Romano 14:14 - NandevaBiblia

¹⁴ She aikuaa, aroja Ñandeja Jesús rupii mba'ety ijuhuvii mbai kyavarã, ĩme'ẽ pya mbijetavarã pente mbai hai pevarã kyarã, ha'ei pevarãĩ kya.

Romano 14:14 ပူးပေါင်းရင်းမြစ်များ

Marcos 7:2

Kovare hesha Jesús mboireare a'ãmo karu ñynoĩ ipo kya ryheverã, he'ise jypoimbaa, ijeta porããhe reta.

Hechos 10:28

Pedro heishu: Pee pikua Judio jykuatiape ẽẽ potamba ichehava hentape hareka jihia karai mbyryvare, tẽvã Tũpa shymbyheshaka potambaa ahenova mbavape kyashuva Tũpa.

Romano 14:2

Ñañonoshu, ĩme'ẽ pya mbijetava hou verã opaĩ marãrãngatuva ho'uavare, katynga jyrojakuepe pyrãntambaterivare, koñeĩ hou reta ñotỹhavare ia.

Romano 14:20

Avy mbaishi Tũpa japova ho'uava rehe. Ãñete opa mbai ky'ã, porãmba rãnga hai jaityjy pente kuareta jauva reherã.

Romano 14:23

Tẽvã pyhuva ho'uava rehe, ha'ei jyvare ijehe; shara japoã jyrojakue ryheve hareka opaite jyrojakue ryhevamba japoava, hai mbai porãmba.

1 Corintios 10:25

Opaite soo ovendeha'õpe ẽvãre, pe'u, mbaimba pypyrãnduheape pyndypyape mbaikuaakue.

1 Corintios 8:10

Nde opa rikuaava kova mbai reho ryvapy rykarurẽĩ ta'angarei omomba'ehaperã, hareka pente ñandyryvy pyrãtambateriva ndyresharã, katu hai ñymykyrẽy jyve hou verã ho'uavare ta'anga heepe me'ẽãva.

1 Corintios 8:7

Tẽvã opaĩñoã kuaa kova mbai. Shara a'ãmore jypykuaahe ta'angareirã, houteri ta'angape me'ẽãva ho'uavare, hãrã pyape ñymyngya shara pyrãtãã.

1 Timoteo 4:4

Opa mbai Tũpa japova rãnga haikavi, hãrã mba'ety mbaiva ñamomboshi verã, ñandypya haikavi'õ ryheve jaurã.

Tito 1:15

Heko kyambava pevarã opava ky'ãshu hai, katynga heko kyava hareka rojambare pevarã mba'etyshu hai kyambava. Mbai kya vekuaĩ ñakapyre hareka pyape.