Romano 15:16 - NandevaBiblia

¹⁶ shara shypyhyrõ amba'aposhu verã Cristo Jesús hareka haimba Judiore amboryshu verã. Ĩme'are ajapo verã paire rãĩmi, ambeu verã Tũpa Ĩñee Kavi hareka arahape pee haimba Judiovare Tũpape me'ẽãva haikaviva, Espiritu Santo rupii mbijicheava.

Romano 15:16 ပူးပေါင်းရင်းမြစ်များ

Hechos 13:2

Pente arape pyraheavape õmombai vasu hareka karumbape ñynõirã Espiritu Santo hei: Piñonoshe Bernabé hareka Saulo japo verã tijapo she ameẽshuva.

Hechos 20:24

Tẽvã opaite kova mbai ha'ẽã shypya mbyvyamba'õ; hareka shyrykove ha'ẽãjyveshe mba'eite, koñeĩ aipota vy'a ryheve ahahe ko añaniva japyapeve. Hareka hekope kavi ajapo Ñandeja Jesús hejasheva, ãmbeu'ai Tũpa Ĩñee Kavi jyhaihukue ryhevarã.

Hechos 20:32

Ã'ẽ shyryvyre, airureshu Tũpa jyhaihupe ñyngareko pyndyrehe verã hareka ñee haikavivapy ñyngarekopyndyrehe verã. Hai ĩmereva mbaikatu hareka meẽpe verã pyrãtakue hareka heta mbai haikaviva mbeuva rãĩmi hai ña'ãpova retape meẽ verã.

Hechos 22:21

Tẽvã Ñandeja heishe: “Ekua, shara arỹmondopo mbyry haimba Judiore ẽvãpe”.

Hechos 9:15

Tẽvã Ñandeja hei: Ekua, shara apyhỹrõma hokava kuimbai ijeta shyrehe verã opaite yngava tenta retaipi'õ, huvisha vasure hareka jyve israelitare.

Romano 1:1

She Pablo, Cristo Jesús jokueva hẽnohava apostol, pyhỹrõhava mbeu verã Ñee Kaviva Tũpa ryheva,

Romano 11:13

Tẽvã ĩme'are hai pee verã, pee Judiombare. Tũpa shymbou ĩñee ambeu ai verã pynymbytepe hareka ãmombai kova ajapova.

Romano 15:18

Shara she ha'ẽã mbaimba vekua aijetahepe verã, koñeĩ mbai Cristo japo vekua retaĩ she rupii, Judiombare ñee hendushu verãre ñeepe hareka japova rupii,

Romano 15:19

heshaha verã hareka mbai heshahavare ñymbai katukue, Tũpa jy Espiritu ñymbaikatu rupii. Hãrã kyrã oparupi ambeu Ñee Kaviva Cristo ryheva, Jerusalenvi hareka opaite tenta Iliria juri.

Romano 15:20

Tẽvã añehããñoĩ ambeu Ñee kaviva, Cristo ryheva henduambaipi, potãã yngavare jypyrã ñono vekua ĩãrẽ ãmupũãjyrã.

Romano 15:29

Hareka aikuaa kavi ãĩ, ãvãhẽpokui pynymbytepe heta mbai kavikue ryheve Cristo ryheva.

Romano 5:5

Hareka hokava ñyhãrõkuaa ñanymbytavyãpo, shara Tũpa jyhaihukue mynyhẽ ñandypya Espiritu Santo rupii me'ẽha ñandeva.

1 Corintios 3:5

Hãrã, mbaivara hai Pablo? Mbaivara hai Apolo? Jesucristo jokueva retãĩ rãnga, haire pynymbory rãmeĩ rãnga, pirojahe Jesucristo. Pepenteĩ oreva japo Ñandeja hei oreva japoha verã.

1 Corintios 4:1

Pee rãnga koñeĩpo pere'ore Cristo mboryhareva, maĩrã ñonoha'ore pyrỹmbo'eahe verã Tũpa potava ĩmere vekua ñemiãpe'õre.

1 Corintios 6:19

Pikuããra pyndyrete haiva Espiritu Santo hoo, hai ẽẽ pyndypy, Tũpa meẽpeva? Hãrã pyndyrete haiveãma pa'ãpova.

2 Corintios 11:23

Hai retara Jesucristo jokueva? Ha'itẽjy veshe. Ajemaĩ kuakuamba'ia rãĩmi aijeta. Hetaiteve amba'aposhi reta; heta shunupãhã, heta shyraha shymbyperesoha, hareka ajejetei ãmanoĩte.

2 Corintios 5:20

Hãrã ore Cristo rehe yrokueha, Tũpateiva jururepe ore rupii. Hãma Cristo heepe, jururehape pẽĩjykavi hãndi verã Tũpa.

2 Corintios 8:5

Hãrõhã vekuaivi haire hetave japo, shara hairetateiva ñymeẽ, tynonde Ñandejape, haivi orepe jyve, Tũpa potava rãĩmi.

Galatas 3:5

Tũpa meẽpeje Espiritu hareka japo pyhesha verã heta mbaikavi heshaha verã. Marã'ĩrãra japo? Ha'eã Moisés mbypara vekua pijapopirã, Ñee kavi pyhendu vekua pyroja rãmeĩ rãnga.

Efesios 2:18

Hãrã Cristo rupii opavare ã'ẽ Judio hareka haimbavare, katuma ñavãhẽ Tuu ẽvãpe pente Espiritu rupii.

Efesios 2:22

Hãrã pee Cristo rupii hai jyvepe tũpao ryheva, Tũpa ikovape Espiritu rupii.

Efesios 5:2

Piko jyhaihuvape Cristo ñandyraihuva rãĩmi. Cristo hykove meẽ ñandyrehe vekua, pente avisha ray jukahava rãĩmi hareka me'ẽãva Tũpape pishe katuva.

Filipenses 2:17

Ajemaĩpo shyrykove hekyhatẽ shyhevi opa japo verã pee pymeẽva Tũpape pirojakue rupii, hãrã avy'a jyve penendie.

Filipenses 4:18

Ã'ẽ opama ĩme'are perukasheva. Hoka peruka she vekua Epafrodito rupii, mbaiveama mba'ety ẽẽ she. Kova pymbousheva hãĩ mbai pishekatuva, pishe kaviva rãĩmi, mbai mbijichehava haikaviva Tũpa pevarã.

1 Tesalonicenses 2:2

Hãma pikuaajy tenta Filipope heta poporãã he'iha ore hareka yryrekoha'asy, tẽvã Tũpa ỹrỹmbory mbe'uhape verã Ñee kaviva, pyavasu ryheve hareka ajemaĩ heta'ẽ pya ohombaheva.

1 Tesalonicenses 2:9

Shyryvyre, pymanduapohe marãra pohy mba'apoha hareka opa ỹrỹkangy. Mba'apoha arakuepe hareka pyharekue potãã pyndyreheĩñoĩte õĩhã kyrypoti pymeẽ ore verãrã. Jichepeĩ mbe'uhatẽpe Tũpa Ĩñee Kaviva.

1 Tesalonicenses 5:23

Tũpateiva, pyavapy Tũpa ña'ãpova, pynymbyheko kavi hareka tiñono kavi pyndyrykove, espiritu, pyndykove hareka pyndyrete, kyambape'ẽ verã, Teja Jesucristo oujyrã verã.

1 Timoteo 1:11

Pyrỹmboiva rãĩmi Ñee kavi mbaikatuva Tũpa ña'ãpova, me'ẽhããshe vekua ambeu verã.

1 Timoteo 2:7

Ha'ẽrã rãnga shiñonoha añimiñee'ai verã hareka Apostolrã, hejahashe amboi verã jyrojakue ryheva hareka mbai añeteva ryheva, opaite Judiomba retape. Añetevape hai kova, ha'ẽã shapuva.

2 Timoteo 1:11

Tũpa shiñono ambeu verã kova ñee, hareka shymondo apostolrã hareka Judiombare mboire verã.

Hebreos 13:16

Avy pyndysarehe haikaviva pijapo verã hareka pymeẽ jyveshu yngavare mbai ĩmepyreva, shara kova me'ẽãvare hai mbyvyava Tũpa.

1 Pedro 1:12

Tẽvã Tũpa opa mbykuaaka reta hoka maĩnunga mbeu jyrevare ha'ẽã haire pevarãñoĩteva, koñeĩ haikavipe verã. Hãrã ã'ẽ kuaaka pe ko maĩnunga ñimiñee'ipe vekua ko Ñee kavivare, Espiritu Santo mboua vekua vate araivi. Kova mbai rãnga Tũpa jokueva retatei pota hesha.

1 Pedro 2:5

Pee jyve, ita hykovevare rãĩmi Tũpa mupuãheva oo Espiritu ryheva hareka pee hai paire kyambaa hokava tũpaope, mymba jukahava espiritu ryheva meẽ verã Tũpa myvãhẽva Jesucristo rupii.