Romano 14:13 - NandevaBiblia

¹³ Hãrã avypo jaijetajai ijehe, avy ñañonoshu ñandyryvy jyrojava ity verã mbai porãmbape.

Romano 14:13 ပူးပေါင်းရင်းမြစ်များ

Mateo 16:23

Jesús jerepyrã heishu Pedro: Syry shyhevi Satanas! Nde pota shocharẽĩ. Ndypya rĩñanduva ha'ẽã Tũpaivi ouva, koñeĩ kuaretare ñanduva rãĩmi rĩñandu kova mbai.

Mateo 18:7

Ko yvy'ĩãrẽ mbai porãmbape pirirityva, japoãã Tũpa heiva. Shara ẽẽñoĩpo mbai porãmbava, tẽvã tengapokui kuareta mbai porãmba pirĩmbijapokava.

Mateo 7:1

Avy pimbijiche papisha, hãrã Tũpa pinimbijicheãpo jyve.

Lucas 12:57

Mãrãĩra peeteiva piñanduãã pijapo verã hekope kaviva?

Lucas 17:2

Haikavivepo jajure ñapĩtihã ita mungu'iapyarã mombohaseve yyvasupe, mahẽ penteva jyrojatẽ'i shyrevare ityjykui mbai porãmbape.

Romano 11:9

David hei jyve: “Vy'aseape tikoshi mbai mykatỹrõãvare hareka jypysa, oapy retarã, jaheahe verã!

Romano 14:10

Mbaiva rehera rijetarihe ndyryvy jyrojava? Marã'irãra ryheshatãã? Opaiteva rãngapo ñande jahakui Tũpa vapy'õ hỹnonde maĩhe verã marãra jaiko.

Romano 14:3

Haikavi opava mbai houva, ha'eã mymorãmba verã kyrãva maĩnunga houmbaa hareka houmbavare ha'eãjy ijetareiihe verã opa mbai houva, shara Tũpa jyvacheĩ myvãhẽshu.

Romano 14:4

Hãma nde yngava jokue'õ rỹmaĩrihea, mbavara nde kyrãri verã? Jokue'õ rãngapo kuaa mba'apokavira jokuerea. Hai pyrãtapo'ẽ shara Teja mypyrãta ñonoshu.

Romano 16:17

Shyryvyre, airure pee pingarekoshi verã ñimbijao ryheva veruva hareka pyrỹmbyvapiva ñono'iare, hai hokava ñymbyvaishoheva pynymbo'eaheva pymyvãheva. Hokava kuaretare avy pihia,

1 Corintios 10:32

Avy porãmba pyheshakashu Judio retape, Israelitamba retape, maĩrã Tũpa jytũpao ryheva.

1 Corintios 11:13

Peiipo pimbivache: Haikavira taupe ñymboishu Tũpa ñaka mbasoimbape?

2 Corintios 5:14

Cristo jyhaihukue rãnga yrỹmykyrẽy, yrypya mbijetahe kovarã; penteva manohẽ opava reherã, hãme hokava rehe opaiteva mano.

2 Corintios 6:3

Mbavapeã ijyheshahaka porãã, moã mbava poi jyroja japohava reherã hareka potãã japohava porã ijetaherã.

Filipenses 1:10

haikavivape piko verã, kyrãra pikopo pyndyreko kyambape hareka mba'etypo mbai porãmba he'ia pyndyrehe verã Cristo oujy verã jy'arape.

1 Timoteo 5:14

Hãme rãnga aipota ynga rekojy taupe ĩme manoshia kuñataĩteriare, tymemby hareka tingareko kavihe hoo, mahẽ ñanymorãmba'iare ijeta porãã'ihe retakui.

Santiago 2:4

kyrãrã peii piñimbivavypi, hareka hekope kaviã pijapo.

Santiago 4:11

Shyryvyre avy pijeta porãã ijehe. Pyndyryvyhea ĩñeepe ñymbyvaisho'ihea maĩrã mbivache'ia, porãã ijeta hareka mbijiche Moisés mbypara vekua japoa verã. Hãrã rĩpirĩmbijicherã, rĩñyñonoma pirĩmbijiche'ia rãĩmi rijapoĩtẽ verã.

1 Juan 2:10

Tyvy haihuva pyrãta'ẽ sapeva mykõĩ ẽvãpe, hareka pyryhaihuva o'ãã hai mbai porãmbape.

Apocalipsis 2:14

Tẽvã ĩme'ẽ pente mbai ajetemba'ẽshea: Ĩme'ẽ pynymbytepe Balaam pyrỹmboiheva potamba hejava, mboi vekua Balac israelitare oa verã mbai porãmbape hareka pota houshu reta mymba jukahava Tũpa rã'anga retape me'ẽãva hareka mykyrẽyshu reta kyrãrãĩ jyre verã.