Romano 12:2 - NandevaBiblia

² Hãrã avypo piko ko yvy'ĩãrẽ'iare ikova rãĩmi, koñeĩ pypya pimbijeta py'aupojy. Hãmerãpo pikuaa Tũpa potava rãĩmi, haikaviva, pya ohoheva hareka hekope kavi'õ.

Romano 12:2 ပူးပေါင်းရင်းမြစ်များ

Mateo 13:22

Mbairãỹ oa vekua kapiãti pãũpe, hokava hai henduvare Ñee, tẽvã ojepy'apy mbai yvy'ĩãrẽ'õvãi mbai potakue mbytavyshu. Kova mbai opa japyraha shara potã ñee ia kavi pya retaperã.

Marcos 4:19

tẽvã ojepy'apy ko yvy'ĩãrẽ'õreirã, jytavykashu iko katukue hareka pota hetare mba'ekue, kova opa ou ĩãrẽshi ñee hẽnduvarã, katoa ia.

Juan 14:30

Hetaveamapo aijetape, shara vãhẽma ou Ãña ko yvy'ĩãrẽ huvisha'õ. Hai mbaivapẽã jepy shyrehe,

Juan 15:19

Pee haijyve, kuareta yvy'ĩãrẽ'iare Tũpa jyrojambahea ryhevarã pyndyraihupo jyve, haire jyhaihuva rãĩmi. Tẽvã she apyrỹpyhyrõma yvy'ĩãrẽ'õ retaivi, hãme rãnga kuaretare pyndyreshatãã, shara pikoveama haire ikova rãĩmi.

Juan 17:14

She rãnga ambeushu reta niñee, hãrã kuareta yvy'ĩãrẽ'õ jyrojamba ndyrehevare mymorãã reta, shara haire ha'ẽã ko yvy'ĩãrẽ'õre, she rãĩmi ha'ẽã jyve reta ko yvy'ĩãrẽ'õ.

Juan 7:7

Kuaretare ko yvy ĩãrẽ ẽvare katũã pyndyreshatãã; tẽvã she shymymorãã reta, shara she ambeushu reta mbai porãmba japo vekuare.

Romano 12:1

Hãmeara, shyryvyre, Tũpa jyparekokue ojaimbava rupii airurepe, pymeẽ verã pyndyrete Tũpape me'ẽãva rãĩmi ĩmeĩ'ia, kyambape hareka Tũpa mbyvyashu verã. Kyrã rãngatẽpo õñemombaishu.

Romano 13:14

Haikavive, pimimondepy Ñandeja Jesucristo hareka avy pijapo kyavare pyndyretere potava.

Romano 7:12

Katu jai ñee mbyparahava japoa verã ijuhuvii ky'ã, hareka ñeẽ japoha verã ky'ã, heko kavi hareka haikavi.

Romano 7:14

Jaikuaa rãnga ñee mbyparahava haiva espiritu ryheva, tẽvã she hai pente kuareta me'ẽã vekua jokuearea rãĩmi mbai porãmbape.

Romano 7:22

Shara shypyape mbyhory ñee mbyparahava japoha verã Tũpa ryheva.

1 Corintios 3:19

Shara Tũpa pevarã ko yvy'ĩãrẽ'õ ãrãndu mba'erãveãshu hai. Kuatia mbyparahava heiva rãĩmi: Tũpa itypy ĩñarãnduvare, ha'ei ñono vekuapy.

2 Corintios 4:4

Haire rojãã, shara ãña ko yvy ija ñakapy mypyntushi reta, potãã mykõĩshu reta Ñee kaviva hĩmbipeva Cristo ryhevarã, shara Cristo hai Tũpa rãĩmiva.

2 Corintios 5:17

Hãrã ĩme'ẽ Cristo ñymypente hãndivarã, haimapo pente japoha py'ahuva. Opa mbai tuja vekua opama hasa, hãrã opa mbaima py'ahujy.

Galatas 1:4

Jesucristo rãnga meẽ hykove mbai porãmba jajapo vekua rehe, ñanynohẽ verã ko yvy'ĩãrẽ'õre heko porãmba vekuaivi, Tũpa potava rãĩmi.

Efesios 1:18

Airurejy Tũpape pyndypyape sape verã, pikuaa kavi verã mbaivara ñyhãrõ kavi pynyrẽnohavape, haikavi hĩmbipeva hareka mbai hepyva pyrỹmondo jepeva Tũpa meẽshuva heko kyambare,

Efesios 2:2

pee piko vekua porãmbape, kuareta yvy'ĩãrẽ'iare heko porãmba rãĩmi, pijapopi espiritu pyntuva ipope'õre potava, espiritu ã'ẽ mypyrãntareva ñymbaikatukue tyrayre ñee hendumba rupii.

Efesios 5:17

Avy piko pya mbijetambare rãĩmi kuambaa mbaivara iko, pikuaapo jyve mbaivara Ñandeja pota.

Colosenses 1:9

Hãme rãnga ore, hoka arape kuaaharãvãĩ, pente aramba hasa yryheviva jurureha'i pyndyreherã. Jurureha Tũpape kuaaka kavipe verã hai potava, meẽpe verã ãrãndu hareka mbaikuaa Espiritu Santo meẽva.

Colosenses 3:10

Piko tykove py'ahuvape, ñymbypy'ahu ohova ovave verã Tũpa hai pindijapo vekua hareka pikuaa kavive pyrahashu.

Colosenses 4:12

Pynymarãndu jyve Epafras, Cristo jokueva, hai rãnga jyve pente pyndyryheva. Hai heta õñehãã jurure'i pyndyreherã, tãntangãtu pẽĩ verã, porãmba pijapombape hareka opa kavi pijapo verã Tũpa potava.

1 Tesalonicenses 4:3

Shara Tũpa potava hai tykove kyambava, hareka avypo mbava javasa'i,

Tito 3:5

ñanymondojepe haimbatẽ mbai haikaviva jajapo jairã, shara ñandypareko. Ñandohe mbai porãmbavaivi, ñanymby'oa py'ahujy hareka Espiritu Santo rupii meẽ ñande tykove py'ahuva.

Santiago 1:27

Opakavi jajapova Tũpa ĩñee ryheva hai kova: Ñambory reta tuu hareka ishyveamavare hareka ĩme manoshiare opava maĩnunga mba'etyshuape, hareka ñaĩngareko ñandijehe potamba ñaĩmyngyapya mbai porãmba ko yvy'ĩãrẽ'õ.

Santiago 4:4

Tykove Tũpa haihumba hareka ñee hendumbare! Pikuããra piñimi'ĩrũhe yvy'ĩãrẽ'õrã, peima pimbyvaishoheva Tũpa? Ĩme'ẽ pota yvy'ĩãrẽ'õ ñimi'ĩrũhearã, ñymbyvaishomahe Tũpa.

1 Pedro 1:14

Tyrayre ñee henduvare rãĩmi, avy pikojy arykai Tũpa ndei pikuarã vekua rãĩmi.

1 Pedro 1:18

Tũpa rãnga pindijorashi pikoreii pẽĩ vekuape pynytynondevare hejape vekuape. Hãrã pee pikuaa kavi, hokava mbyhepyhava ha'ẽã mbyhepyhapya opa ñymbaivapy, ita vera ijuva maĩrã plata rãĩmiva,

1 Pedro 2:3

Pikuaa rãnga marãra Tũpa pyakavi.

1 Pedro 4:2

pimeĩteripirã pikombaa verã pyndyroo potavape, kuaretare potava rãĩmi, koñeĩ Tũpa potava rãĩmi.

2 Pedro 1:4

Hokava mbaire rupii meẽ ñande ĩñee hei vekua meẽ ñande verã, ojaimbava hareka kapyryva, hareka piko verã tykove kyambape Tũpa rãĩmi.

2 Pedro 2:20

Shara kuaashuvare Ñandeja hareka Pyrỹmondojepe'ia Jesucristo, katuveãmapo iko mbai porãmba japo'iare rãĩmi ko yvy'ĩãrẽ'õ; tẽvã hokava mbaipe jypokuarã hareka hykuaĩ mbai porãmbape ẽẽjyrã, porã'ãĩtevepo pyta jypyite õñepyrõ vekuaivi.

1 Juan 3:13

Shyryvyre, avy hãĩrã pyheshava rãĩmipi kuaretare ko yvy ĩãrẽ'õre pyndyreshatããrã.

1 Juan 5:19

Jaikuaa ñande hai Tũpa ña'ãpova hareka opaite ko yvy'ĩãrẽ'õ Ãña ipope'ẽ.

Apocalipsis 12:9

Haivi mboi vasu momboha yvykyty, mboi aryka'eiteva, Ãña hareka Satanás he'iashuva, opa kuaretare mbytavyva, hai jokuevare hãndi momboha yvy'ĩãrẽ.

Apocalipsis 13:8

Hareka omombaishu reta kova mymba opaite Avisha Ray jykuatia tykove ryhevape hee ñonoambava, jukaha vekua. Kova kuatia ẽẽmba arykai Tũpa yvy ndeiteri japorã, haipe opa ĩme'ẽ kuaretare hee tykove ĩmemareare.