomba'ea vasu opa ara, hai kuaa shapuãrã.

2 Corintios 12:6

Pota aijeta kavi shijeherã, ha'ẽãpo mbaimba vekua rãĩmiva, shara añeteva ambeupo, tẽvã ahejaĩ, potãã mbava pya mbijeta shyreherã vateve shiñono hesha shyrehevaivirã, maĩrã haiva rãĩmi.

2 Corintios 3:5

Tẽvã ore õĩhãã oreii mbai japoha irijehe verã; Tũpa rãnga meẽ ore mbai katuha japoha verã.

2 Corintios 6:1

Hãme rãnga, ore mboryhava Tũpa, jururehape pymyvãhereiimba verã mbai kavikue Tũpa mbouva.

Galatas 2:8

Tũpa mondova Pedro apostolrã ñimiñee verã Judio retape, shymondo jyve ãñimiñee verã haimba Judio retape.

Colosenses 3:17

Hãma opa mba'e pijapova hareka pereva, pijapo Ñandeja Jesucristo heepe hareka pymeẽ ajetekue Tũpape, Cristo rupii.

2 Tesalonicenses 2:17

tymeẽpe kyrẽ'ỹ hareka pyrãta, pere hareka pijapo verã haikaviva.

Hebreos 11:8

Jyrojakue rupii, Abraham hendu kavi Tũpa hẽnohashurã hãrã õhẽ oho kuaamba ryheve matyra hareka oho yvy me'ẽãshu verã kyty hai ña'ãporã.

Hebreos 5:9

Hãrã ñymbyheko kavimarã opa ara pevarã ikoshi pyrỹmondojepe'ia, opaite ĩñee hendushuare pevarã.

Santiago 1:22

Tẽvã pijapo ñee heiva rãĩmi, avypo pyhendupeverei, mahẽ piñymbytavykui.

1 Juan 3:18

Shyryvyre, avy ñandijurupeĩ japyryhaihu, añeteape rãngapo japyryhaihu mbai jajapova rupii.

Judas 1:9

Miguel, Tũpa jokueva juhuvishateiva kyrã japo jyve Ãña ñyrãrõ hãndirã vekua, hekyshi verã Moisés hetekue, tẽvã jaheãhe, koñeĩ heishu: “Ñandeja tijahe ndyrehekui”.