Romano 14:1 - NandevaBiblia

¹ Pymyvãhẽ kavishu jyrojakuepe pyrãntambaterivare, tẽvã avy pijakapi handi reta.

Romano 14:1 ပူးပေါင်းရင်းမြစ်များ

Mateo 12:20

Mỹ'õpeãpo takuara hareka mboveãpo tata mishiĩ hendy'õ, opa mbijapokapeve hekope kavi'õ.

Mateo 14:31

Haipe Jesús pysyrã heishu: Sa'itemba riroja! Marã'ĩrãra rypyhu?

Mateo 18:10

Avy pijahehe sanjay rãĩmi jyroja shyryheva. Haipe Tũpa jokuevare haire ĩme'ẽ Ñanderu hỹnonde hareka hesha reta hova.

Marcos 7:19

Shara icheã pyape, hyepẽĩ vãhẽrã haivĩma õhẽjyshi. Kyrã Jesús heirã he'isema opaite ho'uavare kyambava.

Lucas 17:2

Haikavivepo jajure ñapĩtihã ita mungu'iapyarã mombohaseve yyvasupe, mahẽ penteva jyrojatẽ'i shyrevare ityjykui mbai porãmbape.

Juan 13:20

Ãñete hai pee, ãmondova myvãhẽ kaviva, shymyvãhẽjyve; hãrã shymyvãhẽva, myvãhẽjyve shymbou vekua.

Hechos 28:2

Haipe Maltape'õre ỹrỹmyvãhẽkavi reta, shara ro'y hareka haivi'ẽseverã. Hãrã haire tata jatapyvasu, haipe yrỹrẽno reta jype'eha hãndi verãre.

Romano 11:15

Shara Tũpa Judiore mbijicheape, he'ise opaite yvy jerekue Tũpa ñymbeujyshuva, mbaivara he'isepo Judiore myvãheãjyshurã? He'iserapo haire ĩmerapore reta tykove, shara aryka'e manova rãĩmi jyre.

Romano 14:2

Ñañonoshu, ĩme'ẽ pya mbijetava hou verã opaĩ marãrãngatuva ho'uavare, katynga jyrojakuepe pyrãntambaterivare, koñeĩ hou reta ñotỹhavare ia.

Romano 14:21

Haikavive ja'ũã soo hareka ñambusururuã vino, avy mbaiva japo rity verã ndyryvy jyrojava.

Romano 14:3

Haikavi opava mbai houva, ha'eã mymorãmba verã kyrãva maĩnunga houmbaa hareka houmbavare ha'eãjy ijetareiihe verã opa mbai houva, shara Tũpa jyvacheĩ myvãhẽshu.

Romano 15:1

Ñande jairojakuepe ñanypyrãtava, ñamborypohe pyrãtambare rahareva, ñande ñandypya ohohevaĩ jajapotẽ verã hendakuepe.

Romano 15:7

Hãrã, pepenteĩ piñymyvãhẽ kavi, Cristo ñanymyvãhẽva rãĩmi, Tũpa hĩmbipeva pevarã.

Romano 4:19

Ajemaĩ Abraham kuakuama 100 ãñomapore, hareka hete tujama hĩnjapo verã, tẽvã poĩãmba jyrojahe Tũpa. Kuaatẽjy hyreko Sara katumba membyva,

1 Corintios 9:22

Pyrãtambavare mbytepe, aiko jyve pyrãtambava rãĩmi, aru verã reta jyve pyrãtambavare. Jaishu opaĩ añimbivache hãndi, a'ãmo ohojepe verã reta jyve.

Filipenses 2:29

Pymyvãhẽshu Ñandeja heepe vy'akue ryheve, hareka hai rãĩmiva pyndyroryñoĩpo hãndi.

1 Tesalonicenses 5:14

Jururehape shyryvyre, pijeta pohyshu verã hekope kavi ñatẽỹ mba'apovare, pymykyrẽyjy ñatẽỹmaheare, pymbory jyrojape kangyvare hareka opavare pyhãrõkuaashu.

Hebreos 5:14

Tẽvã ho'uava tantava hai opama syryvare pevarã, maĩ kavivare, shara heshakavima mbaivara haikavi hareka porãã.

2 Juan 1:10

Ĩme'ẽ oho pohypeva kyrãva pyrỹmboimbahearã, avy pymyvãhẽ pynyrẽntape hareka avypo pymarãndushu.