Romano 12:6 - NandevaBiblia

⁶ Tũpa jyvavavy meẽ ñande mbai jaikatu verã, hai pota opaiteva meẽ ñandeva rupiimba. Hãme añete hai ñono ñande heepe ĩñee ñambeu verãrã, japory kavi jairojakue rupii,

Romano 12:6 ပူးပေါင်းရင်းမြစ်များ

Mateo 23:34

Hãmẽãra amondopokui Tũpa ĩñee mbeu'ia pyrỹmboi'ia mbai kuaava. Tẽvã peepo pijuka hareka pymbysavava kurusure hai retavape, hãrã ĩrũre punũpapokui Judiore ñymbaty'õpe hareka pymoñapokui henta'ia retape.

Mateo 25:22

Haivi ou jokuea rea 20 mil ĩmere vekua hãrã hei: “Sheja, 20 mil rãnga rỹmeẽ she, hãma arujynde 20 mil ĩãrẽve amimoñajyva”.

Lucas 11:49

Hãrã Tũpa ñymbai kuaakuepy hei kavi pyndyrehe: “Ãmondoposhu reta Tũpa ĩñee mbeu'iare hareka apostolre; a'ãmore jukapo retakui hãrã ĩrũre heshatãrã moñapo retakui”.

Hechos 13:1

Tũpao Antioquiape'õ ĩme'ẽ Tũpa ĩñee mbeu'ia hareka pyrỹmboi'iare. Haire hai Bernabé, Simón, mbyheeava jyve “Hũva” Lucio Sireneva, Manaen mburuvisha Herodes mbykuakuaheva hareka Saulo,

Hechos 15:32

Hãrã Judas hareka Silas haireta jyve Tũpa ĩñee mbeu'ia retarã heta ñeepe mbyvyajy hareka mỹkyrẽyshu reta pente'ova Tũpare jyrojavare.

Hechos 2:17

Tũpa hei: Ara koñymaheape, ãñohẽpokui opaite kuaretare ĩãrẽ she Espiritu, pyndyrayre hareka pyndyrajyre mbeupokui Tũpa ĩñee, kunumire heshapokui mbai heshamba iko verã hareka kuakuavare jypaihupe aijetaposhukui.

Hechos 21:9

Felipe ĩmere urũndy tajy nde'iave ĩmevare, hai reta jyve mbeuñoĩva Espiritu Santo heshakashuva.

Romano 1:11

Shara aipota aha apyryresha tykovepy'õre me'ẽ verã mbai katukue Espiritu Santoivi ouva, hareka kyrãrãpo jyrojakue Tũpa pyrekoheva pyrãtave ohokui.

Romano 12:3

Tũpa pya kavi rupii shiñono apostolrã hareka hai rehe airurepe avy pirojaite pindijehe. Haikavive, pypya pimbijeta kavi pindijehe arãndupe Tũpa meẽpeva rupii mbaikuaakue Cristo pirojahe verã.

1 Corintios 12:18

Tẽvã Tũpa ñonombahe ñandyrete ryhevare hai potava rãĩmi.

1 Corintios 13:2

Me'ẽã she ambeu'ai iko verãrã, hareka opa aikuaa mbai ñemiãpe'õ Tũpa ryhevarã, hareka opa mba'e aikuaarã, katu ĩme'are jyrojakue my'õmyva yvyturusure, tẽvã apyryraihuãrã, mba'eã she.

1 Corintios 14:1

Piko jyhaihupe, piñyhãã hareka pipotarai pipity mbai kuaakue Espiritu Santo meẽvare, tẽvã hai ĩãrẽ piñimiñee Tũpa ñymbaikatu ryheve.

1 Corintios 14:24

Tẽvã opaiteva piñimiñee Tũpa ñymbaikatu ryheverã, haivi iche pynymbytepe pente Jesús jyrojambahearã, maĩrã kuaambarã, heshapo ijehe mbai porãmba vekua hareka haiteivapo pyrãndu ijupe, kuaa pymbeupeĩvarã,

1 Corintios 14:29

Kyrã jyve Tũpa ĩñee mbeu'iare, tijeta mokue, maĩrã mbahapy, hãma ĩrũre tijasaka kavihe hesha verã ñee haira ãñete Tũpaivi ouva.

1 Corintios 3:5

Hãrã, mbaivara hai Pablo? Mbaivara hai Apolo? Jesucristo jokueva retãĩ rãnga, haire pynymbory rãmeĩ rãnga, pirojahe Jesucristo. Pepenteĩ oreva japo Ñandeja hei oreva japoha verã.

1 Corintios 7:7

Ãñete aipotatẽpo opaiteva kuimbaire she rãĩmijyree, tẽvã Tũpa pepenteĩ meẽshu japo verã. Penteva yngai japo, yngava yngaivejy, kyrã oho.

2 Corintios 8:12

Hãma kyrẽỹ meẽva, myvãhẽha kaviposhu vy'ape meẽrã, shara Tũpa jurureã ñande mba'etyjarea ñameẽ verã.

Efesios 3:5

Hoka kuaahakambava aryka'evare jy'arape, ã'ẽ Tũpa heshaka jy'apostol hareka Tũpa ĩñee mbeu'ia heko kyambare Espiritu hai ryheva rupii.

Efesios 4:11

Haiteiva ñonojy apostolre; yngavape Tũpa ĩñee mbeu'ia; yngavape Ñee kaviva mbeu verã, hareka yngavape ñyngareko pyryre verãre hareka pyrỹmboi'i verã,

Filipenses 3:15

Ñande opa kavima ñanytarõva jyrojakue ĩme jarevape, kyrãmipo ñandypya ñambijeta jyve. Ĩme'ẽ pynymbytepe yngai pya mbijetavarã, Tũpa pynymbyheshakapo jyve kova pipity verã pota pyvãhẽvape.

1 Tesalonicenses 5:20

Avy pijahehe iko verã mbeu'ia.

2 Pedro 1:20

Opava maĩnunga ĩãrẽ pikuakavipo kova: Mba'ety Tũpa ĩñee mbeu'iare ĩñee Mbyparaha vekuape ẽẽva ha'eire ijuhuvii mbeu vekua.