Romano 14:18 - NandevaBiblia

¹⁸ Kyrã japova Cristo pevarã hai, pya ohohe Tũpa hareka kuaretare mymorãshu.

Romano 14:18 ပူးပေါင်းရင်းမြစ်များ

Marcos 13:34

Pente kuimbai mbyry ohova rãĩmi; hoo hejashu jokuereirea, hãma pepenteĩ ñonoshu japo verã, hãrã õchepe ñyngareko'õ heishu ochemba'ẽ verã.

Juan 12:26

Hãrã ĩme'ẽ pota japosheva haivarã, tou shaykue. Mãĩpi she ãĩvãpe, haipepo ĩme'ẽjyvekui japosheva aipotava, hareka Sheru õmombaivasuposhukui.

Hechos 10:35

hareka Tũpa opa pavẽĩ haihu, opaite tenta, kyjeshiva retape hareka mbai haikaviva yngavare japova.

Romano 12:11

Kyrẽ'ỹpe pymba'apo hareka avypo pate'ỹ. Pymba'apo Tũpa pevarã, kyrẽ'ỹpe.

Romano 14:4

Hãma nde yngava jokue'õ rỹmaĩrihea, mbavara nde kyrãri verã? Jokue'õ rãngapo kuaa mba'apokavira jokuerea. Hai pyrãtapo'ẽ shara Teja mypyrãta ñonoshu.

Romano 16:18

shara jyrojãhe Ñandeja Jesucristo, koñeĩ ha'eire hete potavape ijokueka'iare hareka ñee mbevepeĩ hareka añeteva nungape mbytavyshu pya poshymbape.

Romano 6:22

Hãma ã'ẽ pymbysyryamashiva mbai porãmba vekua, japoama pyndyhevi Tũpa jokuereva. Kova rãnga mbijehu pee pevarã tykove kyamba, hareka koñemahea pyvaĩposhu tykove opambava.

1 Corintios 7:22

Shara jokuehareirea hẽnohã jyroja verãrã, ã'ẽ haima pente kuimbai mbaimba jocha'õ, mba'aposhu verã Ñandeja, kyrãi jyve hẽnoãrã jokueharea, ã'ẽ haima Cristo jokuereva.

2 Corintios 4:2

shara opa mbijicheha ñemiãpẽ'õre hareka pyrỹmymarãkava, ikohã pyrỹmbytavyhavape, hareka Tũpa ĩñee opavãã mbihi'aha. Kyrãtẽ verã añetevaĩ mbe'uha, kyrãrã kuaa mondo verãre ore haiva añeteva Tũpa hỹnonde.

2 Corintios 5:11

Kuaaha rãnga kyjehashi verã Tũpa, hãrã õñehã'ãha mbyrojahaka jyve kuaretare. Tũpa rãnga kuaa mbaivara'ore, hãrã ãhãrõ pikuaa verã jyve pypyape.

2 Corintios 5:9

Hãme rãnga õñehã'ãhã japoha Ñandeja potava, ĩmehãĩteri'iape maĩrã yryrete hejahamavape.

2 Corintios 6:4

Katynga opaite japohavape, heshahaka Tũpa jokueva orerã; heta ñyhãrõkuaape hasaha jyhasa'asyre, mbai mba'ety oreape, hareka mbai hasyvape;

2 Corintios 8:21

Õñehãã rãnga haikavi japoha maĩnunga, ha'ẽã Ñandeja hỹnondeĩ, kuaretare hỹnonde jyve.

Filipenses 4:18

Ã'ẽ opama ĩme'are perukasheva. Hoka peruka she vekua Epafrodito rupii, mbaiveama mba'ety ẽẽ she. Kova pymbousheva hãĩ mbai pishekatuva, pishe kaviva rãĩmi, mbai mbijichehava haikaviva Tũpa pevarã.

Filipenses 4:8

Koñemahea shyryvyre, pypya pimbijeta katuhe opava oumbava japuivi, heko kaviva, pyrỹmbyhoryva hareka hyrãkua kavivare. Opaite ĩmereva mbai haikaviva hareka katu pyraheva, kova pypya pimbijetahe.

Colosenses 3:24

Pikuaama rãnga hekovia Tũpa meẽpope, hokava hai maĩnunga haikaviva meẽshu verã hai ryhevare. Pikuaapo pee pymba'apova Cristo pevarã, hai ãñeteĩte teja.

1 Timoteo 2:3

Shara kova hai haikaviva hareka mbyvyava Tũpa Ñanymondojepeva,

1 Timoteo 5:4

Tẽvã taupe ĩme manoshia ĩmere memby maĩrã hỹmarĩrõ retarã, hairetapo tynonde opa ñonoshu mba'etyshuare, hareka kyrãpo mbyhekoviajyshu tuure hareka ishyre japohe vekua. Shara kova haikavi hareka mbyhory Tũpa.

1 Pedro 2:12

Piko kavi jyve Tũpa rojambavare mbyteipi; hãrã ijeta porãmba'i pyndyreheva mbai porãmba pijapopiva rãĩmi, heshajy pyndyrehe mbai kavivaĩrã õmombaipo jyve reta Tũpa.

1 Pedro 2:20

Hãmera, mbaivara pimbijehupopy ñyhãrõkuape pyhasa'asypi mbai porãmba pijapo vekua rehe? Tẽvã ñyhãrõkuape pyhasa'asy mbai haikaviva pijaporã, hokava haikavi Tũpa hỹnonde.

1 Pedro 2:5

Pee jyve, ita hykovevare rãĩmi Tũpa mupuãheva oo Espiritu ryheva hareka pee hai paire kyambaa hokava tũpaope, mymba jukahava espiritu ryheva meẽ verã Tũpa myvãhẽva Jesucristo rupii.

1 Pedro 3:16

Tẽvã pijapo peñemomishĩvape hareka ñee henduvape. Piko pypyavapy ryheve, hãrãpo ijeta porãmbahea pyndyreko kavi ĩmepyreva Cristo pirojaherã, ĩñe'ẽkue rehe ñymymarãka retakui.