Romano 13:1 - NandevaBiblia

¹ Opaitevapo ñaĩñyñono mburuvishare ñonohavare ipope. Shara mba'ety mburuvisharã'õre oumbaa Tũpaivi, hai rupii rãnga ñonoha reta.

Romano 13:1 ပူးပေါင်းရင်းမြစ်များ

Mateo 6:13

Avy ma'ẽĩhe to'aha jepyarããpe, koñeĩ porãmbaivi yryrekyshi. Shara na'ãpova hai mburuvisha vasurãrẽĩvape, mbaikatukue hareka himbipekue, opa ara pevarã. Amén.

Juan 19:11

Jesús heishu: Mbaimbatẽ rijapo shyrehe verãra Tũpa ñonoã nderã; hãme rãnga shiñono vekua ndepope tivishaiteve ĩmere hai ijehe mbai porãmba.

Hechos 2:41

Kyrã opaite ĩñee henduvare, ñymyngaraika reta. Hoka arape iche jyrojavare mbytepe 3.000 kuareta.

Romano 12:21

Avy heja porãmbavaĩ tijepy ndyrehe. Kyrãtẽ verã, jepyhe porãmba haikavivapy.

Romano 13:2

Hãme rãnga, huvishare ñymbyvaishohevare, pũãhe Tũpa ñonova hareka kyrã'iva jaheapohe retakui.

Efesios 5:21

Pijapo kavi pijehe Cristo jyhaihukue rupii.

1 Timoteo 2:2

tirurehahe opaite huvisharã'õre hareka opaite mbai miñaka'õre, jaiko verã pya vapype hareka ñyrãrõmbape, tykove mbijicheavape Tũpa pevarã hareka ñee ñahendushu Tũpa.

Tito 3:1

Opaiteva mymandu'akahe tiñiñono jyve huvisharã'õre ipope, ñee tyhendu hareka õĩñoĩpo japo verã haikaviva.

Judas 1:8

Kyrãpo iko jyvehekui opaite aijeta ãĩhevare, shara porãmba pya mbijetaheva rupii hete myngya, mbijiche reta Tũpa ñymbaikatukue hareka ijeta porãhe Tũpa jokuevare arapy'õ.

Apocalipsis 1:5

hareka Jesucristoivi heshava jyrojaheva, tynondeite kuerajyva hareka mbaivasuveshiva mburuvisha vasu yvy ĩãrẽ'õre. Hai ñandyraihurã hareka opa ñandohe mbai porãmba vekuaaivi huvypy,

Apocalipsis 17:14

Haire ñyrãrõpo hãndi Avisha Ray, tẽvã hai jepypohe reta, shara hai tejare Ija, hareka mburuvisha vasure Juhuvisha vasu”, hareka Hai ẽẽ hãndivare, hai hẽnoavare, pyhỹrõãvare hareka Tũpape henduñoĩvare.

Apocalipsis 19:16

Ñyponshore hareka iure mbyparahahe hee: “Mburuvisha vasure Juhuvisha Vasu hareka karaivasure Ija”.