Romano 15:14 - NandevaBiblia

¹⁴ Shyryvyre, aroja katu pynytynyhẽva mbai haikaviva hareka opaite arãndukuepe pepenteĩ piñymbarakuaa kavi verã.

Romano 15:14 ပူးပေါင်းရင်းမြစ်များ

1 Corintios 1:5

Hai rupii rãnga Tũpa meẽpe pikatu pijeta verã hareka pikuaa verã heta mbai.

1 Corintios 12:8

Penteva me'ẽãshu katu pyrymbarakuaa verã Espiritu rupii, yngava me'ẽãshu ñee heta mbai kuaava ryheve ijeta verã Espiritu Santo rupii.

1 Corintios 13:2

Me'ẽã she ambeu'ai iko verãrã, hareka opa aikuaa mbai ñemiãpe'õ Tũpa ryhevarã, hareka opa mba'e aikuaarã, katu ĩme'are jyrojakue my'õmyva yvyturusure, tẽvã apyryraihuãrã, mba'eã she.

1 Corintios 8:1

Ã'ẽ jaijetapohe ho'uavare ta'ãnga heepe me'ẽãva. Opaitevama ãmo jaikuaa hokava, shara heta mbai jaikuaava jairojahe. Tẽvã jyhaihukue hai ñanymypyrãtava.

1 Corintios 8:10

Nde opa rikuaava kova mbai reho ryvapy rykarurẽĩ ta'angarei omomba'ehaperã, hareka pente ñandyryvy pyrãtambateriva ndyresharã, katu hai ñymykyrẽy jyve hou verã ho'uavare ta'anga heepe me'ẽãva.

1 Corintios 8:7

Tẽvã opaĩñoã kuaa kova mbai. Shara a'ãmore jypykuaahe ta'angareirã, houteri ta'angape me'ẽãva ho'uavare, hãrã pyape ñymyngya shara pyrãtãã.

2 Corintios 8:7

Pee rãnga opa mba'epe piñymytynonde: Jyrojakuepe, pijetavape, arãndupe, kyrẽ'ỹpe hareka jyhaihukue pikuaa yryhevivape. Kyrãpo piñymytynonde jyve kova mbai haikaviva japohavape.

Efesios 5:9

Hoka sapevaivi rãnga õhẽ mbai haikaviva, heko kaviva hareka añeteva.

Filipenses 1:11

Pee rãnga pepo tynyhẽpo pyraha teko jyvache i'akue mbaikavi pijapova Jesucristo rupii, kuaretare pyrahe hareka õmombai vasushu verã Tũpa.

Filipenses 1:7

Haikavi rãnga kyrã shypya ambijeta pyndyreherã, shara shypyapeĩ apyryre; ajema shymbyperesoha amaĩ'ãĩ ĩãrẽ hareka amy'ãñete Ñee kaviva, opaite pẽĩ jyve shendie jyhaihu Tũpa meẽshevape.

Colosenses 3:16

Cristo ĩñee tytynyhẽ kavi pyndypyare. Piñymbarakuaa hareka perepijupe mbai kuaakuepe. Pyndypyaivive pymeẽshu Tũpa pyndy'ajetekue, pypyrahe salmope'õ, mbyrahe haikaviva hareka mbyrahe Espiritu ryheva.

1 Tesalonicenses 5:11

Hãrã piñymykyrẽỹ hareka piñymyhãtangatu pijupe, kueĩpi pijaposea rãĩmi.

1 Tesalonicenses 5:14

Jururehape shyryvyre, pijeta pohyshu verã hekope kavi ñatẽỹ mba'apovare, pymykyrẽyjy ñatẽỹmaheare, pymbory jyrojape kangyvare hareka opavare pyhãrõkuaashu.

2 Tesalonicenses 1:11

Hãme rãnga opa ara jururehañoĩ pyndyrehe, jururehashu Tũpa piniñonorã hai rupii pynyrẽno verã hareka ñymbai katu rupii opa iko verã pee pipotava hareka opaite jyrojakue rupii japohava.

2 Timoteo 1:5

Shymanduahe marãra añeteĩte riroja, tynonde ĩmere vekua ndijary Loida hareka ndesy Eunice. Aikuaakavi nde kyraĩ rirojajy verã.

Filemon 1:21

Ambypara nde heshara aroja katu ñee rỹhendurã, hareka aikuaa rijapove verã she airure ndeva.

Hebreos 5:12

Arykaimatẽ pypyrỹmboipi verã, katynga pota hykuaĩ mbe'uajype Tũpa ĩñeepe'õ javaimbatẽvã, jaishu ho'uava tantava peumatẽ verã, kambyĩ pota peupi.

Hebreos 6:9

Shyryvyre ahaihuva, kyrãte ijetahava, kuaaha kavi pee pimepeĩva tape haikavivevape, jaishu ñymondojepeva hapepe.

2 Pedro 1:12

Hãme rãnga apyrỹmymandu'aka kova mbai rehe, pikuamatẽvã hareka tantakavima pimepeĩ añetevape pynymbo'ehaheva.

1 Juan 2:21

Ambyparape kova kuatia, ha'ẽã pikuãã añetevarã, pikuaa rãnga jyve, hareka pikuaa mba'ety japuva õhẽ verã añetevaivi.